CCCA Bulletin€¦ · kho. Hi Conference chung cawnpiaktu hna cu Rev. Chan Ling (ACCC), Rev. David...

Bulletin CCCA

CHIN CHRISTIAN COUNCIL IN AUSTRALIA

Avoi 2nak

August 2017

Melbourne Khualipi

GS Biabeuh Rev. Dr. Dennis Shu Maung

CCCA Bulletin a voihnihnak zong a hung chuah ṭhan cang caah lawmhnak asi. Salm hla phuahtu nih "Unau rual rem tein khuasakṭi cu zeitluk in dah a ṭhat i a nuamh" tiah a timi hla hi Chin miphun kan hla si ve sehlaw Australia ram chung um Chin miphun dihlak hi rem tein CCCA ah hin khuasa ṭi kho usih ti hi ka thlacamnak a si. Hmunkhat teah ifuntom hna usih. Australia ram ah hin Chin miphun cu mi tlawmte kan si. Sihmanhsehlaw a nung Pathian a biami kan si caah ceunak kan si khawh ko. Ceunak cu hmete ko hmanh sehlaw zaan mui chungah cun a ceunak a langpeng ve ko. Cubantuk cun Chin miphun hi Pathian kan hngalh, kan teh (taste), kan zumh i kan nunpimi nih hin kan umnak ram le miphun hna sinah ceunak kan si ter ko seh. Hawi dawt, CCCA hi dirpi law thazaang pe ve tuah. CCCA in kan in don hna.

CCCA UPA HNA

Officer Council Upa hna

(2016-2018)

1. General Secretary Rev. Dr. Dennis Shu Maung 2. Associate General Secretary Rev. Mang Hre 3. President Rev. James Tin Kung 4. Vice President Pu Thong Za Tawng 5. Treasurer Rev. Tluang Mang 6. Assistant Treasurer Rev. Va Bi

Department Hruaitu hna (2016-2018)

1. Women Department Director Rev. Bawi Cin 3. Youth Department Director Pastor Cung Hnin 3. Christian Education Director Saya Amos Siang Nawl Thang

CCCA Chungtel Khrihfabu hna

1. ACCC, Adelaide 2. VCBC, Melbourne 3. MCC, Melbourne 4. CCCM, Melbourne 5. MIBC, Melbourne 6. CBC, Melbourne 7. MCCV, Melbourne 8. AZC, Melbourne 9. WACCC, Perth 10. PCBC, Perth 11. WACEC, Perth 12. QCCC, Brisbane 13. BCC, Brisbane 14. CHCIC, Coffs Harbour

A Voi 2nak CCCA BULLETIN August 2017

...Bawipa nih nan pum theitlai le nan saṭil theitlai le nan vawlei theitlai ah tam piin an rumter hna lai.(Deuteronomi 28:11)

Cawlcanghnak Pawl

CCCA CE Conference – April 28 – 30, 2017

A voi khatnak CCCA CE Conference cu hlunghlai ngaingai in West-ern Australia khualipi Perth ah ni hnih le zan thum chung kan tuah kho. Perth Chin Baptist Church nih inntek an kan ṭuan piak. CCCA chungtel Khrihfabu 12 in Sunday School Cawnpiaktu 80 leng an kai kho. Hi Conference chung cawnpiaktu hna cu Rev. Chan Ling (ACCC), Rev. David Van Dawt Thawng (VCBC) le Rev. Van Cung Ling (WACCC) an si.

CCCA chungtel Khrihfabu 14 chung ah zarhfatin Sunday School a kai mi ngakchia 1,263 kan ngei hna i cawnpiaktu Sayate dihlak 101 an si. BAWIPA nih cawnpiaktu hna le ngakchia vialte cu thluachuah pe ko hna seh.

CCCA Women Department Training (Western Australia Region) – March 28, 2017

Perth Khualipi ah CCCA Women Department Training cu Western Australia Ramkulh Khrihfabu pathum, WACCC, WACEC le PCBC Nu Bu hna fonh in an tuah kho. Cawnpiaktu hna cu CCCA Women Department Director Rev. Bawi Cin le CCCA Advisor pakhat a si mi Pi Thla Iang an si. Perth Chin Baptist Church Khrihfabu nih inntek an ṭuan caah an cung ah lawmhnak nganpi kan ngei.


