Walliser Balladen 3

Gottlieb Guntern

CREANDOIntro

Schlaf nummu güedd du liebs Chind.

In diinär chliinu Wiega gizz kej Wind.

Im warmu Schddall bbischddod as Rind.

Jungi Chaddzini sind noch ganz blind.

WIEGULIED

CREANDO

Strophe 2

Sie und daa gizz herrlichs Wäddr, abr de wird‘s sofordd wider lejdd.

Sie und daa kriegschdd a güeddi Lüüna, will alles wie am Schnüerli gejdd.

Abr z‘Güodda, das värdirbdd vill gschwindr als frischi Buddrmilch.

Z‘Schlächdda das ischdd vill robuschddr als dr schdderchschddi Ddrilch.

A Lugnär hedds viel liechddr im Läbu, als ejne, wa immr d‘Wahrhejdd sejdd.

A Schiihejilige ischdd as dräckigs Färli, wa a goldig glänzunde Heiliguschii ddrejdd.

We d‘Murmunda a Gfahr gsehdd, de keerschdd scha sofordd goddlos bbfiiffu.

Abr warum dr Herrgodd dum Ddiifil friji Hand laadd, das chamu eijfach nidd bigriiffu.

Sprechtext

Schlaf nummu, Schaddz Gottes. Hina d‘Nachdd bbassierdd dr nix.

Strophe 1

Uf dr Wäldd gizz so vill Noodd. Da ddriumfierund Hungr, Lejd und Ddoodd.

Uf dr Wäldd da regierdd, wer z‘Gäldd hedd, und der röjbdd dier Ddisch und Bedd.

Im Gfängnis sizzund chlini Gaunera, di groossu Värbrächer laadd mu frii.

Wer riich ischdd, schdildd va de Aarmu, und fär di Schwachu gizz kejs Ärbaarmu.

Dr Herrgodd hedd alli Mändschu gäru. Wer z‘Gäguddejl bhöjbddodd,

ischdd a Schufdd.

Dr Herrgodd hedd alli Mändschu gäru. Abr schiis Middlejdd värbbuffdd

diskreedd in dr Lufdd.

Wenn‘s dier schlächdd gejdd, de sellddischdd nie jammru,

suschddr kriegschdd nu mee uf u Grind.

Schaddz Goddes, du heschdd noch kej Ahnig. Darum schlaf nummu feschdd,

du liebs Chind.

Refrain

Schlaf nummu güedd du liebs Kind.

In diinär chliinu Wiega gizz kej Wind.

Im warmu Schddall bbischddod as Rind.

Jungi Chaddzini sind noch ganz blind. Jaco ABEL: flamenco guitarCarmen BAYARD: back vocalsStefan BREGY: keyboardPeter HAAS: drumsGilbert „Speedy“ JOSSEN: bass guitarStefan MARGELISCH: blues guitarJorge PARDO: flute

CREANDO

Intro

Ich wellddi, ich wäri a wiissi Wolcha,

läddi mich vam Wind la ddriibu,

miessddi nienä lenger bbliibu.

Ich chännddi frii am Himml schwäbu, as Heeruläbu.

Ich wellddi, ich wäri a wiissi Wolcha,

läddi mich vam Wind la göjmu.

Ich chännddi Ddag und Nachdd nummu ddröjmu.

Ich chännddi frii am Himml schwäbu, as Heeruläbu.

ALDDI MILI

CREANDO

Strophe 2

A Mili dii ddüedd Bejm zärsaagu.

Wer abbas will, müess abbas waagu.

Das gildd fär alli Läbunslaagu.

Ob mu värlierdd oder gwinndd,

di Ziidd verrinndd.

A Mili dii ddüedd Chooru malu.

An Eschl ddüedd schich gäru walu.

Wer giizig ischdd, will gar nie zalu.

In dr Kaffeddassa gidds a Schbbaldd.

D‘erschddi Liebi wird sälddu aldd.

Strophe 1

Mämmini ddiendd gäru flännu.

Ddeeluäschdd diendd gäru brännu.

Di Ziidd di cha schich ändlos dehnu.

A junge Mändsch cha schich so schrecklich sehnu.

Ufum Fels sizzdd as schneewiisus Dachji.

In dr Chummu schüümdd und räddschdd as Bachji.

