Sjariteit Plezeer - Tempeleers€¦ · Iwan Bruijnzeels Hans Hollanders Louis van den Bongaert...

Jaor

vers

laag

201

4-20

15

Plez

eer

& S

jarit

eit

Jaarverslag Tempeleers-2015-DEF.indd 1 01-11-15 13:02

Inhaajd

Proloog ....................................................................................................................................................................................................................................................................................................................................................................................................................................................................................................................................................3

E wäördsje vaan euze Prizzedent .....................................................................................................................................................................................................................................................................................................................................4

Verkezing Vastelaovendsleedsje 2015 .......................................................................................................................................................................................................................................................................................................5

De jaorvergadering 2014 .........................................................................................................................................................................................................................................................................................................................................................................................................6

Oetrope Stadsprins ..................................................................................................................................................................................................................................................................................................................................................................................................................................................7

De Kanselarijraod .................................................................................................................................................................................................................................................................................................................................................................................................................................................................8

De P.R.- kemissie ..........................................................................................................................................................................................................................................................................................................................................................................................................................................................10

De kemissie Binnegebäöre .................................................................................................................................................................................................................................................................................................................................................................................13

De Financieel kemissie .............................................................................................................................................................................................................................................................................................................................................................................................................16

De kemissie Boetegebäöre .............................................................................................................................................................................................................................................................................................................................................................................20

De Machseuverdrach ...........................................................................................................................................................................................................................................................................................................................................................................................................................23

De Vastelaovendsdaog ..............................................................................................................................................................................................................................................................................................................................................................................................................24

De Prinseleke käös .............................................................................................................................................................................................................................................................................................................................................................................................................................................26

De Kachelpiepers ..........................................................................................................................................................................................................................................................................................................................................................................................................................................................28

In memoriam ...........................................................................................................................................................................................................................................................................................................................................................................................................................................................................................31

De Tempeleers ..................................................................................................................................................................................................................................................................................................................................................................................................................................................................................35

Epiloog ...........................................................................................................................................................................................................................................................................................................................................................................................................................................................................................................................................39

Jaorverslaag 2014 2015 De Tempeleers

2


Proloog Vastelaovend is ’t fies vaan de betrèkkelekheid, vaan de lol en ’t plezeer, vaan de lach en de traon.Dat is ’t altied al gewees en dat zal ’t ouch altied blieve. Meh de traon waor dit jaor wel hiel bezunder aonwezeg. Donderdag veur Carneval, tijdens “zien Klevariezitting” storf euze zier gewaardeerden Tempeleer Raymond Willems. ’t Fies moot doorgoon, dat waor zien devies. De geis vaan Mao waor groet aonwezeg tijdens ’t insjete en die sjoen, zoneuvergote Vastelaovendsdaog. Zouw heer die zon al vaanoet dao bove geregiseerd höbbe?Want ’t waor weer ’ne zoneuvergote Carneval. De volgende Zonneprins.Eder jaor höbbe veer de bèste Prins, zoe ouch dit jaor weer. Vol energie, altied de lach op zie geziech, vol jäögdeg enthousiasme, Mestreech heet häöm umermp.E sezoen, boe-in veer de oetkomste vaan de enquête höbbe verwèrk in ’n aontal eveneminte. ‘n Aonpassing in de organisatie vaan de Groeten Optoch, aanderen opzat zate hermeniekes vergadering, nog mie achter de sjerme laote kieke en laote zien wat allemaol nudeg is um dee Mestreechter Vastelaovend te kinne organisere.In dit jaorverslaag kieke veer wie gebrukelek trök op ’t aofgeloupe jaor. Stoon veer stèl bij de oontwikkelinge vaan dit groet volksfies en eus rol dao-in.Veer kieke trök op versjèllende eveneminte, wie ’n oetverkoch Gala Prinsebal, leefs 1450 bezeukers bij eus Kinderactiviteite en alle aander geslaagde eveneminte, die de sjoen opmaot waore nao de Vastelaovend 2015.In dit jaorverslaag laote veer de kemissies trökkieke op dit geslaag sezoen. En laote veer euzen aajd-Stadsprins Odin I zien ervaringe weergeve. En netuurlek dit alles umlies mèt väöl foto’s, die e kleurriek jaorverslaag devaan make.

Veer winse uuch hiel väöl lees- en kiekplezeer.Mestreech, 13 november 2015

Tempeleers: Guy BannierNico KempenersVictor Salentijn

Börgermètwèrkers: Iwan Bruijnzeels Hans Hollanders Louis van den Bongaert


3


E wäördsje vaan euze PrizzedentLeef Vastelaovendsvrun,

De Vastelaovend vaan 2015 ligk alweer wied achter us. D’n oproop veur kandidaote veur de nuien Hoeglöstegheid 2016 heet de aondach al gevraog, meh veurtot veer us riechte op de koumende Vastelaovend, wèl iech

gere nog eve met uuch trök kieke nao datginnege, wat d’n aofgeloupe Vastelaovend is gebäörd.Op zoondag 18 jannewarie vaan dit jaor voont, tijdens ’n bomvol openbaar zitting op de Merret, ’t démasqué, de installatie én de annoncering plaots vaan Stadsprins Odin d’n Ierste. Heer zouw Mestreech veurgoon in de Vastelaovend vaan 2015. En dat heet heer op ’n manjefieke en zier enthousiaste wijs gedoon same mèt zien prinses Rachelle.Gezeen zien professie waor heer bekind bij väöl Mestreechtenere.Mestreech kin weer trökloere op ’nen oonvervalsde Mestreechter Vastelaovend, boe ’t same viere en respectere vaanein dudelek merkbaar waor.

Dudelek merkbaar waor ouch tot ’t same bespreke vaan o.a. de opstèlling vaan de Groeten Optoch veur ’n verbetering heet gezörg. Zoe wèlle De Tempeleers ouch gere blieve samewèrke bij aander Vastelaovendsactiviteite. Vastelaovend is vaan en veur us allemaol, dus veer wèlle gere mèt ederein, mèt respek veur ’t protocol, euverlègke. Ouch ’t financieel pleetsje huurt heibij. ’t Zouw toch fantastisch zien es de Vastelaovendsvierders ziech zouwe aonmelle es “Vrund vaan de Vastelaovend”. Gere wèl iech dees actie oonder eur aondach bringe. Es geer ’t kint misse, kint geer door ’t maondeleks euvermake vaan € 3,33 de Vastelaovend vaan Mestreech ouch financieel oondersteune.

Veur eder oondersteuning, in wäörd of in gebare wèl iech uuch daanke! Vastelaovend is vaan us allemaol! Dus: same aon de geng!!! Iech wins uuch vaan harte hiel väöl plezeer en inspiratie touw bij eur pripperatie op de koumende Vastelaovend.

Henk de JongPrizzedent-Tempeleer


4

Henk de Jong


Verkezing Vastelaovendsleedsje 2015Op zoondag 9 november 2014 waor de oetverkezing vaan ’t Vastelaovendsleedsje 2015. Dit kier in de fiestent vaan de jubilerende Waterratte vaan Heugem.De vakjury had in september oet de 22 inzendinge 7 leedsjes veur de finale gekoze. En wie al jaore gebrukelek is de jury verdeild in drei gróppe: ’ne vakjury, ’ne prominentejury en netuurlek ’t volk vaan Mestreech wat aonwezeg is bij dees oetverkezing.En wat waor ’t ouch dit jaor weer spannend.Winner is gewore ’t leedsje: “Wee bringk nog ’n weurs nao Klara”, boevaan d’n teks en meziek woort gesjreve door Jack Debruijn en Jean Debruijn. ’t Leedsje woort gezoonge door Eric Cruts.

“Wee bringk nog ’n weurs nao Klara ?”couplèt 1eus pekskes die zien veerdegde Prins is al bekindnui glazer stoon in doezede cent die zien gepindmeh ein dingk is neet zekerdao is niks aon te doendus goon veer nao de slachteren vraoge gans gewoen

refreinwee bringk nog ’n weurs nao Klara?die beit daan veur good weerwee bringk nog ’n weurs nao Klara?zoe stumpke heet zie toch zoe geerkriege veer daan zon of rege?Klara deit dat op häör meneeren höbbe veer die daog good weer gehadbring iech ’t koumend jaorweer e weurske nao dee sjat!

couplèt 2de sjmink ligk op d’n aonrèken pruke zien gekochMestreech is d’r weer klaor veurget sjoens hingk in de lochmeh ein dingk is neet zekerdao is niks aon te doendus goon veer nao de slachteren vraoge gans gewoen ...

Gesprèk mèt Jack Debruijn, eine vaan de sjrijvers vaan ’t winnend leedsje “Alles waor nui dit jaor. Al jaore mèt Vastelaovend bezeg, meh noe zuuste alles, besefs neet wat op diech aof kump”.Zoe opent Jack zien trökkieke op aofgeloupe jaor. Same mèt ziene pa, vaan 85 jaor, de mekers vaan ’t winnend leedsje. Hiel bevloge en vol enthousiasme vertèlt heer zien ervaringe en belevenisse.“’t Leedsje is oontstande begin fibberwarie 2014, nog veur ’t oetrope. Iech höb toen e paar tekste nao miene pa gebrach en gezag: “Kiek ’ns of hei get bij zit”. Die tekste zien toen get weke blieve ligke. In mei höbbe veer oonder d’n teks vaan “de weurs” in d’n hoof de melodie bedach en daonao same, sjouwer aon sjouwer aon ’t keyboard dit oetgewèrk. In juni 2014 hadde veer ’t klaor en höbbe dit leedsje en ouch nog ’n aander ingedeend. Veer hoopde tot de weurs ’t góng weure, want dat leedsje had euze veurkäör.Iech weit neet wie iech op dit idee bin gekoume, ’t waor ’n ingeving, op geveul gemaak in ’ne korten tied. Wel rekening gehawwe mèt wat lui zagte: couplètte neet te lang, teks dao-in trök laote koume, bewus bezeg gewees um ’t gemekelek te hawwe, tot de lui ’t zoe mèt kóste zinge. En dat is dinkelek de krach vaan ’t leedsje gewore.Veer höbbe Eric Cruts gevraog dit te zinge en Eric voont ’t geweldeg, heer heet ’t leedsje umermp.Spannend ’t ierste arrangemint, mètzinge in ’t koer in de studio, ’t hure vaan de aander leedsjes en de positief reacties. Daan de zoondag in de tent in Heugem. De veuls tot ’t good euverkump en tot d’r get meugelek is. En dan de oontlaojing este gewonne höbs. Veur Pa ouch hiel bezunder tot heer dit nog ins kós mètmake. Vreuger bij ‘de Keuninkleke’ gewees es muzikant en noe kaom veur Pa ’ne jongesdroum oet.En daan kump vaan alles op diech aof. Veer zien op hiel väöl plaotse gewees um te kieke en luustere, same mèt Pa. Op sjaol veur Eric de weurs gemaak um die mèt te numme bij de optrejjes.Vastelaovend vierste väöl intenser este die leedsje huurs. Ierste weke nao ’t oetrope ech gezweef.Leuke dinger mètgemaak, wie ’t bringe vaan de weurs nao de Zusters Oonder de Baoge en de fantastische oontvangs dao.En veer voonte ’t sjiek um ’t aajd gebruuk vaan ‘de weurs nao Klara te bringe’ weer trök oonder de aondach te bringe.Meh bovenal, veer voonte ’t ’n oongeluifeleke ier, tot veer dit veur Mestreech höbbe kinne en mage doen same mèt Eric Cruts. Veer höbbe genote en e fantastisch sezoen mètgemaak en ’t heet geholpe, want ’t waor toch prachteg weer, heh?!”