Photo: Delegate Assembly (25 Feb 2017)

CCCA Youth Department EC Meeting – May 27, 2017

A voi hnihnak CCCA Youth Department EC Meeting cu Adelaide Chin Christian Church ah May 27 ah khan an tuah khawh. CCCA chungtel Khrihfabu 11 in Mino Upa 24 an rak kai kho. Hi meeting ah kum voi 2018 January Thla i tuah te ding CCCA a voi 3 nak Civuipi ah mino hna nih biatak tein le Pathian ṭihzah bu tein ṭuanvo lak ding ah timhlamhnak ṭha an ngei kho.

2018 CCCA Civui tik ah a tan-glei hna cu Youth Department hruainak in tuah an si te lai:

1. Choir zuamnak a um lai.

2. Pakhat hlasak zuamnak a um lai.

3. Khrihfabu cio nih an thiam-bikmi minutes 10 cio in can an hman te lai.

4. Biahalnak le bialehnak in-caanhmannak zong ngeih a si te lai.

CCCA Women Department Training (Queensland Region): May 12 - 14, 2017

CCCA Women Department Training cu Queensland Chin Church ah QCC le BCC fonh in tlamtling tein an tuah kho. Cawnpiaktu hna cu Women De-partment Director Rev. Bawi Cin le CCCA Advisor pakhat asi mi Pi Thla Iang an si. QCC Khrihfabu nih inntek an ṭuan caah an cung ah lawmhnak nganpi kan ngei.

CCCA Women Department Training (NSW Region): June 2 - 4 , 2017

Coffs Harbour Chin Immanuel Church zong ah CCCA Women Department Training cu tlamtling tein kan tuah kho ve. Cawnpiaktu hna cu CCCA Women Depart-ment Director Rev. Bawi Cin le CCCA Advisor pakhat a si mi Pi Thla Iang an si. Zaanghlei a kan cawipiaktu CHCIC Khrihfabu cung ah lawmhnak nganpi kan ngei.


"A THO CANG" RUAHCHANNNAK NICEU A HUNG TLANG ṬHAN

“Hika ah a um lo, a tho cang.” (Luke 24:6)

Rev. Mang Hre, CCCA AGS Jesuh an thah hnu i a zultu hna le amah a dawmi hna nu hna nunnak ah ruahchannak a dong cikcek i vawlei tawne ah a pilmi bang an si. Ziah ti ahcun ruahchannak nganpi he Jesuh an rak zulh duh ah kum saupi an umnak an inn lo an kal tak. An u le nau an kal tak. An hringtu nu le pa an kal. An ngeihchiah an kal tak. An rian an kal tak. Ngunkhuai a khawlmi nih tangka hmuhnak a tha tukmi an rian pawl an kal tak. Nga a tlaimi nih an sio, an sur, an vokkuanglawng an kal tak. Cu hnu ah ruahchannak nganpi he Jesuh cu an zulh cu asi. Jesuh nih a intuarnak ding kong a chimh hna len zong an lung a fiang kho lo. “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah a ti ko hna. (Mtt 16:21). Peter nih cun Jesuh cu a mawh chiat. “Bawipa, hi thil cu Pathian nih na cungah tlunter sawh hlah seh," tiah a ti. (Mtt 16:22). An zeizong te kal tak dih in an zulhmi pa cu Rom ralkap kut ah chanh a si. An hrem, an tuk an velh hnu ah Calvary tlang vailam cungah thah a si taktak tikah zeitluk in dah an van a sang lai. An nunnak cu ṭihnak, lundonghnak le thachiatnak lawngte a si ko lai. Jesuh a nu le chungkhar hna zong ruahchannak a dih cikcek ve. Cun Jesuh a rak daw i Pathian thlahmi Messiah a si tiah a zummi hna Judah mi tampi ca zongah ruahchannak a dongh cikcek lio te a si. An nunnak cu muihnak in a khat i zeihmanh hmailei caah ruahchannak an ngei ti lo. Zarhpi ni zingka te a hung si tikah Mary Magdalin, Joanna le Jeim nu Mary hna cu zihmui an timhmi kha an i put i thlan lei panh in an kal. An i tinhmi cu Jesuh thlankhar hun i a chung ah luh i a ruak cungah toih ding khi a si. An i ruahmi he a kalh taktak in thil a hung cang. Cucu “A tho cang” timi thawng hi a si. “Zeiruangah a nungmi cu a thimi lak ah nan kawl” tiah vancung mi nih an rak ti hna. (Luke 24:5). “Cucaah i hnawnam ngaiin thlan khan an kir, an thin a phangpah, an i lawmpah i a zultu hna va chimh aw-kah khan an le.” (Mtt 28:9). Cubantuk ṭhiamṭhiam in zultu hna zong an i lawm tuk hringhran. “Bawipa an hmuh ṭhan caah a zultu hna cu lunglawmhnak in an khat” (Jh 20:21). An i lawmh awk asi. An lung donghnak a dih. An retheihnak le ṭihphannnak vialte a dih. Ziah ticun Jesuh cu thihnak in a tho ṭhan cang. Thawhṭhannak cu ruahchannak a ngei ti lomi caah lawmhnak le ruahchannak ni ceu dawh a thar in a hung chuah ṭhan a si. Nihin ah kan vawlei ahhin kan i ruahchanning in thil a kal kho ti lomi tampi a um. Cu tikah minung tampi cu kan lung a dong. Kan lung re a thei. Kan tha a ba. Zeidah ka nunchan, ka nunman tiah a hraam ruangmi zong tampi kan um. Vawlei damnak le daihnak caah biatak tein rian an ṭuan an i zuam len nain vawlei ah huatnak a karh, ralnak le i dohnak a karh i thah-nawnnak le huatnak thil nih nitin kan mobile phone, facebook le tv ah hmunhma an hun lak cang. Ruahchannak a ngei ti lomi kan vawlei pi caah Jesuh Thawhṭhannak cu ruahchannak ni ceu dawh a hung tlan ṭhannak a si. Jesuh thawh ṭhannak nih hi vawlei cungah kan nunnak ah ruahchannak a kan pek lawng si loin hi vawlei in kan nun a dih tikah zong ruahchannak nganpi a kan pek rih. Kan dawtmi hna nih an kan liam tak tikah, kan chungkhar nu le pa u le nau nih thlanmual an kan liam tak tikah Jesuh thawhṭhannak nih a kan chim-hmi cu an nih vialte zong an thi taktak lo. An nung ko i nikhatkhat ah Jesuh kehram ah kan i tong te hna lai timi ruahchannak nganpi a kan pek. Cucu Khrihfami hna kan zumhnak muru zong a si. Kum 2017 Bawipa Thawhṭhannak cu na nunnak caah ruahchannak ni ceudawh te a hun tlang than bantuk in a liamciami na tonmi vawlei sual nganfahnak, retheih tha batnak vialte an dih cikcek i ruahchannak a ṭha bik Jesuh a nung ko timi nih kan nunnak hi nung hram ko seh. JESUH A THO CANG. Amen.