Bijini summund in de Albburosu.

In der Schlüechdd ambri kehrdd mu z‘Wasser ddoosu.

Refrain

Am Bach da schddejdd a dschäbi Mili.

Schi keehrdd dum chrummu Xili.

Äs hedd scha gibüwdd midd de ejgundu Händu.

Aldde Bblundr hangodd an de Wändu.

Z‘Xili röjchdd a Bbfiifa uf der Dili,

lüegdd ambri uf schiini scheeni Mili.

Das Radd drähdd schich immr und immr.

Uf dr Nabu glänzodd roodde Glimmr.

Jaco ABEL: flamenco guitarCarmen BAYARD: back vocalsStefan BREGY: keyboardPeter HAAS: drumsGilbert „Speedy“ JOSSEN: bass guitar

CREANDO

Intro

Föhn, Musellddi, Musellddi

dr Niidd, dr Niidd

Föhn, Muselddi, Musellddi, Musellddi

dr Niidd, dr Niidd, Musellddi, Musellddi, Musellddi

dr Niidd, dr Niidd

Strophe 1

Dr elddschddi Walliser, dr elddschddi Walliser

das ischdd dr Föhn in iischum Land.

Und was är lejschddodd, ischdd allerhand.

Dr elddschddi Walliser, dr elddschddi Walliser,

der röjbbdd dier allä Sinn und Värschdand

und ddäddschdd dier z‘Hirni an d‘Schddiijuwand.

Dr Föhn hedd nisch anno dazumal dr frächi Musellddi gibrungu.

Der ischdd amaal dr d‘Nachdd va ma hochu Bärg ambriche schbbrungu.

FÖHN

CREANDO

Sprechtext

Wenn‘s dr Föhn niidd gäbi, mahingge, mahingge, de gseeddisch hie bi iisch nimme durch.

Middd Dunschdd und Schddöibb und Näbl vor de Öjge bischdd bbrakddisch blind.

Ohni dr Muselddi heddi d‘Liddjini uberhöibbdd kej Bbrojekddi meh und

ohni groossi Bblään heddisch nummu nu an eländi Lääri i ihrum Grind.

Abr am schlimmschddu wäri naddiirlich as Läbu ohni Niidd. Und ohni Niidd,

das gähddi ejfach zwiidd.

Was machddischdd de midd diiner ganzu Ziidd?

Refrain

Wenn‘s dr Föhn niidd gäbi, öj kej Muselddi und gar kej Niidd,

de gseeddi mu hie bi iisch nummu ganz glicklichi Liidd.

Dr Föhn ischdd a Rüäddubäso, wischdd awäg dr ganzi Dräck.

Dr Muselddi gidd dum gregschddu Schaafschobbf a Hambbfla Gläck.

Dr Niidd schobblodd di Galla, wa dr fejsddi Schbbäck värdaudd

und dr liebu Nachbari di rooddu Geraanie uf um Fänschddrbrädd värsaudd.

Strophe 2

An uhejligi Driifalddigkejdd, an uhejligi Driifalddigkejdd

regierdd iischärs Land und machdd alles kabbudd.

Adam und Eva värlierund ihri Schaam, sindd fiddlobludd.

An uhejligi Driifalddigkejdd, an uhejligi Driifalddigkejdd.

Wägu dum Föhn chännund d‘Liddjini ihro Hirni niidd brüchu.

Ohni dr Muselddi würdi nie so vill Wii und Schnabbs giddrüchu.

Abr am mejschddu värdirbdd miine liebu Landlidd dr hüoro Niidd.

Der sorgdd drfir, dass jede Nachbar bim Märddu goddlos uf d‘Schnura fliigdd.

Jaco ABEL: flamenco guitarCarmen BAYARD: back vocalsStefan BREGY: keyboardPeter HAAS: drumsGilbert „Speedy“ JOSSEN: bass guitarStefan MARGELISCH: blues guitarJorge PARDO: flute

CREANDO

Strophe 1

Äs ischdd Chrieg uf dr Wäldd, und dr Hiddlr schddejdd a dr Gränzu.

Di Chirchuglogge liiddundd, und mu keehrdd di Blaaskabbälle schränzu.