5


De jaorvergadering 2014

Op vriedag 14 november waor de openbaar jaorvergadering. Dit kier waor gekoze veur ’n aander opstèlling in de zaol, um zoe ’t groet aontal bezeukers miejer te betrèkke bij dees vergadering. En dat is good euvergekome. ’t Waor weer erg drök in de Redót.

In e vlot tempo woorte de gebrukeleke agendapunte besproke, wie:• stèl stoon bij ’t verluus vaan e paar dierbaar vrun: hoesdouf Truus

Willems en Fien Steffens, Börgermètwèrker Rob Christiaans, Vastelaovendsvierder Frank Smits en Pauline Leltz, de vrouw vaan euzen ambassadeur Frans Leltz

• ’t jaorverslaag• ‘ne groete merci aon aajd-Stadsprins Henri I• ’t financieel euverziech• bekindmaking vaan de Vastelaovendsvierder 2014 en dat zien gewore: Daan Robeerst, Maurice

van Roosmalen en Ruben Brouwers. Zie trokke de aofgeloupe jaore de aondach door o.a. es reuze waspinnekes, frikandelle speciaol, evermennekes, kauwgumballe-otomaat, hamel, wc-beurstel en paracetamol-doeze mèt te loupe in de optochte. Oonder begeleiing vaan hun hermenieke FineFleur kaome zie de Redót binne um ziech te prizzentere aon de Jaorvergadering. Op Vastelaovendszoondag kraoge de hiere ’ne replica vaan ’t Momuskenon oetgereik

• de installatie vaan twie nui Tempeleers: Oscar Vandeberg, dee vaanaof noe gekind zal zien es ’t Batteräöfke en Robert de Vree, vaanaof noe gekind es ’t Apesteertsje. Allebei de nui Tempeleers zien besjikaar veur De Tempeleers en Stadsprins

• en wie gebrukelek eindegde de vergadering mèt ’ne veuroetblik op de Vastelaovend 2015 boe-in ’n aontal aondachspunte vaanoet de enquête oetgewèrk goon weure wat betröf de Groeten Optoch en de Zate Hermeniekes-vergadering

• tot slot woort ’t nui leedsje “Wee bringk nog ‘n weurs nao Klara ?” gezoonge door Eric Cruts

De sfeer waor good en de lui bleve lang haange um ’t nui sezoen in te lojje.


6


Oetrope StadsprinsOetroopzoondagWie op Vastelaovendsdinsdagnach aofsjeid genome woort vaan Stadsprins Henri I, hoort me al gaw opmèrkinge in d’n trant vaan ‘bin benuid wee in staot is um dee op te volge es Stadsprins’.Toch is ’t De Tempeleers weer gelök um dee mins te vinde dee op de zjuste meneer ’t Volk vaan Mestreech zouw kinne veurgoon in de Mestreechter Vastelaovend.Nao ’n pripperatie vaan ’n aontal weke woort de Groeten Oonbekinde op zoondag 18 jannewarie 2015 örges in Mestreech opgepik en nao ’n geheim locatie gebrach veur de lèste veurbereiinge veur zien Oetrope.Zjus wie aander jaore waore d’r ouch dit jaor weer voldoende deilnummers aon de cortège vaan de Statie nao de Merret. En ouch dao zaog ’t weer zwart vaan de lui.Nao ’ne lèste merci aon aajd-Stadsprins Henri I en zien hoeshawwe, waor ’t benkelek momint dao um Mestreech kinnes te goon laote make met de nuie Stadsprins.Oonder de vermomming spróng nao väöre Odin Wijnhoven, bij väöl lui bekind vaan TV Mestreech en daonao bij L1. Ouch is heer actief gewees bij Zoeper en noe nog bij de zate hermenie Vreug en Neugter. Wijer is heer moeljaan vaan ’t Vastelaovendsgezèlsjap ‘sans gêne’ de Aspergepiepers.Nao door ’t Presidium vaan De Tempeleers te zien veurzeen vaan de teikene vaan wierdegheid, plaquèt, möts en scepter, waor ’t momint dao um ’t volk veur ’t iers touw te spreke.Zien enthousiasme raakde de lui op de Merret.Börgemeister en Besjermhier Onno Hoes kraog es ierste de gelegeheid um de nuien Hoeglöstegheid te fêtere.Koelek vaan ’t podium aof kaom Prins Odin han te kort um de väöl felicitaties in oontvangs te numme. En ouch tijdens ’t aonsletend tuurke door de stad bleek wie populair en geleef Prins Odin waor.

ODIN I Cervisia – Zytologicus, Peersmusquiticus, Ante-

artuszoepericusErfprins vaan Aajd-Caberg en d’n Albèrknoup

Iere-nonnevot-raper vaan de Walramstraot in Ci-tardGediplomeerd potloedslieper vaan de Sint

AloysiussjaolIerste veurop-trommeleer vaan de zate hermenie

Vreug en NeugterPrizzedent-sans-gêne vaan de prinseleke Asperge-

PiepersOonbezoldeg cultivator vaan de Geusselse Graasmat

Veurmaoleg kräölke vaan boybend ZoeperGroethertog vaan d’n umroop mèt ein lètter en ei

sieferAmbachtelek tingeter vaan Belfort en umstreke

Drappokommandant vaan alle zate hermeniekesProtecteur vaan de Mestreechter Vastelaovend

’t Verhaol vaan Stadsprins Odin:’t Oetrope: ’t is zoondagmörge en oeteraard zien veer veur daag en dauw wakker, op ziech höbbe veer heerlek

geslaope, fluusterend zègke Rachèl en iech tegenein “eindelek geit ’t gebäöre!!!” Nao vendaog hove veer neet mie te lege, drejje, lui oontwieke en kin ’t groet geheim droet. Olivier (dee nog vaan niks wèt) kump debij en verbaas ziech tot de woenkamer en keuke zien umgetouverd tot ’ne groete kaffee. D’n aovend vaan teveure höbbe veer eus awwers en mien breurs mage inliechte en zie höbbe geholpe um d’n tap, ’t glaaswerk en allen draank hiel stèllekes bove te kriege. Veer zègke häöm tot dat veur ’t 4x11 jaor fieske is vaan eus Zate Hermenie Vreug en Neugter, wat bij us thoes gevierd geit weure. Veer oontbijte lekker en iech douche miech, laot d’n hoond oet en tege tien oor ’s mörges vertrèk iech nao ’n geheim locatie um miech te laote ‘oontvoere’. Kössteek euver de kop en d’n oto in, veer make mèt d’n oto nog e kort tuurke door de stad, boe al ’nen hielen houp georganiseerd weurt veur ’t oetrope. De wagel rijt door naor ’t geheim adres. Veer drinke get en daan brik ’t momint vaan umkleie aon en veur ’t iers veul iech gezon spanning opkoume. Einmaol umgekleid weur iech mèt heerlek ete in de watte gelag. De deurbel geit en sjefäör Nico kump in en weurt aon miech veurgesteld. Veer kriege nog ’n heerlek dessert en daan geit ’t gebäöre: de vermomming geit aon, kössteek weer trök euver miene kop, maske vaan Jan Klaassen geit in d’n oto en veer vertrèkke riechting Statie boe iech es groeten oonbekinde weur veurgestèld aon de Tempeleers. Daonao geit ’t ech gebäöre op de wagel riechting de Merret.


7


De KanselarijraodDe vraog of Vastelaovend nog wel leef in Mestreech kin met e gerös hart mèt “jao” beantwoord weure, gelèt op de reacties die binnekoume nao aonleiing vaan d’n oproop um Prinsekandidaote in te dene.De Prinsekäös is ein van de take die berös bij de Kanselarijraod. In de week tot ‘Mestreech’ ziech tröf op ’t Preuvenemint, starte De Tempeleers mèt de zeuktoch nao ’ne nuie Stadsprins.’t Is daan de taak vaan de Sikkertaris-Ginneraol um alle aonmellinge te registrere en rubricere zoetot op eineg momint de zjuste käös gemaak kin weure um deen eine mins op de Merret te kinne prizzentere es de nuie Stadsprins vaan Mestreech.’n Aander taak vaan de Kanselarijraod is ’t oontwerpe vaan de jaorlekse Vastelaovendsmedaaljes.Veur de Vastelaovend 2015 is gekoze veur:

Prinse-orde: ’t KedètsjeTempeleers-orde: de Póppekas

De Medaaljesjatbewaorder beheert de veurraod medaaljes en zörg deveur tot bij eder viziet de benudegde medaaljes besjikbaar zien um oet te reike.In de regeerperiood vaan Prins Odin I zien de volgende aontalle medaaljes oetgereik:

2888 Kinderknuipkes288 Kindermedaaljes1322 Prinse-ordes422 Ridderordes188 Officeersmedaaljes155 Kommandeurs333 Groet-Officeers

De Sikkertaris-Ginneraol zörg veur de rangatie vaan de bezeuke en tot bij eder bezeuk voldoende Tempeleers present zien um de Stadsprins te begeleie.’n Aander verantwoordelekheid vaan de Kanselarijraod is ’t bewake vaan ’t protocol en dao boe nudeg gevraog en oongevraog advies euver oetbringe aon bestuur en plenair vergadering.