A ralai September 23 zan suimilam 6pm ah CCCA EC Meeting a um lai. CCCA ramchung Khrihfabu vialte i CCCA EC chungtel vialte meeting nan rak kai cio naklai Bawi Khrih min in kan in sawm hna. Meeting hmun cu Mision Consultation tuahnak ah a si te lai.

CCCA Mission Consultation cu September 23, 2017 ah zinglei 9:00 in 4:00pm tiang Melbourne Chin Church ah tuah a si lai. CCCA ramchung Khrihfabu hna i 1. Pastor dihlak, 2. Hotu (Church Chairperson), 3. Chungṭuan (Church Secretary), 4. Mission Komiṭi Hotu (Chairman) le 5. Khrihfabu nih thlah awk a tlak a timi upa pakhat-khat thlah le meeting kai ding a si lai. Hi Conference ah Khrihfabu pakhat cio nih mission nan ṭuannak i nan tonmi thil sining (case) pakhat cio in chuahpi a si lai i Khrihfabu pakhat ah minutes 5-8 kar cio caan hman a si te lai. Hi Consutaltation cu CCCA ramchung ah mission rian cu mual ngei le fak piin kan ṭuan khawhnak hnga tinh a si. Cathluan chuahpitu ding hna cu:

1. "Current Problems and Opportunities of Chin Mission" by Rev. Dr. Shu Maung.

2. "CCCA Future Mission: Networking and Co-operation" by Pastor Peng Ling

3. "International Chin Mission Program: Mission in Context" by Rev. Dr. Cung Lian Hup.

A ralai October 28 ah Victoria Ramkulh chung CCCA chungtel Khrihfabu vialte fonh in Leadership Training a um lai.

1. A hmun: Mara Christian Church of Victoria (17 Ormond Avenue, Sunshine VIC 3020)

2. A can: 9:30am - 4:00pm

3. Cawnpiaktu hna: 1. Rev. Pa Hrang Hmung le 2. Rev. Tluang Mang an si lai.

Zapi tling tein kai khawh izuam hna u sih.

Pu Khua Tlir, M.A. Church Chairman Victorian Chin BaptistChurch

1. Na chunmang (vision)?

Chungtel dihlak nih Pathian ṭhangṭhat hi a nuambik in thei u sih law, zumtu hna nih a hmun hman le a caan hman ah um kho dih u sih law...