Fa Sargans bis zum Goddhard und dr Grimslu ddiendsch gwalddigi Lecher goru,

ddiendd di Bbrässlufddhamra inu Granidd und du Gneis ddieffi Schddolle boru.

D’Arbejddr schwizzund und hüoschddund und

värchomund a goddlosi Silikoose

In de Badwannu dambbfund d’Riichu, sind noch embbfindlicher als zarddi Mimoose.

RÉDUIT-ROCK

CREANDO

Strophe 3

Wenn dr Hiddlr chundd, de verschwindund alli großi Ddieri im Schddollu.

Z’Volch bliibdd schuddzlos vorna im Fäld in ara bbaddrioddische Näburollu

als Chuglfang fr d’Schddukas vam Göring, als Bajonettfüedderaal fr ddiddschi Landser.

Z’Volch diendd de fejsddu Murmundu im gmieddlichu Bunkr als Graddisbbanzr.

Und dii, wa uberläbundd, ärsüffundd in dr Luza va niiwwe Schddiiru

und därfund derfir midd Schwiizzrchrachra dr erschddi Öjgschddu fröhlich fiiru.

Fär di Widdwe und d‘Waisuchindr gizz jezzu d‘SUVA und d‘Avahöj.

Dr Bischhof mahndd im Hirddubrief: „Bleib immer deinem Vadderlande ddröj!“

Strophe 2

Dr Herr Oberschdd schddejdd uf Disziplin, und är schdejdd öj uf fläädd.

Är ischdd Sekundarlehrär, und är hedd Frejdd,

we schiine Hanu am Morgu chräfddig chräädd,

will d’Reggrüdde alli schbliddernackdd unnär dr chalddu Dduschschu schdäändd

und dr Sejffuddozz ganz energisch uber dr Bruschdd und dum Arsch chrejsu läändd.

Refrain

Z‘Marignano hendsch värlooru, zrugg zum Réduit-Rock.

Uf BBaddrioddismus hedd hiddu kejne meh Bock.

As Schaaf ischdd so frii wie dr Schnorz am Bbflock.

Äs gidd ckej Sunnubrand unär dum Wiibrrock.

Jaco ABEL: flamenco guitarCarmen BAYARD: back vocalsStefan BREGY: keyboardSam GRUBER: background vocalsPeter HAAS: drumsGilbert „Speedy“ JOSSEN: bass guitarStefan MARGELISCH: blues guitarJorge PARDO: tenor sax

CREANDO

Strophe 1

Dr Vaddr hedd gsejdd, ich selddi ga chnächddu. Das hedd mr, ganz ehrlich,

ubrhöjbbdd niidd gibbassdd.

D‘Müeddr hedd gsejdd, ich selddi abbas leehru. Abr ich bi liebr in dr Bejz gsässu und

ha ejs gjassdd.

Mine Geddi hedd gmejndd, ich selddi ga ggüddschnu,

de hejgi de nu bald am bbar Franggä im Sack.

Dii Idee hedd mr gfallu, ich ddüe niidd gäru chrambbfu.

Abr sizzu und dirigieru ischdd ehner nach miinum Gschmack

BBOSCHDILLION

CREANDO

Strophe 2

Wer ggüddschnodd, cha hibsche Fröwe hälfu und d‘Hand da üfleggu,

was mu am beschddu gfalldd.

We ejni reklamierdd, de sägi ganz uschuldig: „Madam äxgüse! Abr ich bi drfir bizaldd,

dass Iär miär niidd ambriche ckijodd. Ufum Driddbrädd hedd scho meh als ejni di Giiga

schddizdd.

Darum han ich am liebschddu a Mamsell, wa ohni Ufall in die Ggüddscha schddiigdd

und da sichr ufu ihrum fejsddu Hinra sizzdd.

Sprechtext

Abba a maal bbrobieru, ob z‘Schnägguhoru nu ddüüddodd...

A propos die Bimerkig vam fejsddu Hinra:

Wendsch soo abbas chehrund, de vrschlaadds nä Schbbraach.

„So lejdd z‘redu“, hedd mr ejni gsejdd, „das ischdd de wirkli a Schmaach!“.

Abr ich mejnu, mu ischdd doch niidd fär nix dr Scheff.