Dit jaor waor d’r nog e bezunder protocolair momint.Op donderdag 5 fibberwarie verzamelde ziech e groet aontal hiere Tempeleers o.l.v. Prizzedent-Tempeleer Henk de Jong same mèt Stadsprins Odin I, ’n aontal Protecteurs, de veendelwach vaan

de Kachelpiepers en ’n aontal aander genudegde in de studio vaan André Rieu um getuige te zien vaan de oetreiking vaan de Ieremedaalje “’t Joonk Leech” aon André Rieu veur de grandeur boemèt de Maestro al jaor en daag zien leefde veur de meziek en zien vaajerstad op ’n begeisterende meneer euveral ter wereld manifesteert.


8


Veur dees oetreiking waor de regionale, landeleke en internationale peers massaal present um dit uniek momint op foto en fèlm vas te lègke en wereldkundeg te make.

Stadsprins Odin I aon ’t woord euver ’n aontal hoegtepunte:“’t Is lesteg um vaan hoegtepunte te spreke, want daan daon iech lui, vereineginge en instanties te kort. Wat iech bezunder voont waor netuurlek d’n oetroopzoondag, wie femilie, vrun en kinnese ’s aovends mie Prinssjap bij us thoes zien koume viere. ’t Prinsebal um al mien illuster veurgengers te zien en ’t besef totste ouch e klein stökske vaan die Mestreechter historie maags oetmake, de oonthölling vaan mie Prinseportrèt in de Struys mèt mien vrun vaan Zoeper en de Aspergepiepers, etc. etc. ’n Aontal bezeukskes höb iech es zier speciaol ervare, beveurbeeld bij “Licht en Liefde”, veur awwer lui die blind of slechzeend zien. De oontvangs, de hartelekheid en persoenlekheid höbbe miech dao geëmotioneerd. De lui hadde ech de meujte um vaan al vaan miech te wete te koume en hadde dat verwèrk in e zelfgemaak ‘Nijntje’. Ouch sjoen waor ’t gediech dat iech kraog. Traditioneel krijg de Stadsprins dao e zelfgesjreve gediech veurgedrage door mevrouw Ottenheijm. Wat waor dat sjoen, leef en persoenlek. Wie Vastelaovend e paar weke gedoon waor, voont iech ’n envelop in de brevebös. Bleek tot dat vaan dezelfde mevrouw Ottenheijm waor. Zie had häör gediech hersjreve umtot zie nog neet gans content waor. De traone sprónge miech thoes in de ouge. Ouch de speciaol mominte mèt kraanke lui, die evekes vräög veule en hun krenkde en hunnen elend kinne vergete zien miech aon mien prij gegaange!”


9


De P.R.-kemissie

Website, social media, fèlmkes, radio- en tv-programma’s, peersberiechte, media informere, Tempeleersmagazine, marketingplan en oetwèrking en “wee wèt wat nog, zoe väöl” vèlt oonder de P.R.-kemissie. De sjeiend veurzitter Guy Bannier en zienen opvolger Paul Joosten kieke same trök op aofgeloupe sezoen.

Guy Bannier: “De P.R.-kemissie waor jaorelaank de kleinste kemissie en had

’t beslis neet gemekelek. Door oetbreiing te zeuke op kwaliteite en boe behoefte aon waor, is dees kemissie behuurlek in aontal touwgenome. Waor

ouch nudeg gezeen de veranderende vörme vaan media, social media, facebook, website. D’r is beslis hel gewèrk aon verbetering vaan ’t oetdrage en oetstraole vaan

dat wat veer es Tempeleersorganisatie doen en boeveur veer stoon. Eus oetgaangspunt blijf jummers ’t zoe good meugelek oonder de aondach bringe vaan alle eveneminte en

’t speul vaan de Vastelaovend, de beleving, de opmaot nao de Vastelaovend en alles wat roontelum de Stadsprins späölt. Dit gebäört door de kontakte mèt alle media te koestere en good te oonderhawwe. Door zelf actief te zien in ’t make vaan fèlmkes,

de site actueel te hawwe, facebook good te gebruke, ’t magazine nog beter, sjoender en carnevalistischer te make. Daoneve is de marketing-wèrkgróp bij de P.R.-kemissie

gekoume en vas oonderdeil vaan ’t P.R.-beleidsplan. Veur eder oonderdeil höbbe veer noe gooj lui in eus kemissie en dao bin iech daan ouch zier gruuts op. Veer höbbe de

aofgeloupe jaore structuur in de P.R.-kemissie gebrach en iech draag daan ouch mèt väöl plezeer en vertrouwe ’t veurzittersjap vaan dees kemissie euver aon Paul Joosten. Paul heet aofgeloupe sezoen geweldeg väöl wèrk verzat um e marketingplan oet te wèrke dat ’ne leidraod zal kinne goon weure veur

de koumende jaor.“


10


Paul Joosten: “Daanke tot iech vaan diech ’t veurzittersjap maag

euvernumme. Iech höb aofgeloupe jaor mèt väöl plezeer zitting genome in de P.R.-kemissie en de energie ervare. Ederein

binne de kemissie is hiel betrokke bij de Mestreechter Vastelaovend en wèlt dit gere leveteg hawwe. Mèt väöl plezeer en enthousiasme num iech

’t veurzittersjap vaan diech euver um ’t devies “Plezeer & Sjariteit” hoeg te hawwe. Wie gezag, ’t waor e fantastisch sezoen boe veer mèt versjèllende gróppe

vierders kontak höbbe gezeuk. Oonder andere mèt de deilnummers aon de Groeten Optoch. Wat späölt d’r, wie kinne veer good aonslete. Door veranderinge door te veure in de opstèlling en dao ouch miejer euver te communicere via de website, meh ouch door de ripportaasj via TV Mestreech, höbbe veer ’ne fantastische cortège gezeen. Meh nog väöl belangrieker is tot de gróppe neet mie te lang hove te wachte. Dit is ei veurbeeld. Daoneve zien veer mie nao de jäög aon ’t kieke. De ginneraties die dit sjoen fies netuurlek wijer mote drage. Wie beter veer dao ouch op kinne aonslete wie miejer ’t blijf leve. Door de “marketing”-brèl kieke veer noe miejer nao wat d’r

späölt. Belangriek um ’t speul leveteg te hawwe meh ouch oug te höbbe veur d’n huidegen tied. En daomèt ouch good de vertaoling te make. Via de P.R.-

wèrkzaomhede bringe veer die zake ouch weer good nao ederein touw. Boemèt veer ouch same mèt en veur de versjèllende gróppe ’ne

sjoene Vastelaovend kinne organisere en mage beleve.”


11



12


De kemissie BinnegebäöreAl jaore organiseert dees kemissie de volgende eveneminte:• de zittinge Kaffee De Zeuten Inval• De Kindereveneminte wie:

• JäögPrinseTreffe• Kinderfies• KinderVastelaovendsExpositie in ’t azM• ’t Sjaolebezeuk

• ’t Gala-Prinsebal op nui locatie• Studente Vastelaovendsbal• ’t sere vaan alle locaties boe De Tempeleers get

georganiseerd höbbe en dit gebäört door de Kemissie Techniek Binnegebäöre

• de Klevariezitting• de Poetezitting op Vastelaovendsmaondag

De kemissie Binnegebäöre kiek mèt e content geveul trök op dit sezoen. De zittinge waore weer geslaag, de lui höbbe ziech geweldeg geammeseerd en d’n oonvervalsde Vastelaovendssfeer waor bij

eder zitting te veule. ’t Bliek tot dees formule nog altied aonsleit.

’t Gala-Prinsebal waor veur d’n twiede kier in Hotèl van der Valk. De opstelling waor get veranderd, boedoor d’n dansvloer beter tot zie rech kaom, de ruimtes beter waore ingedeild. Weer waor ’t bal oetverkoch, ’n teike tot väöl lui gere nao dit prachteg fies koume. ’t Orkes “A Next Band” zörgde veur ’ne gooje sfeer. Koumend jaor weurt dit bal ouch bij van der Valk georganiseerd, de samewèrking is zier plezereg en de balkemissie is zier tevrei wie dit verlöp.

Patrick

’t Gala-Prinsebal

’t Studente Vastelaovendsbal voont dit kier plaots op ’n nui locatie, in “D’n Hiemel”. Studentevereineginge höbbe mèt oondersteuning vaan eus kemissie dit bal georganiseerd. De opkoms waor sjiek, miejer es 250 studente, sjoen gekleid en sjoen oetgedos, höbbe ziech köstelek vermaak op dit fies wat tot in de late eurkes heet gedoord. Euzen Hoeglöstegheid Prins Odin I heet genote vaan alle aondach vaan de studente. Dees nui traditie, veureg jaor ingezat, heet noe vaste boojem gekrege en zal ouch koumend sezoen weer weure georganiseerd.

’t Studente Vastelaovendsbal

De Klevariezitting. Veur de lèste kier woort dees zitting op Klevarie gehawwe. Door de verbouwinge en veranderinge kin dit neet mie plaotsvinde op Klevarie. Mèt e geveul vaan weemoed woort dees zitting veur de cliënte en väöl aander lui die zörg vraoge oetgeveurd. Dees zitting is toendertied door Tempeleer Raymond Willems geïnitieerd. Zjus tijdens dees lèste zitting heet heer ’t eerds leve verlaote.

Klevariezitting


13


PhilharmonieZuid Nederland

De Kindereveneminte beleefde dit sezoen ’n geweldge belangstèlling.Veurzitter vaan de Kinderkemissie Tempeleer Patrick van de Weijer aon ’t woord:“De Kinderkemissie is ’n enthousiaste club vaan ’ne maan of 10 mèt e sjoen evewiech tösse maan en vrouw.”, zeet veurzitter Patrick van de Weijer.“Ouch dit jaor op zoondag 8 fibberwarie mochte veer us verheuge op e geslaag Groet Kinderfies. Nao ’nen dip bij d’n euvergaank oet de Festi-Village nao de Platte Zaol zit ’t bezeuk weer flink in de lif. Wat ’t geheim daovaan is, weite v’r ouch neet. Oondaanks de krimp, koume toch miejer lui drop aof! Veer zien ouch nui geziechte eder jaor, väöl nui jong gezinne. Sjiek!”