2. An lawmhtertu bik?

Ka nupi le ka fale an si. 3. Khrihfabu hruainak ah a har tiah na ruah mi hna?

1. Keimah timi lungput ṭhalo. 2. Zapi duhnak ai hrawm kholo mi le mah duhnak

lawng a ruat mi. 3. Duh ning in can pek khawh lo.

4. Na huam bik mi?

Carel le zaangcelh zuamnak hna. 5. Na duh bik mi Baibal caang le hlafung?

Johan 3:16 le KH - 68. Chinchiah: VCBC cu CCCA ramchung le Australia Chinmi Khrihfabu hna lak ah a ngan bik le bochan mi an si. Chungtel 970 an si i Pastor Pahnih an ngei. Biakinn nganpi an sak lio a si i an lim dengmang cang.


EC Meeting

MISSION CONSULTATION

DEPARTMENT Director Hna Youth Department Director Pastor Cung Hnin Mobile: 0435 862 605 Email: [email protected] Adelaide Chin Christian Church

Women Department Director Rev. Bawi Cin Mobile: 0426 509 081 Email: [email protected] Western Australia Chin Christian Church

CE Department Director Saya Amos Siang Nawl Thang Mobile: 0431 081 026 Email: [email protected] Melbourne Chin Church

Khrihfabu Hotu tonnak

LEADERSHIP TRAINING

1. Queensland Chin Church (QCC) cu April 9, 2017 ah khan kum hra an tling. Kan lawmhpi tuk hna. Pathian nih pehzulh in lam hruai hna seh law thluachuah pe ko hna seh.

2. Chin Christian Church Melbourne (CCCM) zong April 28, 2017 ah khan kum hra an tling ve. Kan lawmhpi tuk ve hna. Pathian nih pehzulh in lam hruai hna seh law thluachuah pe ko hna seh.

T hawhvo na pe cang maw? Daithlang lai ci!

CCCA cu a ram chung Khrihfabu hna nih 2% cio kum fatin kan peknak in rian a ṭuan. Kum 2016 (a pe rih lo mi caah) le kum 2017 thawhvo hna cu a tanglei bantuk in pek a si lai.

Pekcaan: 1. Kum 2016 thawhvo cu March 2017 hlan ah pek dih ding a si bang a daithlang mi nan um sual maw. 2. Kum 2017 thawhvo cu August 2017 thla dih hlan ah pek dih ding a si lai. Daithlang hna hlah uh sih.

Pek Ningcang tuakning:

Pekning cang le 2% tuakning cu 2016 caah Local Church Budget 2015-2016 ta a si lai. Kum 2017 thawhvo cu Local Church Budget 2016-2017 a si ve lai. *Kum 2018 thawk in cun CCCA pehtlaihnak 2% cu August thla dih hlan ah pek dih lengmang ding a si lai. *Tangka peknak bank account cu a tanglei bantukin a si: Account Name : Chin Christian Council In Australia BSB : 033155 Account No. : 198227 Bank Name : Westpac Bank

A liamcia thla li chung (March — July) ah CCCA ramchung in minung 3 nih hi vawlei nunnak in an kan liam tak. CCCA nih a ramchung i thihloh a tong mi cu minung pakhat ah $500 in bulhnak a pek hna. Thihloh ngaihchiatnak a tong mi chungkhar le Khrihfabu hna cung ah Pathian daihnak le hnemhnak um ko seh. A tanglei ah hi vawlei nunnak in a kan dinh tak mi Khrih ah kan unau hna an min cu kan rak langh ter;

1. Pi Sui Zi (Adelaide Chin Christian Church) - 11 March 2017

2. Pu Van Cuh (Adelaide Chin Christian Church) - 12 April 2017

3. Val Biepheihu Chozah (Mara Christian Church Victoria) - 6 July 2017


Pastor Ca Lian Thang

Email: [email protected] Coffs Harbour Chin Immanuel

Church

Pastor Mang Hlei Cung

Email: [email protected] Adelaide Chin Christian Church

LUNGLAWMH PINAK

NGAIHCHIAT PINAK

Rev. Mang Hre, CCCA AGS Email: [email protected]

Chin Christian Church Melbourne

BULLETIN PEHTLAIHNAK

CCCA Bulletin€¦ · kho. Hi Conference chung cawnpiaktu hna cu Rev. Chan Ling (ACCC), Rev. David...

Documents

Transcript of CCCA Bulletin€¦ · kho. Hi Conference chung cawnpiaktu hna cu Rev. Chan Ling (ACCC), Rev. David...