Und we a wäldschi Ggejdda das niidd kabbierdd, de sägi nummu: „Enfin bref!“

Refrain

Ufum Ggüddscherbock z‘sizzu ischdd bessär als z‘löjffu.

So a Sichdd wie im Belvédère chaschdd gar niidd chöjffu.

Dr Gleddschr hedd a Nasa, dii ischdd blau wie dr Himml.

Und ich ha zwej scheeni Rossjini, ejs drfa ischdd a Schimml.

A Bboschddillion hedd as Läbu,

bessr als d‘Arbejdd in de Räbu.

D‘Rossjini dii ddiend schwizzu,

ddiend schich am Furkabbass ärhizzu.

Am Abund süfundsch a Hüffo Wassr. Ich nimu as Bier.

Äs chännund öj zwej oder drii sii, häb das nummu va mier.

Jaco ABEL: flamenco guitarCarmen BAYARD: back vocalsStefan BREGY: keyboardPeter HAAS: drumsGilbert „Speedy“ JOSSEN: bass guitarStefan MARGELISCH: blues guitarJorge PARDO: tenor sax

CREANDO

Intro

Dr Hewwr und schiini jungi Zetteri hend dr d’Nachdd ima Schiirli gigischddrodd.

Schii hend schich feschdd gibalgodd, und z’Heww hedd ganz lüdd knischddrodd.

Strophe I

Jedes Jahr, we z‘Hew hedd griiffodd, hed är i schiinum Schbbiicherli d‘Sägasa firche

grejchddd und hedd schich nidrgsezzdd.

Är hedd scha midd dum Hammr giddängillodd und de midd dum nassu Weddzschddej

chräfddig gwezzdd.

De hedd är midd offunu Öjge giddröjmdd, wie är midd

schiiner jungu Zedderi ubr du Furkabbass ambri ins Ursruddaal ischdd ga hewwu.

Är hedd scha midd dr Worbgabla und dum Rächu gsee

handdieru und wie schii im schddoddzigu Hang immer hedd miessu nidrchnewwu.

HEWWU

CREANDO

Refrain 1

Dr Hewwr und schiini jungi Zetteri hend dr d’Nachdd ima Schiirli gigischddrodd.

Schii hend schich feschdd gibalgodd, und z’Heww hedd ganz lüdd knischddrodd.

Dr Mond hedd uvärschämdd gigrinsdd und glachodd.

Jede Ofu wird warm, wemu i schiinum Büch as Broddji bachodd.

Refrain 2

Dr Hewwr und schiini jungi Zetteri hend dr d’Nachdd ima Schiirli gigischddrodd.

Schii hend schich feschdd gibalgodd, und z’Heww hedd ganz lüdd knischddrodd.

Är hedd im dunklu Chällerli d‘Nasulechr giblähdd und hedd in dr Erinnrig sogar iru

Schwejss gschmeckdd.

Är hedd im dunklu Chällerli vollr Sehnsuchdd d‘Arma ambrüff zu de Lärchubalggu

gschddreckdd.

Strophe 2

Jede Summr sindsch uf d‘Schddeer gigangu. Uf denu Öjgublick hendsch lang

miessu bblangu.

Jede Summr hendsch im gliichu Schiirli dr Göjggl giddribu

und änandr feschdd z‘Büchji gribu.

Abr a maal im Herbschdd hedd schii am Morgu miessu

ärbrächu und hedd sofordd bigriffu, das schi jezzu ischdd schwanger gsii.

Schii hedd ihrum Hewwer gsejdd, was loos ischdd gsii.

Är ischdd ärblejchodd wie as Liinddüech, und schiis Härz ischdd schwärer gsii als Blii.

Um dr Schandd zänggaa, henddsch Hals ubr Chobbf miessu

hejraddu, und z ganzi Dorf hedd glachodd.

Dr Mändsch ärläbbdd sie a beeschi Uberraschig, wenn är ohni Ärfahrig

im Ofu as Broddji bachodd.Jaco ABEL: flamenco guitarCarmen BAYARD: back vocalsStefan BREGY: keyboardPeter HAAS: drumsGilbert „Speedy“ JOSSEN: bass guitarStefan MARGELISCH: blues guitarJorge PARDO: tenor sax

CREANDO

Strophe 1

Är ischdd so schwarz wie dr Bbraam uf iischer Subbubbfanna.