Groet Kinderfies

JäögPrinseTreffe“Ouch ’t JäögPrinseTreffe löp good. Noe zien ’t zoe’n 15 vereineginge, die aon de SMV gelieerd zien. V’r wèlle dat get oetbreie. Eder vereineging mèt ’ne jäögprins of -prinses is welkom. Me moot daan dinke aon de scouting of ’n voetbalclub. ’t JäögPrinseTreffe is zoewiezoe openbaar. Ederein is welkom, meh ’t geit um de kinder: die zitte aon de taofele, awwer lui mote stoon!”

BoetePoeteZitting“Aon de Boete-Poetezitting op Vastelaovendsmaondag, die v’r vaan de Bataviere geadopteerd höbbe, mote v’r nog get trèkke. ’t Blijf lesteg lui te bewege z’ch veuraof aon te melle. ’t Is Vastelaovend; ederein geit en steit boe ’r wèlt. Logisch! Meh iech zouw dat gere get mie wèlle stroomlijne.”


14


Mestreechter sjaole

Nostallegasie

Kaffee De Zeuten Inval Jaorvergadering Zate Hermeniekes

azM“Daan höbbe v’r netuurlek nog de KinderVastelaovendsExpositie in ’t azM. Dat geit ouch good, meh dat ligk wel aon d’n tied vaan ’t jaor. Es Carneval te vreug vèlt, daan is ’t lesteg um sjaole te laote mètdoen, die zien daan nog volop aon de geng mèt Sinterklaos en Keersemes. Ouch biste aofhaankelek vaan lierkrachte die get mèt Vastelaovend höbbe. Meh die activiteit blijf voldoening geve: este die snuutskes zuus vaan die kraanke kinder die toch ’ne middag plezeer höbbe. Heerlek!” “’t Is leuk es v’r dit jaor nui sjaole kinne bezeuke, sjaole boe v’r nog neet dèks gewees zien es Tempeleers. Die sjaole mote dat wel intijds aonvraoge!”

“Nui veur koumend sezoen is eus samewèrking mèt de lui vaan PUUR. Die hawwe d’n avond vaan ’t JäögPrinseTreffe e fies in d’n Awwe Stiene veur jäög tösse 12 en 16 jaor mèt allein fris. Veer es Tempeleers goon dao-in participere. Zie regele alles, meh veer koume beveurbeeld mèt de prins langs.”“’n Gedachte vaan miech is nog ’ns ’nen echte jäögprins te höbbe. Daan neet persé veur de basissjaol, meh beveurbeeld tösse 16 en 20 of 18 en 22 jaor. V’r zien ’n aw vereineging en mote ‘n brögk zien te sloon mèt de jong generatie. Loer beveurbeeld nao de jong oondernummers, beveurbeeld in d’n horeca, die bereike v’r zoe mesjiens mie. Protocollair gief dat wel get oetdaginge, meh de maags altied druime.”“Es lui ‘vaan boete’ trouwens ideeje höbbe, laot ’t veural hure! V’r stoon ope veur nui ideeje, beleving en commentare vaan lui!”


15


De Financieel kemissie’t Organisere vaan de Mestreechter Vastelaovend kos väöl geld. Wat ouch geperbeerd is um aon ederein dudelek te make tot De Tempeleers aofhaankelek zien vaan steun vaan de middestand, sponsore, adverteerders en sympathisante, ’t is nog neet gelök um de begruting te hole wie gewins.Zoonder dee steun kinne veer de Mestreechter Vastelaovend evels neet organisere.De Financieel kemissie organiseerde de volgende activiteite um geld bijein te kriege:

• Prommenaad-diner Sofa aon de Maos, dit jaor bewus in november georganiseerd en dat heet gewèrk, want ’t waor oetverkoch

• de actie vaan d’n Trósjer• de Gala-Sponsoraovend op Château Neercanne• de Steunpilere-actie• de advertenties veur magazine “D’n Tempeleer”• ’t Wienprojek 2015• de deuk vaan Chrit Rousseau• de keukskes (en keerspakkètte)-actie

“Mommezij Verwenerij”• de Rijaloet-lunch same mèt MVV Mestreech• start vaan de actie “De Vastelaovendsvrund”

Tempeleer Oscar Vandeberg, lid vaan de financieel kemissie, vertelt euver aofgeloupe sezoen en kiek veuroet:

“’t Organisere vaan de Mestreechter Vastelaovend kos väöl geld.

De eveneminte die de aander kemissies organisere, wie Gala-Prinsebal, de zittinge Kaffee De Zeuten Inval en de

kindereveneminte, zien zjus kostedèkkend, omtot dao entree gevraog kin weure. Meh alle eveneminte die boete georganiseerd weure, wie ’t

oetrope vaan de nuie Stadsprins, de Groeten Optoch, de Femilie-Optoch, Zate Hermeniekes concours, de medaaljele, en vergeet al die bezeukskes

vaan euze Stadsprins in de veer weke veur de Carneval neet, koste al bijein hiel väöl geld.De financieel kemissie rent ziech de bein oonder ’t lief oet en hèlt de nudege acties um de duite bijein te kriege. En ’t weurt ummertouw lesteger, umtot gemeinte en bedrieve steeds

minder kinne geve. Alle eveneminte zien kritisch bekeke en veer höbbe ’ns good geloerd wie ze verbeterd en/of vernuid kinne weure.

Zoe woort Sofa aon de Maos aofgeloupe jaor nao väöre gehaold en in november gehawwe. Dat bleek e succes, oetverkoch en ’ne zier geslaagden aovend! Hei goon veer zeker mèt door koumend

jaor. De Rijaloet-lunch, dee noe veur d’n twiede kier same met MVV is georganiseerd, had zier väöl deilnummers en waor ouch zier geslaag. Dit steit noe good es evenemint en same met MVV make veer dao veur 2016 e nog sjieker evenemint vaan es aofgeloupe jaor. De Steunpilere, mèt

de prachtige “Beppie”-plaquèt, kós rekene op väöl belangstèlling. De acties vaan d’n Trósjer lieverde weer ’n gooj recèt op. Ouch höbbe ’n aontal bedrieve us weer gesteund door ’n

dook vaan Chrit Rousseau te adoptere. De Gala-Sponsoraovend op Château Neercanne waor zier geslaag, meh brach jaomer

genóg neet op wat begruut waor. Dao geit koumend sezoen ’nen aanderen opzat koume um dit evenemint te verbetere. De veuroetziechte mèt dee nuien

opzat zien erg good! Dat belaof ’nen echte Gala-Sponsoraovend te weure, meh daan toch ech nui en aanders, laot uuch mer

verrasse!”

Oscar Vandeberg


16


Aofgeloupe sezoen is gebleke tot de opbringste vaan de eveneminte lieger oetpakde es begruut. Daorum is vaanoet de financieel kemissie e nui initiatief gekoume: “De Vastelaovendsvrund”.Tempeleer Oscar Vandeberg is naomes de kemissie hei-in de coördinator gewees.

Oscar: “De maags dees actie besjouwe

es ’n soort “Vrun”-actie. Liegdrempeleg en mèt d’n hoop tot väöl lui op dees wijs donateur

kinne weure vaan de Mestreechter Vastelaovend. Aon us es Tempeleers de sjoen taak um eus “Vrun” daan wel

donateurs, korter bij de Vastelaovend te betrèkke en op de zjuste wijs hei-euver te informere. Veur € 3,33 per maond kint me

donateur weure. Daoveur kriege dees “Vrun” geregeld ’ne nuitsbreef, boe-in veer vertèlle wat allemaol gebäört en wat in oontwikkeling is en

kriege ze de meugelekheid um tijdens ’t sezoen korter bij de Stadsprins te koume. Ouch doen de “Vrun” mèt aon ’n loterij, boe-in prijze verloot weure

boe ’ne Vastelaovendsvierder ech veur geit. Aofgeloupe sezoen zien veer mèt de Vastelaovendsvrund-actie gestart. Dat heet toch al zoe’n 70 “Vrun”

opgelieverd. Koumend sezoen goon veer dit zeker doorzètte. Lui kinne keze oet drei versjèllende vörm vaan de “Vastelaovendsvrund “. En in die pakkètte zitte

miejer käözes veur eveneminte. Neve de Vastelaovendsvrund, höbbe veer binne de financieel kemissie noe ouch de “Vrund vaan de Mommezij” opgezat. Die Vrun zien eus trouw ‘sponsore’ vaan de Mestreechter Vastelaovend, daomèt

goon veer ouch in gesprek um mèt ’ne zelfden opzat te goon wèrke. Veer hope mèt dees actie miejer donateurs te kriege, die langer bij us blieve en die veer miejer (en verrassender) dinger kinne beeje. Hei goon veer veur, want dees VastelaovendsVrun en Vrun vaan de Mommezij, zien

de körk boe de Mestreechter Vastelaovend op drejt.Alle lede vaan de financieel kemissie trèkke hei hel aon en veer zien dees lui en daan mèt naome de

Börgermètwèrkers die us daobij helpe zier daankbaar veur hunnen inzat.“

Oscar Vandeberg

D’n Tempeleer


17


Rijaloet lunch

Gala sponsoravond


18


Sofa

Steunpilere

Wienprojek


19


De kemissie Boetegebäöre

In d’n aonloup nao deze Vastelaovend heet de kemissie Boetegebäöre besprekinge belag mèt deilnummers aon de Groeten Optoch en mèt de Zate Hermeniekes. Tijdens dees besprekinge zien aon de orde gekoume: verbeteringe bij de start vaan de Groeten Optoch, sneller doorstroming op ’t ind, miejer respec tuine veur eder zienen inbring en rekening hawwe ten aonzeen vaan geluid, verbetering vaan de Zate Hermeniekes vergadering en vraoge euver d’n opzat vaan ’t concours. De in de zomer gehawwe enquête had aongegeve tot hei verbeterpunte nudeg waore. En dees besprekinge gaove e positief geveul en de kemissie kós aon de slaag.