Är gsehdd so düschddr üs wie z‘Gragg an ara fiischddru Ddanna.

Schiini Chnoche sind as Grigl, heddi Bbladdz in ara Choruwanna.

Schiini Sägasa ischdd so roschddig wie an alddi Iisuchanna.

Är ischdd so schwarz wie dr Bbraam uf iischer Subbubbfanna.

DDODDU-DDANGO (tango de la muerte)

CREANDO

Refrain

Ich sizzu uf dr Schddägu vor dum Schddall und schbilu Ddag

und Nachdd uf miiner Schnurrgiiga.

Dr Ddoodd hedd Quäcksilbr gfrässu und secklodd umanandr

und ruinierdd drbie miini scheeni Holzbiiga.

Abr ich weiß, so lang wieni schbiilu, chan är miis aalddi Lädr uberhöjbbdd nidd gärbu.

Us barär Goddlosi schbili immr widr. Ich will mu ejfach

schiine Gschbbass ddoddaal värdärbu.

Dr Doodd will mich umbidingdd dana ubr bringu.

Va schiine Liischddu chändd i as Liedji singu.

Abr d‘Melodii va miiner Schnurrgiiga schbbildd mu a Schddrejch.

Dr Ddoodd wird va lüddr Wüedd ganz blejch.

Strophe 2

Dr Ddoodd will umbidingdd, dass ich scho jezzu miini allerleschddi Giiga schddizzu.

Är bliibdd midd blejche Chnoche uf schiinr beeschu Absichdd sizzu.

Miini Müeddr hedd gseijdd, dr Ddoodd isch so sinnloos wie a lääre Nachdddobbf

ufum Mischdd.

Miinä Vaddr hedd gsejdd, z‘Schbbill ischdd erschdd de ganz ferddig,

we du dr Siigr bischdd.

Dr Ddoodd will umbidingdd, dass ich scho jezzu miini allerleschddi Giiga schddizzu.

Jaco ABEL: flamenco guitarSam GRUBER: percussionStefan MARGELISCH: blues guitarJonas RUPPEN: accordion

CREANDO

Strophe 1

Äs ischdd Herbschdd, und d‘Lärcha värgilbund, und d‘Ahorna sind scho roodd.

Äs ischdd Herbschdd. Di Schwalbe flizzund jezzu in Marocco ubr as zärlächnodds

Fischerboodd.

Bi iisch ddrickund jezzu d‘Näblschwade ihri Bücha in d‘Chumme dri.

Bi iisch ddroddund jezzu d‘Sänne midd dum leddschddu Albbnutz dr Bärg ambri.

Uf de Gleddschru brieddod schoo dr Windder a

Moordshüüffo Schnee.

Z‘Hansjoosi kriegdd dr Värlejdr und brielodd: „Ich will jezzu

nimme mee!“

VÄRLEJDER

CREANDO

Strophe 2

As Härz cha gar niidd brächu. Äs ischdd elasddisch wie a Vollgummiballa.

Dr Röjch sizzdd sie uf dr Ddrächu. Grieni Schddejna blockierund diini Galla.

Du kriegschdd a chalddi Wüedd und chaschdd därmidd gar nix machu.

In de Aadru gfrierdd dr z‘Blüedd, du welldischdd schi am liebschddu goddloss la krachu.

Dr Mändsch ischdd sie und da ganz hilflos, und dr Herrgodd hedd värschdobbfddi Ohru.

Dier ischdd sie so chaldd wie anara Gleddschrschbalddu,

und du heschdd alli Frejd värloru.“

Refrain

Nimmdd z‘Liechdd ab, de chundd de d‘Schwärmüedd.

Und du heschdd ckej Ahnig, warum das so ischdd.

Abr d‘Sunna cha doch nidd immr lachu.

Äs gidd ckejs Lusi, wa z‘Liechdd nie ärlischdd.

Jaco ABEL: flamenco guitarCarmen BAYARD: back vocalsStefan BREGY: keyboardPeter HAAS: drumsGilbert „Speedy“ JOSSEN: bass guitarStefan MARGELISCH: blues guitarJorge PARDO: flute

CREANDO

Schii wonund am Rand vam Dorf und hend nummu Värdruss.