Al wat boete georganiseerd weurt roontelum de Vastelaovend vèlt oonder dees kemissie, zoe wie:

• ’t oetrope vaan de nuien Hoeglöstegheid• ’t inhole op zaoterdag veur Carneval• de activiteite tijdens de Vastelaovendsdaog, insjete, de

Groeten Optoch, de Femilie-optoch• ’t Zate Hermeniekes concours en ’t slot op d’n

dinsdagaovend• ’t beheer vaan ’t maggezijn


20


Tempeleer Maurice van Engelshoven is leefs 13 jaor veurzitter vaan dees kemissie gewees. Heer heet ’t stekske euvergedrage aon Han vanTrier.Veer kieke gere ’ns mèt Maurice trök op de aofgeloupe jaore en mèt naome op aofgeloupe sezoen.Maurice: “ ’t Aofgeloupe sezoen höbbe veer es zier positief ervare. Bij de bespreking mèt de deilnummers aon de Groeten Optoch zien d’r verbeterpunte ingebrach door de deilnummers. Pluspunt is tot de ideeje door hun zien ingebrach en veer daomèt aon de slaag kóste. Daodoor is ’t beginpunt vaan de Groeten Optoch väöl plezereger verloupe en dat goon veer doorzètte koumend jaor. Ouch handhaving, de pelitie en de gemeinte waore positief euver dees verbetering. Zoe is ouch mèt de Zate Hermeniekes gesproke. Zie voonte tot d’r eigelek niks hoofde te verandere. Wel voonte zie tot ’t pebliek meint, tot allein op ’t Vriethof get te doen is veur de Zate Hermeniekes. Terwijl in de ganse stad hermeniekes hun muzikaol kunste laote zien en hure in kaffees en veur kaffee-jury’s. Dat is te wieneg bekind en dao kin get aon gedoon weure. De Zate Hermeniekes vergadering is op ’n aander locatie gewees en ’t program verleep sneller. De sfeer waor good en de reacties positief, dus dao goon veer ouch op dees wijs mèt wijer. ’t Zate Hermeniekes concours blijf toch get hiel bezunders en huurt bij de Mestreechter Vastelaovend.Alle boete-evenminte zien sjoen en good verloupe, ouch doortot ’t prachteg weer waor. ’t Weer is altied ’ne bepaolende factor, meh dao höbbe veer neet euver te klaoge gehad.”

Maurice van Engelshoven


21


Norbert Frijns

Maurice heet netuurlek in de 13 jaor tot heer veurzitter vaan de kemissie Boetegebäöre waor väöl zien verandere.Maurice: “’t Boetegebäöre heet allein oetgaof, gein inkomste. ’t Weurt ummertouw lesteger um de begruting sletend te kriege. Gaove veer vreuger nog bijdraog aon gróppe en hermenieje, dit is allemaol aofgesjaf mote weure umtot veer ’t geld neet mie höbbe. Daoneve is in die 13 jaor de regelgeving fors touwgenome. In ‘t begin hadde veer gein verkeersregeleers, noe moot dat en kos dat geld. De vergunninge, de hèkke, al wat nudeg is um veileg en ordentelek alle boete-eveneminte te laote verloupe dene geregeld te zien. Vreuger vergaderde veer eine kier tösse Keersmes en Nuijaor, noe vergadere veer väöl mie, ouch al door de veranderende regelgeving. De samewèrking mèt de instanties is gelökkeg hiel positief en verlöp good, veer trèkke same op in de rangatie vaan de Mestreechter Vastelaovend.

Väöl lui dinke tot alles vaanzelf geit en vaanzelfsprekend is. Wie verplaotse vaan ’t kioske op ’t Vriethof, de hèkke, de EHBO langs

de rót, veranderende routes es de stad op de sjöp ligk wie geregeld is veurgekoume, dit moot ech door eus kemissie mèt de instanties georganiseerd weure. En ’t is steeds gelök, al mós soms good geïmproviseerd weure.”Maurice dreug ’t veurzittersjap euver aon Han van Trier meh

blijf bij de kemissie Boetegebäöre betrokke. Heer is gruuts tot heer dees kemissie heet mage leie mèt zier betrokke Tempeleers en Börgermètwèrkers. Maurice: “Es iech noe trökdink daan kin iech stèlle tot veer tege hiel väöl zake aon zien geloupe en daan ederskier alles same en mèt alle instanties in ’n zier gooj verstandhajding höbbe opgelos. Bij alle oontwikkelinge wie: geluid, de kare, glaasproblematiek, veilegheid en al wat ziech op straot aofspäölt mèt Vastelaovend zien veer betrokke en is eus meining gevraog. De Mestreechter Vastelaovend heet ’n rieke traditie vaan straotcarneval, is vaan ’t gans volk en dat moot zoe blieve. En veer zien dao ’n oonderdeil in.”


22


De MachseuverdrachNao veer weke laank tot in alle oetheuk vaan Mestreech te zien gewees um euveral getuige te zien vaan de meneer boe-op ‘Mestreech’ ziech prippereerde op de Vastelaovend, braok veur Prins Odin op zaoterdag 14 fibberwarie 2015

’t momint aon um, nao ’n korte oontvangs op de Statie vaan Mestreech, aon ziene zegetoch nao ’t Stadhoes te beginne um dao mèt hölp vaan de Sirremoniemeister ‘Die vaan us’ te laote weite tot ’t tied woort um te vertrèkke en de mach euver te numme. Eve nao drei oor

en veuraofgegaange door de veendelwach vaan de Kachelpiepers, maakde Prins Odin I ziene zwajeuzen entree in de hal vaan ’t Stadhoes die bomvol zaot en stoont mèt lui die getuige wouwe zien vaan de Machseuverdrach.Jaomer genóg had ‘den Haag’ ’t, op e kort momint vaan presentie vaan Frans Timmermans nao, laote aofwete. ’t Kós neet oetblieve, ’t vertrèk vaan Onno Hoes es börgemeister kós neet oonbesproke blieve. En daorum begós de börgemeister dao mer zelf euver. Nao aonleiing daovaan kraog MVV vaan euze Sirremoniemeister ’t advies mèt um Onno Hoes es spits te contractere. “Heer is sjerrep en scoort väöl”.Hoes zelf vergeleek ziech mie mèt d’Artagnan: “gevalle veur Mestreech”. De wèthawwers woorte aofgerekend op op ’t gestuntel mèt d’n tram dee vaan Hasselt nao Mestreech en trök moot goon rije. Ouch de oondudeleke/amateuristisch opgestèlde börgerpeiling 2014 woort veur ’t vootleech gebrach. Mèt z’n opmèrkinge euver wèthawwer John Aarts dee ’t ‘geziech’ vaan modestad Mestreech is gewoorde, kraog de Sirremoniemeister de lachers op zien hand.Onno Hoes gaof ziech, veur de lèste kier, gewonne en euverhandegde de sleutel vaan de stad en de zèlvere scepter aon Prins Odin I um vervolges es Besjermhier tösse de hiere Tempeleers te goon zitte.Nao ’t veurleze vaan de troenrei, ’t euverhandege vaan ’n aontal presentjes en medaaljes, woort de Machseuverdach aofgeslote mèt ’t teikene vaan ’t gastebook vaan de gemeinte Mestreech en ’t drinke vaan e gleeske ierewien.De mach waor aon de Prins, Mestreech waor veerdeg um Vastelaovend te goon viere.

En zoe heet Stadsprins Odin dee zaoterdag ervare:“De apotheoos, 4 weke laank höb iech mie es 250 bezeukskes gedoon in mie rokkostuum, ’t zoegenaomp ‘wèrkpak’. Vriedagaovend nao ’t lèste bezeuk geit ’t rokkostuum oet en geit mien eige prinsekap aof en weurt opgeborge. Zaoterdag goon veer (hopelek) de mach pakke op ’t Stadhoes en dat moot netuurlek in e sjiek, fiestelek, Bourgondisch kostuum. Wie zouw ’t oetzien? Blauw? Gries? Osseroed of toch ‘Eiersjaole’-wit? Allein Tempeleer Frits Jongen en iech weite ’t en mien femilie krijg ’t zaoterdagmörge thoes geprizzenteerd. ’t Is e sjiek osseroed pak gewore en bij Rachèl kaome de traone in häör aoge. Wat bin iech mien femilie en vrun daankbaar veur al wat zie de aofgeloupe weke veur miech, Rachèl en Olivier höbbe gedoon, dat verdeent netuurlek ’n medaalje en die kriege ze daan ouch! Nao de nudege protocolle goon veer riechting Lummel um mèt d’n trein nao de Statie Mestreech Centraal te goon. ’t Is begós! In ’nen optoch goon veer nao ’t Stadhoes mèt oonderweeg d’n traditionele confetti-rege. Iech mèrk tot iech toch wel get nerveus weur. Geit ’t sirremoniemeister Norbert astrein wel lökke? Es ’t Mooswief geseerd is mèt ’ne greuntekrans en ’t Mestreechs Volksleed oet volle boors gezoonge is, is ’t tied um de mach te goon pakke! Noe geit de Vastelaovend ech beginne! ’t Weurt e spannend gevech tösse Norbert en börgemeister Hoes, boebij de lèste toch ’t oonderspit moot delve. Mèt de scepter en sleutel vaan Mestreech in de hand trèkke veer de stad in um te viere tot ’t is gelök. ’t Weurt e fieske dat eindeg mèt ’n treffe mèt mien vrun vaan de Aspergepiepers, die hun traditioneel zitting höbbe. Veer goon betijds trök nao ’t Prinselek pelies, want d’r koume nog 3 sjieke daog aon!”

Norbert Frijns


23


Vastelaovendszoondag

“Vastelaovendszoondag liekent ’t esof gans Belfort is oetgeloupe veur ’t oethaange vaan de Prinseleke Veendel en de inspectie vaan de Kachelpiepers bij us thoes. Sjiek um te zien wie de ganse buurt de aofgeloupe weke heet mètgeleef en zin heet gekrege in die bezunder drei daog. Iech kin neet wachte um mie pak weer aon te doen en Rachèl löp al ore geschmink en verkleid roond. Nog zoe e sjiek momint volg ’n oonderhaaf oor later es iech op de Vriethof ’t startsein maag geve veur de Vastelaovend mèt ’t aofsjete vaan ’t Momuskenon en en ’t optakele vaan ’t Mooswief. Es klein jungske voont iech dat altied ’n hinnevel-momint, de hel knalle vaan dat Momuskenon! Iech draag miene sjeut op aon Mao Willems, um häöm nog eine kier te iere veur al wat heer veur de Mestreechter Vastelaovend heet gedoon. Daonao steit de Groeten Optoch op ’t program. Oonder e straolend zönneke vertrèkke veer vaanoet Wiek.”

“Este bovenop dee wagel steis en de zuus alle verkleide lui besefste pas wie groets Vastelaovend in Mestreech gevierd weurt. Einmaol op de Vriethof kump de Boonte Störm aon us veurbij. Ederein dee mètlöp, zeet of deit get leuks veur ’t bordes en oondaanks tot d’n optoch e paar oor doort vluig d’n tied en veur iech ’t weet is ’t duuster es de lèste gróp langs trèk!‘s Aovends steit nao ’t diner nog de Cramignon en de kaffee-toch op ’t program. Iech had noets gedach tot ’t Prinssjap zoeväöl losmaak bij de lui in de stad. Um de paar meter moot iech eve stoppe veur ’ne foto, e präötsje of ’ne knoevel en e puneke.”

Dit kier laote veer Stadsprins Odin I zien beleving vaan de drei sjoenste daog weergeve.Stadsprins Odin aon ’t woord:


24


Vastelaovendsmaondag

Vastelaovendsdinsdag

D’n dinsdag steit ’t hermeniekesconcours in ’t epistel. Wat sjiek um al die kleure, toene en ginneraties langs te zien koume op ’t Vriethof! Mesjiens wel ’t sjoenste momint vaan de Vastelaovendsdaog voont iech ’t aoftrejje. Neet umtot iech geine zin mie drin had, meh umtot ’t idee tot iech dees sjieke traditie door maag geve aon mienen opvolger, dee ouch al dat sjoens geit mètmake, miech e bezunder geveul gief. Wat is ’t sjiek um Stadsprins vaan Groet-Mestreech te mage zien gewees! Wat waor de Vastelaovend 2015 sjiek! Daank aon alle lui die dit veur us meugelek höbbe gemaak! Mestreech heet laote hure en zien boe ze gruuts op is! En veer waore, zien en blieve gruuts op uuch Mestreech!

De maondagmörge weure veer weer eve mèt de veuj op de groond gezat es veer e bezeuk aon ’t azM bringe. Wie daankbaar tot iech dit kin doen, meh ouch wat e contras mèt de middag es iech same mèt Olivier en Rachèl op de Prinsewagel de femilie-optoch veuroet gaon. Daan besefste nog ins zoe hel tot de lach en de traon mèt de Vastelaovend hand in hand goon! Deen aovend Cramignon oonder de klaanke vaan eus eige hermenie, wat zien ouch zie gruuts! En ze höbbe nog noets e jaor zoe dèks (en good) ’t Vastelaovendsleedsje gespäöld!


25


De prinseleke käösOet de doezende foto’s koos Prins Odin zien mominte.

Nao ‘t oetrope

De nog Groeten Oonbekinde

Bij mien MVV

‘t Joonk Leech bij André Rieu

Twie Prinse in ei hoeshawweGala Prinsebal, d’n openingsdans

foto: Kenneth Tan


26


Eindelek de mach

Oonder de patroenes vaan de Mestreechter Vastelaovend

Mèt mien vrun vaan Zoeper

Bij ‘t kinderfies, Prins in de ballebak

‘t Is gedoon, ind vaan ‘nen oonvergeteleke Carneval

‘ne Prinseleke poen


27


De Kachelpiepers

Al vaanaof 1951 steit ’t Garderizzjemint de Kachelpiepers ten deenste vaan De Tempeleers en Zienen Hoegen Hoeglöstegheid. E Program vol tradities, mèt optrejjes en bezeuke, Prinsewachte en Veendelwachte. Tijdens ’t sezoen zier drök ter oondersteuning. Daoneve e gans jaor rippetere zoewel op muzikaol es op exercitie-gebied. Imponerened en väöl bewoondering es zie door de straote vaan Mestreech trèkke. ’n Uniek korps in de stad.De nuie veurzitter Tempeleer Oscar Vandeberg en vice-veurzitter Jo Ramaekers vertèlle vol enthousiasme euver de Kachelpiepers.Oscar: “Iech bin pas in november 2014 bij de Kachelpiepers gekoume. Voont en vin ’t ’n super leuke club um mèt same te wèrke. Iech

bin es veersgebakke veurzitter in e werm bad terech gekoume mèt muzikante en lede die vol euvergaof de Vastelaovend in goon. Dat waor en is veur miech nui. Meh Jo heet miech good ingewèrk. Heer is ’ne collega vaan miech en veer höbbe dèks mèt-ein gesproke euver de Kachelpiepers.”

Jo: “Dat klop, waor ouch gemekelek in ’t begin um op eus werk tied te vinde um in de kantien mèt-ein te praote. Wie ’t korps op zeuk mós goon nao ’ne nuie veurzitter höbbe veer e verlanglieske gemaak vaan kandidaote die veer gesjik voonte veur de functie vaan veurzitter; iech höb toen naomes ’t bestuur vaan ’t korps zier good en väölvöldeg euverlègk gehad mèt ’t Presidium vaan De Tempeleers, oeteindelek is d’r in good euverlègk beslote um Oscar veur dees functie te vraoge.Iech vin ’t belangriek tot óf de veurzitter óf de vice-veurzitter ’nen Tempeleer is, want de lijnsjes mote wel kort blieve en de binding good.Veer waore zier blij tot De Tempeleers zoe gaw ’ne kandidaot hadde gevoonde. En de klik waor mèt ederein in ’t korps fantastisch.”

Veurzitter Oscar veult ziech ouch in zien illemint bij de Kachelpiepers:“Tösse Kachelpiepers en Tempeleers is gelökkeg ’n gooj synergie. Veer höbbe ’n gooj samewèrking. Alles gebäört in good euverlègk en aofgeloupe sezoen is ech hiel fijn en plezereg verloupe. D’r is wederzijds respec, begrip en


28


veer höbbe us oonderein ouch allemaol nudeg. ’t Korps is greujende. Veer höbbe e good geveul euver aofgeloupe jaor, kraoge väöl compliminte, ’t korps straolde plezeer oet. Sjiek toch.”

Jo: “Iech voont ’n hoegtepunt ’t zjubilei. Wie veer door de stad trokke en mèt naome in ’t duuster euver de Vriethof lepe. Ouch ’t fies en de höldeging in de Sociëteit waore sjoen. Daoneve voont iech ’t oetstepke nao Hasselt op Haafvaste same mèt de Pottemennekes hiel bezunder. Nao trökkoms in Mestreech höbbe veer same veur de Struys ’n serenaad verzörg, dat waor e muzikaol hoegtepunt. Veer trejje zoewiezoe miejer nao boete, veer zien neet allein actief in ’t vijfde sezoen. Zoe zien veer aofgeloupe jaor nao de ougsfieste in Berg aon de Maos gewees en höbbe

dao mètgeloupe in de stoet. En in september zien veer in Dernau in Duitsland gewees en höbbe us dao sjoen geprizzenteerd in ’t défilé dao. Ouch dao kraoge veer sjoen compliminte euver ’t korps.”

Oscar: “De betrokkeheid is aon ’t vergrute. Neve de meziekkemissie höbbe veer noe ’n activiteite-kemissie, die boete de formeel zake aander dinger rangeert um nog miejer binding te kriege.


29


Dink aon de bezètting op ’t Preuvenemint, de zoegenaomde nate rippetitie - dat is de lèste rippetitie - die altied in ’ne kaffee plaotsvint. En noe höbbe veer ’n zjubilei-kemissie in ’t leve gerope veur eus 66-jaoreg bestoon in ’t sezoen 2016-2017. Iech kin nog neet vertèlle wat geit gebäöre, meh veer wèlle Mestreech goon verrasse op ’n zier bezunder wijs mèt bekinde Mestreechtenere en gróppe.”

Jo: “En tot de sfeer good is, is ouch te zien aon bepaolde mominte tijdens ’t sezoen. Op Carnevalszoondag kump ’t korps al um 8.00 oor bijein, dit kier in de Tramhalte, veur ’t oontbijt vaan spek en eier. Geposeerd woort op en roontelum ’t kenon dao. En veur de Groeten Optoch gónge al twie lede, Armand en Fredsje, oefene bij TV Mestreech es gas-prizzentator.”Oscar en Jo: “ Veer zien hiel gruuts op eus Steunfonds. Zie oondersteune us mèt raod en daod en helpe us op financieel gebied mèt ’t werve vaan duite. Veer zien greujende en höbbe dus ouch weer uniforme en instruminte nudeg. Daoveur zien veer hun hiel daankbaar.”

De Kachelpiepers goon op weeg nao e sjoen 66-jaoreg zjubilei. Dit korps straolt get oet en vörmp tijdens ’t sezoen e prachteg gehiel mèt De Tempeleers en de Stadsprins vaan Mestreech. Kachelpiepers, chapeau!


30


In memoriamDe lach en de traon, zoe kort bijein. Ouch dit aofgeloupe Vastelaovendssezoen waor dat weer. Veer móste jummers helaas aofsjeid numme van lui die us dierbaar waore.

Corry waor de stèl krach achter häöre Willy zoetot dee in z’n rol vaan Tempeleer op zien meneer ’n bijdraog kós lievere aon de Mestreechter Vastelaovend.Veer rappelere us Corry es ’n stijlvol en good gesoigneerde hoesdouf mèt humor die Willy vergezèlde nao de Tempeleersaktiviteite.’t Kaom daorum hel aon wie geconstateerd woort tot

Corry op väöl te jonge leeftied geconfronteerd woort mèt ’n krenkde die ’t veur häör lesteg maakde um nog zelfstandeg te functionere. Bitsje bij bitsje temperde de boezjie en op 6 fibberwarie 2015 is Corry, nao ’n leefdevol verzörging thoes en in de Molenhof, rösteg ingeslaope.Corry, bedaank veur alles watste veur De Tempeleers beteikend höbs.

Corry Massot-Brouwer

✝ 6 fibberwarie 2015

Henk Weerts


Op Vastelaovendsdinsdag stoont Henk nog op ziene wagel bij ’t umlieg laote vaan “Zie Mooswief”.Koelek ’n week later bereikde us ’t tristeg beriech tot Henk vrij plotseling is euverlije.Henk waor ’ne zier gewaardeerde Börgermètwèrker vaan ’t Binnegebäöre. Heer oondersteunde de Kemissie Techniek Binnegebäöre. Henk stoont de vereineging altied bij es e beroop op häöm gedoon woort um spölle vaanoet ’t maggezijn nao de zaole te bringe en heer zat belangeloes zien containers deneer bij de zaole um dao de decorstökke en seerspölle in op te sloon.Meh ’t mieste bekind is Henk toch

veur zien eder jaor weer bringe en aoflaote vaan ’t Mooswief. Dat waor zie bezunder momint in ’t Vastelaovendssezoen.Op vriedag veur de Vastelaovend ’t Mooswief ophole in ’t maggezijn. Op carnevalszoondag nao Sint Pieter goon en daan in cortège ’t Mooswief nao de Vriethof bringe um dit op carnavalsdinsdag um 24.00 oor weer umlieg te laote en trök te bringe nao ’t maggezijn.Henk waor ouch ’ne zier gewaardeerden dreger vaan de orde vaan de Mestreechter Geis.De Tempeleers zien Henk väöl daank versjöldeg veur al wat heer in ’t belang vaan de Mestreechter Vastelaovend heet gedoon.Henk, ’n groete merci en adieu.