Wer amaal in dera Egga landodd, chundd da nimme druss.

Im Boozuhüss hedd for hunnerdd Jahru as Mannji Schiini ärschlagu.

Dii Ddaadd liggodd de Liiddjinu nu hiddu ufum Magu.

Ohni z‘Kriiz z‘machu, löjfdd an dem Hüss niemer färbii.

Und genau darum ischus Jahri lang immr läär gsii.

Abr as Ddagsch hedd a Famili sus ddrozdem gmieddodd.

Wer arm ischdd, wird färhammrodd und färnieddodd.

Z‘Mannji hedd im Schdollu fa Sargans zvill Schddöjb värwiddschdd.

Schiis Frowwi hedd im Boozuhüs z‘ Wäschbrädd gniddschdd.

Dum Mannji hedd d‘Silikose langsam d‘Lunge zrfrässu.

D‘Frow und d‘Chindr hendd im Boozuhüss nummu Nässjusubba ggässu.

BOOZUHÜS

CREANDO

D‘obri Wonig im Boozuhüss, wa amaal as Värbrächu ischdd bbassierdd,

hedd umu riichu Burschdd ckeerdd, und der hedd z‘Zürich gschdudierdd.

Är ischdd nie umanandr gsii. Mu hedd gsejdd, är hejgi gäru Wii,

ddiegi liebr süüffu, wa schddudieru, was midd denu Blegr immr so sii.

Dr d‘Nachdd laadd d‘Fanddasii alli Gschbbänschddr loos.

Dr Schwejss brichdd üs und d‘Angschdd ischdd groos.

Dr Schleier, wa d‘Läbundu fa de Ddooddu dränndd,

ischdd dinnär als as Fiirli, wa kümm me bränndd.

Obuni ddüedd a junge Driibl schiis Velo rebbarieru.

Ununi ddüedd schich as Frowwi fa lüddr Angschdd nimme rieru.

Dr Zibbfl ischdd im Suff ohni Lambba uf d‘Schnura gflogu.

Und bi dem Schddurz hedd schich as Velorad ddoddaal värbogu.

Refrain

Mu hedd bhöjbddodd, dr Gejschdd fa dem ärschlagunu Wiibb

chome sie dr d‘Nachdd und ddiegi de schbinnu zum Ziiddfärdriibb.

Dana ubr löjfe nämli nix. Darum ddiegi schii dr Leffl boru

und chome hiena amacha, ddiegi schbbinnu im chalddu Zoru.

Und amaal hedd z‘ Frowwi dr d‘Nachdd obuni das Schbinnrad ckeerdd.

Äs ischdd ärchlibbfdd. Das Gsurr häddi sogar a Hejligi gschddeerdd.

Äs hedd gibäddodd und gibäddodd. Obuni hezz gibbolddrodd.

Und d‘Angschdd hedd z‘Frowwi di ganzi Nachdd lang gfolddrodd.

Jaco ABEL: flamenco guitarCarmen BAYARD: back vocalsStefan BREGY: keyboardPeter HAAS: drumsGilbert „Speedy“ JOSSEN: bass guitarStefan MARGELISCH: blues guitarJorge PARDO: flute

CREANDO

Gottlieb GUNTERN, Jorge PARDO, Beat JAGGY

Gorka PRIETO, Beat JAGGY

Jorge PARDO Stefan MARGELISCH

Gottlieb GUNTERN, Sam GRUBER

Jonas RUPPEN

CREANDO

Carmen BAYARD Peter HAAS, Stefan MARGELISCH

Gottlieb GUNTERN

Gilbert „Speedy“ JOSSEN, Stefan MARGELISCH Stefan BREGY

Lorena, Sam GRUBER

CREANDO

Fotos: Greta Guntern-GallatiJorge PARDO, Gottlieb GUNTERN, Jaco ABEL, Antonia, Beat JAGGY, Gorka PRIETO

Jaco ABEL

1 WIEGULIED 06:072 ALDDI MILI 05:433 FÖHN 07:014 RÉDUIT-ROCK 03:535 BBOSCHDILLION 05:436 HEWWU 05:097 DDODDU-DDANGO (tango de la muerte) 05:548 VÄRLEJDER 05:359 BOOZUHÜS 06:24

SongsSongs