Ed Strijp

✝ 7 aprèl 2015

Us bereikde ’t tristeg beriech tot euze zier gewaardeerde Börgermètwèrker Ed Strijp op 72-jaorege leeftied is euverlije. Ed waor oongeneselek kraank. Ed heet ziech jaorelaank ingezat veur De Tempeleeers en de Mestreechter Vastelaovend. Heer waor Börgermètwèrker vaan de kemissie Binnegebäöre, boe heer lid waor vaan de balkemissie. Ouch waor heer lid vaan de Kemissie Techniek Binnegebäöre oftewel de seerkemissie vaan De Tempeleers. Daoneve waor Ed lid vaan de Trèkkers, de gróp dee

de cortèges, percessies en väöl aander eveneminte in Mestreech in gooj baone leit.Ed waor ’nen aimabele maan, stoont altied klaor um te oondersteune, waor sociaol bewoge, ’ne vereinegingsmins en ’nen echte Mestreechteneer. Veur al zien verdeenste heet Ed ’n keuninkleke oondersjeiing gekrege es bliek vaan waardering.Ed, bedaank veur watste veur De Tempeleers en de Mestreechter Vastelaovend höbs beteikend. Veer zègke: merci en adieu.


31


’t Is nog amper te begriepe tot Raymond us aon de veuraovend vaan Vastelaovend kompleet oonverwachs heet verlaote. ’n Leeggevalle plaots die door zien creatief en begeisterende persoenlekheid uniek waor binne de Mestreechse sameleving en häöm, same mèt zien Truus, e wierdeg ekzempel maakde vaan de Mestreechter Geis. Mèt zien aongebore kemedietalent maakde heer ind jaore zesteg zien debuut es kaptein in de Mestreechter kemikken opera “de Kaptein vaan Köpenick”, en get later es de notaris vaan Kriekelezaank in d’n opera “Trijn de Begijn”. Mèt de jaore greujde neet allein ’t aontal stökke boemèt heer op de bühne excelleerde meh greujde ouch deen unieke band tösse Raymond en de stad Mestreech.

Raymond Willems


Toch waor neet ’t kemediespeul zie groetste talent meh alleriers zien minslevende hartelekheid boemèt heer de lui tegemoot trooj, leet lache en hiel dèks, al waor ’t mer veur eve, hun klein en groete zörg doog vergete. Hartelek en ad rem. Zeker mèt dat lèste waor heer menneg situatie de baas. De opmèrking aon zien adres kós nog zoe knap zien, of ze woort haorfien meh veural mèt spitsen humor door Raymond gepareerd.

In 1971 kraog Raymond de rol vaan zie leve wie heer op de Merret es stadsprins Raymond d’n Ierste vaan Groet-Mestreech woort oetgerope. Veer weke laank doorkruusde heer Mestreech um ’t Vastelaovendvierend volk te inspirere veur ’ne grandioze Vastelaovend en góng heer mèt de carrus navalis in eus stad veurop tijdens de drei sjoenste daog vaan ’t jaor. Nao dee sjieke en bezundere Vastelaovend woort Raymond gevraog um lid te weure vaan De Tempeleers en kraog heer bij zien installatie d’n touwpasseleke duipnaom ’t Kemediejentsje. Vaanoet zien hart belaofde heer bij zien installatie um “mèt gooje mood tot ziene lèste dröppel blood” al zien talente disponibel te stèlle veur Zienen Hoegen Hoeglöstegheid de Prins vaan Groet-Mestreech en de Mestreechter Vastelaovend. En dat heet heer gedoon. 4 x 11 jaor heet heer die belofte vaan toen op ’n sjieke en inspirerende meneer in versjèllende functies inhaajd gegeve. Zoe waor Raymond jaorelaank veurzitter vaan de kemissie Binnegebäöre, de kemissie die o.a. verantwoordelek waor veur de organisatie vaan de groete zittinge in d’n awwe Staarzaol aon ’t Veldekeplein. Ouch woort Raymond gevraog um lid te weure vaan de Kanselarijraod, de kemissie die ziech occupeert mèt ’t protocol. De mies importante verdeenste vaan Raymond veur de Mestreechter Vastelaovend is ’t Zate Hermeniekes-concours, dat heer, same mèt Math van Lijf zaoleger, heet geïnitieerd en jaorelaank mèt ziene bekinden humor op ’nen aofgelaoje Vriethof heet geprizzenteerd. Door ziene groeten inzat veur al dees zake en nog väöl aandere die hei neet geneump zien, en die door de stad Mestreech en de Keuningin gehonoreerd woorte, waor Raymond neet allein ’ne verdeensteleke en gerespecteerde börger, meh bovenal ’t levend gewore devies vaan de Aw Momussosjeteit “Plezeer & Sjariteit”.

De lèste maonde vaan zie leve waore zwoer. Heer misde Truus, de vrouw boemèt heer mie es viefteg jaor in leefde waor verboonde en zoeväöl sjoen en plezerege mominte had beleef. Raymond, veur die riek leve zègke veer vaanaof dees plaots bedaank! Totste vaanaof noe daobove mèt Truus veur ieweg gelökkeg maags zien.


32


Frans Leltz

✝ 19 miert 2015

Op 19 miert 2015 bereikde us ’t tristeg beriech tot euzen ambassadeur in Braobant en Börgermètwèrker Frans Leltz toch nog vrij plotseling is euverlije.Ruim e jaor naotot heer vaan zien Pauline aofsjeid heet mote numme, heet Frans us verlaote.Wat heet heer nog aofgeloupe sezoen genote vaan ziene Mestreechter Vastelaovend. Oondaanks zienen hoege leeftied kaom Frans hiel dèks vaanoet Nuenen nao Mestreech um aonwezeg te zien bij versjèllende eveneminte. Frans waor zier betrokke bij De Tempeleers en de Mestreechter Vastelaovend. Frans waor vaanaof ’t begin bij de Zate Hermeniekes betrokke.Mèt zien Eindhovense vrun kaom heer eder jaor nao de Zate Hermeniekes-vergadering en leet hun hiel gruuts ervare, wie hei de Vastelaovend beleef woort. Es lid vaan de Zate Hermeniekes-jury waor heer eder jaor prominent aonwezeg in de jury op Vastelaovendsdinsdag.Sinds jaor en daag verzörgde heer op zien meneer de flesse Tempeleerswien mèt zien eige etikèt.Heer heel in ’t gans land lezinge euver fort Eben Eijmael en ’t Vijfde Sezoen. De donaties, die heer nao aofloup in zien barèt kraog, verdeilde heer oonder ’t Reuzegilde en De Tempeleers.Frans waor ’nen trouwe steunpileer, de vereiniging oondersteunend op väölderlei gebied. Heer heet veur De Tempeleers en de Mestreechter Vastelaovend väöl beteikend. Dat vaanoet zien woenplaots Nuenen, toch hiel bezunder.Veer zalle zien gemoedelekheid, gezèllegheid, enthousiasme en mèt naome belangstèlling goon misse.Frans, bedaank en adieu.

Theo Westgeest

✝ 12 mei 2015

Tijdens ein vaan z’n väöl reize is us Theo oontvalle.Theo waor vaan 1988 tot 1999 es Protecteur aon eus organisatie verboonde.Daonao is Theo nog ’n aontal jaore veurzitter gewees vaan de Stiechting Steunfoonds Tempeleers.Veur zien bijdraog aon de Mestreechter Vastelaovend en De Tempeleers zien v’r häöm väöl daank versjöldeg.Gere hadde v’r Theo nog hiel get jaore in eus midde wèlle höbbe meh Slivvenhier heet aanders beslis.

Ans Brennert-Delvoux

✝ 16 juli 2015

Wie ’nen donderslaag bij helderen hiemel bereikde us ’t beriech tot Ans, de steun en touwverlaot vaan euze Prinseleke chauffeur Nico Brennert, getroffe waor door ’nen hartstèlstand.Reanimatie en intensief verzörging in ’t hospitaol heet neet kinne veurkoume tot Ans op 16 juli 2015 dit eerds leve heet mote loslaote.Häör levensblijheid en goojegheid straolde vaan häör aof. Neet

allein waor Ans jaorelaank actief in d’n horecawereld, ouch zörgde ze altied deveur tot häöre Nico op tied en good verzörg op z’n aofspraoke kós versjijne, of dat noe waor veur e konzèr mèt de Mastreechter Staar of es chauffeur vaan de Stadsprins. Gere hadde v’r Ans nog hiel get jaore in eus midde wèlle höbbe. Slivvenhier heet jaomer genóg aanders beslis. V’r zalle Ans zeker goon misse.


33


Jef Froyen

Twain Vermin

✝ 15 september 2015

✝ 10 oktober 2015

Twie maond trök bereikde us ‘t tristeg beriech tot Jef Froyen inins waor euverlije op 67-jaorege leeftied.Jef waor Börgermètwèrker en lid vaan de Kemissie Technischen Deens vaan De Tempeleers, de kemissie die alle lokaties seert boe De Tempeleers hun eveneminte hawwe. Jef heet tot zie pensioen gewèrk bij de brandweer vaan Mestreech en heet nao zie pensioen e projek

opgezat um de brandweer in Sintang-Borneo te oondersteune.Daoneve waor Jef actief bij de technischen deens vaan ’t Preuvenemint. Jef heet ziech zier verdeenstelek gemaak binne de organisatie vaan de Mestreechter Vastelaovend en De Tempeleers. Heer waor dao zier betrokke bij en waor gruuts tot heer dao zien bijdraog aon heet kinne lievere.

Jef, merci en adieu.

Op zaoterdag 10 Oktober bereikde us ‘t tristeg beriech tot Twain Vermin is gestorve op 69-jaorege leeftied. Twain waor Börgermètwèrker en lid vaan de Kemissie Boetegebäöre vaan De Tempeleers.

Sinds 1967 waor heer actief es Börgermètwerker bij De Tempeleers. Heer heet mètgewèrk aon diverse Prinse- en oetroopwagele. Ouch zien d’r diverse póppe en polyester maskes mèt häöm gemaak. Mèt zienen technischen achtergroond heet heer hiel väöl zakes veur us geregeld en gedoon. Mèt dee kinnes heet heer ouch väöl zakes gedoon in ’t maggezijn. Tijdens de optochte waor heer ouch verantwoordelek veur de logistiek. De lèste jaore bleef heer de chauffeurs regele veur de prinse- en oetroopwagele. Daoneve waor heer sinds jaor en daag jurylid vaan ’t ZHK. Twain waor ‘ne mins dee wel ‘ns kós “gromele of moppere”, meh heer waor altied dao. Veer gaon häöm misse.

Twain, ‘ne Groete Merci en adieu.


34


De TempeleersBesjermhierDhr. Onno HoesBörgemeister vaan Mestreech, tot 1 juli 2015

BesjermvrouwMevr. Annemarie Penn – te Strake Börgemeister vaan Mestreech, vaanaof 1 juli 2015

Iere-BesjermhierMr. Philip Houben,Aajd-Börgemeister vaan Mestreech

Iere-TempeleerFuns Wolfs

Protecteursraoddhr. O. Hoes, vz. tot 1 juli mevr. J.M. Penn – te Strake vz vaanaof 1 juli drs. L. Brans Brabant, vice-veurzitterdrs. M.A.W. Cootjansmevr. M.L.H. Depondt-Oliversdhr. P. Doverendhr. G. Gach drs. G. Janssendr. ir. J.G.M. de Jongmr. E.Q.F. Klompdrs. B.J.P. Moldhr. M.M.J. Mourmansdhr. H. v.d. PalProf. Dr. L. Soetemr. E. de Vries

BestuurHenk de Jong, PrizzedentJohn Zeguers, Vice-Prizzedent Marcel Franssen, Kretser Théon Kennis, Habsjaar

Roland Dear, vz. Kanselarijraod Henri Janssen, vz. Binnegebäöre Guy Bannier, vz. P.R.-kemissie tot mei 2015

Paul Joosten, vz. P.R.-kemissie vaanaof mei 2015

Maurice van Engelshoven, vz. Boetegebäöre tot mei Han van Trier, vz. Boetegebäöre vaanaof mei 2015

Frans de Rouw, vz. Financieel Kemissie LedeGuy Bannier, OetbelderBert BeenkensJos Detisch Rob DohmenMaurice van EngelshovenPol FeronWielie Fey

Wim FischerNorbert Frijns, SirremoniemeisterJos GordijnHan HoogmaJan JanssenFrits Jongen, medaaljesjatbewaorderRichard Jongen, Marchal FunkeleerNico Kempeners, Sikkertaris-GinneraolWillem KroonEric LambertiWilly Massot Victor Salentijn Pie Steffens Oscar Vandeberg, veurzitter Kachelpiepers Robert de VreePaul Vermin tot juni 2015

Willy Verweij tot december 2014

Patrick van de WeijerRaymond Willems + 12 fibb. 2015

De Organisatie

Kemissie BoetegebäöreMaurice van Engelshoven, vz. tot mei 2015

Han van Trier, veurzitter vaanaof mei 2015

Daniëlle Bollen-BerghmansJos DetischPol FeronHan HoogmaFrans-Jozef JansenFrans Leltz + 19 miert 2015

Jean RossellTwain Vermin + 10 oktober 2015

MaggezijnPol Feron, directeurPierre Dassen, beheerderNico BorgignonsHarrie CrapelsPedro DassenRoger HameleersTon van HoofJean LenaertsCharles WalthieKim Willems

Kretserij/ArsjiefMarcel Franssen, kretserNico KempenersJopie FranssenArmand Peereboom

(situ

atie

vaa

n 11

nov

. 20

14 to

t 11

nov.

20

15)


35


De TrèkkersPeter Hendrikx, veurzitter Raymond BrandsRalf CaenenHennie CoenenVincent CoomansJos DetischGuido van DijckYves FrissenRemy Frints tot miert 2015

Peter GenseHarrie GulikersBert HabetsHerman Kersten tot miert 2015

Maurice KertzmanServé Meerten, Jack van der MeulenJohn MunnichsHans v.d. PlasFrançois PletsersMarcel RassinRalph SchrijnemakersEd Strijp + 7 aprèl 2015

Peter StroesWinnie VrijensJohn WagemansMarcel Zeegers

KanselarijraodRoland Dear, veurzitter Norbert Frijns, SirremoniemeisterJan Janssen, raodshierFrits Jongen, MedaaljelesjatbewaorderNico Kempeners, Sikkertaris-Ginneraol John Zeguers, vice-Prizzedent

Nico Brennert, chauffeur PrinsJo Godding, chauffeur TempeleersGuill Wijnands, chauffeur Tempeleers

’t Garde-Rizzjemint de Kachelpiepers

Kemissie BinnegebäöreHenri Janssen, veurzitter Rick van der AarGuido BaartscheerMarion de BontIris CastroRonald DaemsFabienne Delnoy-Duchateau, tot juli 2015

Rob DohmenRik van EngelshovenNoël FabryJasmijn FischerJef FroijenUrsula GarnierEvan GeraedsJos GordijnJohn HaseleersLoes HermannsGuido JanssenRoel JanssenCharles de JongHenk de JongWillem KroonRens LasoeTiny LasoeLudo Mesters, tot september 2015

Patrick MuijtjensSusanne Muijtjens-LoontjensLambert NafzgerMichel en Juliette Nafzger


36


Mieke van der Nat-KurrisRoger NiëlJef PersoonMarcel SpiertsHuub StevensEd Strijp + 7 aprèl 2015

Peter StroesKenneth TanSjarel UbachsVincent VanderbroeckFrank Verhees Henk Weerts + 26 fibberwarie 2015

Patrick van de WeijerChris van Wunnik

P.R.-KemissieGuy Bannier, veurzitter tot mei 2015 Paul Joosten, veurzitter vaanaof mei 2015

Guy Bannier, OetbelderIwan BruijnzeelsMaurice CoenenHans Hollanders, fotograafHan HoogmaFernand Paulissen, tot aug. 2015

Armand Peereboom Luc Reinards Victor Salentijn Benedict Persoon,vaanaof aprèl 2015

Carlo Schrijnemakers, vaanaof sept. 2015

Robert de Vree

Financieel KemissieActies & eveneminte:Frans de Rouw, veurzitter Richard Jongen Eric LambertiOscar VandebergHenri HochstenbagFrits Jongen Sabine de WinCommercieel:Frans de Rouw, veurzitterRichard Jongen, vice-veurzitterEric LambertiOscar VandebergFrits Jongen Wielie FeyHenri HochstenbagImgriet Habets Emile MeuwissenTon SchoenmaeckersGerard Slakhorst, TrósjerEdwin BruynzeelsYves MullendersGuido QuadenEugène VingerhoedsElfie BergmansFuns Wolfs


37


Perfesser Pierre Cnoops heet op 9 oktober 2015 tijdens d’n traditionelen Hierenaovend veur De Tempeleers en de Protecteurs vaan de Mestreechter Vastelaovend de volgende importante kwestie

geannonceerd en geëxpliceerd:

” D’N HUMOR LIGK VEUR ’T OPRAPE” Door ziene wetensjappelek en humoristisch gemarineerde oratio, boemèt d’n decorandus us haorfien heet weite te verdutse wie ’t meugelek is um joonk en aajd, zoe wie erm en riek, mèt d’n humor vaan

de betrèkkelekheid um eige gewiechtegheid te laote lache,

heet de Raod vaan Kommissie beslote um Perfesser Pierre Cnoops op te numme in de Pegasusorde vaan De Tempeleers.


38


EpiloogDe samestèllers vaan dit jaorverslaag höbbe geperbeerd um ouch dit kier weer ’n sjoen weergaof te geve vaan aofgeloupe sezoen. Netuurlek zalle veer get vergete zien en zien d’r eveneminte get wieneg beliech, meh al besjrieve kós neet. Veer hope tot geer toch ’ne sjoene kiek höb gekrege op aofgeloupe jaor.Veer daanke alle lui die mètgewèrk höbbe aon dit verslaag en hunnen inbring gegeve höbbe. Veer daanke Stadsprins Odin I veur zienen inbring en beleving vaan zie Prinsejaor.Veer stoon weer aon de veuraovend vaan e nui sezoen. De marketing-wèrkgróp heet mèt versjèllende instanties en gróppe euverlègk gehad um same, verbindend, te kieke wie de beleving en de organisatie vaan de Mestreechter Vastelaovend kint veurtleve. Vastelaovend vierste jummers same, same mèt ’t Volk vaan Mestreech, mèt alle vastelaovendsvierders, mèt de hermeniekes, de kare, mèt wederzijds respec en passend in dezen tied, mèt behaajd vaan de tradities. Want de Vastelaovend zal altied blieve bestoon, dao goon veer ouch veur.

Veer daanke veur hun mètwèrking aofgeloupe jaor:

• De Enci veur hun financiële bijdrage aon dit jaorverslaag• B & W en de Gemeinteraod vaan Mestreech• d’n Deens Stadsbeheer en facilitair zake• Brandweer• GGD• alle Börgermètwèrkers in de versjèllende kemissies, zoonder hun kinne veer ech neet• ederein dee door ziene/häöre financiële steun de rangatie vaan de Vastelaovend meugelek maakde

Meh mèt naome bedaanke veer hiel gruuts

’t Volk vaan Mestreech


39


info

@te

mpe

leer

s.nl

/ w

ww

.tem

pele

ers.

nl

Colofon:Oetgaof Stiechting De Tempeleers, Posbös 2424, 6201 EA MestreechSamestèlling Tempeleers Guy Bannier, Nico Kempeners en Victor SalentijnBörgermètwèrkers Iwan Bruijnzeels en Hans HollandersBewèrk door Louis van den BongaertFoto’s Hans HollandersOplaog 400 stöksDrök Drökkerij Cortjens en bewèrking/DTP: Lieve Stiers

Plezeer & SjariteitJaarverslag Tempeleers-2015-DEF.indd 40 01-11-15 13:06

Sjariteit Plezeer - Tempeleers€¦ · Iwan Bruijnzeels Hans Hollanders Louis van den Bongaert...

Documents

Transcript of Sjariteit Plezeer - Tempeleers€¦ · Iwan Bruijnzeels Hans Hollanders Louis van den Bongaert...