iscriziuns online sön · 2018. 2. 26. · Proiec aZIuns sInGoLes 8. 4 Sorvisc ai Jogn Val Badia...

I.P.

iscriziuns online sön www.proiec.org dai 5.3.2018

Indesc

Impressum

editur: Sorvisc ai Jogn Val Badia – pres. Nadja Alfreiderredaziun:Valentin Erlacher, Verena Obojes, Manuela Ploner, Christiane NeunhäusererLetorat: Pablo PalfraderGrafica y layout: www.schtail.comstamparia: Pentagon OHG

sorvIsc aI JoGn vaL BadIaStr. Picolin, 2239030 San Martin de Tor

0474 523 070

[email protected]

Cod. fisc: 92004490212

orar da d’invernlönesc - jöbia8:00 - 12:00 13:00 -17:00

orar da d’isté (fora dal tëmp de scora)lönesc - jöbia8:00 - 12:00

www.jogn.org

L’ofize restará stlüt dai 2 ai 6 d’aurí y dai 13 ai 17 d’agost 2018

Zënter dLa JonëZa y dLa cuLtura saJ.unStr. Colz, 75 Ciasa dla Cultura39030 La Ila

0471 188 [email protected]

orar da d’invernmercui, 13:30 - 20:00vëndres, 15:00 - 22:00sabeda, 17:00 - 23:00

orar da d’isté (fora dal tëmp de scora)mercui, 17:00 - 21:00vëndres, 17:00 - 22:00sabeda, 17:00 - 23:00

un

sorvIsc aI JoGn vaL BadIa 4

InformaZIuns 6

Isté deBorIada (1° - 4° elementara) 13

cooL summer (5° elementara - 2° mesana) 16

my summer (3° mesana - 2° alta) 34

JaBa dai 13 ai 19 agn 42

Proiec

aZIuns sInGoLes 8

4

Sorvisc ai Jogn Val BadiaLe Sorvisc ai Jogn Val Badia é dal 1985 incá na istituziun por le sostëgn sussidiar ales porsones, ai grups, ales uniuns, ales assoziaziuns y istituziuns che se dá jö cun le laur por y cun la jonëza de nosta valada. Dlungia chësc operëiel sciöche rapresentanza di interesc dla sozieté y dla politica y sciöche interlocutur por les ghiranzes di mituns y di jogn.

Dal 2016 incá gestësc le Sorvisc ai Jogn Val Badia ince le Zënter dla jonëza y dla cultura “saJ.un” che é da ciafé tla Ciasa dla Cultura a La Ila. Chësc é partí sö te trëi pert: le gran salf d’incuntada y manifestaziuns, le local “boulder” y n local por bands da fá proes.

Raiun de laurDl raiun de laur dl Sorvisc ai Jogn Val Badia fej pert i cin’ comuns dla Val Badia: Corvara, Badia, La Val, San Martin y Mareo, sciöche ince les Ploanies da Corvara, Calfosch, San Ciascian, La Ila, Badia, La Val, Rina, San Martin, Antermëia, Lungiarü, Al Plan y La Pli.Te chësc raiun ciara le Sorvisc ai Jogn Val Badia da ti jí adincuntra ai debojëgns y dejiders dla jonëza, cun l’aiüt de tröc volontars.

educadëssa

ManuelaPloner

educadëssa

VerenaObojes

educadëssa

ChristianeNeunhäuserer

coordinadú

ValentinErlacher

Nadja Alfreider presidënta

Paul Pischingvizepresidënt

Barbara Tolpeitaconsiadëssa

Carolin Pitscheideraconasiadëssa

Dennis Schanungaconsiadú

Terence Mischíaconsiadú

Nadine Miribungaconsiadëssa

Elias Aichneraconsiadú

Karlheinz Rubatschervolontar

Consëi

5

Por nüsc mituns y nosta jonëza...• laurunse fora y coordinun proiec y ativités;• acompagnunse y sostignun i volontars y i moltiplicadus fora por i paisc te vigni

comun;• sostignunse y daidun impara tla creaziun de grups nüs; • organisunse incuntades y coordinun la rëi che reverda le laur por y cun la jonëza;• coordinunse proiec y manifestaziuns spezifiches che i reverda; • se dunse da fá por n laur de publizité;• dunse consëis pro domandes burocratiches y iuridiches; • sunse de sorvisc sciöche mediadú por problems desvalis; • metunse a jí proiec de prevenziun tles scores; • metunse a desposiziun de vigni sort de material informatif y injins;

N valgünes de nostes ofertes é:• sorvisc d’imprëst de material de documentaziun, de jüc, injins por organisé mani-

festaziuns, sciöche ince de n pulmin y cotan d’ater;• acompagnamënt, educaziun y sostëgn di rapresentanc dles 47 uniuns mëmbres

che laora fora por i paisc;• organisaziun autonoma o en colaboraziun cun d’atres istituziuns de proiec sciöche

“Isté deboriada”, “Cool summer”, “My summer”, “Laur davert por la jonëza”, “JABA”, “Festival dla jonëza dles valades ladines”, “Edema di jogn” y cotan d’atri;

• organisaziun de cursc de formaziun o manifestaziuns sciöche le “Curs de preparazi-un al maridé” o la “Festa dla majera eté”;

• colaboraziun cun uniuns di mituns y jogn te deplü aziuns de benefiziënza, sciöche p.ej. “calëndri d’Advënt dla SKJ”, “aziun di Trëi Resc”;

• pröma consulënza por temesc che reverda la jonëza;

Team

SaJ Val BadiaSaJ Val Badia

6

Informaziuns

LetöraPor scemplifiché la letöra dla brosciüra vëgnel ma adoré la forma maschila.

IscriziunsL’iscriziun a un di programs por les vacanzes da d’isté organisá dal Sorvisc ai Jogn Val Ba-dia pó ma gní fata online sön le sit www.proiec.org.Sce valgügn adora aiüt por scrí fora le formular online, pól passé te ofize dl Sorvisc ai Jogn Val Badia a Picolin tratan i orars d’ofize, dai 5 de merz 2018 inant.

pröma fasa dles iscriziunsDales 00:00 di 5 de merz 2018 ales 24:00 di 11 de merz 2018. Te chësc tëmp mëssel gní arjunt le numer minim de partezipanc, scenó vëgn l’ativité spostada o desdita. Sce l’ativité ess da gní desdita, gnarál retü la soma paiada ite.

OCIO: Pro i proiec “Isté deboriada”, “Cool summer” y “My summer” él te chësta fasa ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 12-13 de merz 2018.

secunda fasa dles iscriziunsLes iscriziuns ai proiec pó gní fates anter la jöbia dl’edema dan le scomenciamënt dl’ativi-té, tan inant che al é lerch, adinfora de chës ativités olache al é dé dant atramënter.

mituns cun debojëgns particolars Por mioré l’integraziun di mituns cun debojëgns particolars, gnarál metü a desposiziun n animadú implü tl grup. Por podëi assiguré n bun acom-pagnamënt, periunse i geniturs di mituns cun debojëgns particolars da i scrí ite cina ai 11.03.18. Sce l’iscriziun vëgn fata do chësta data, ne pó l’acompagnamënt individual nia plü gní garantí.

numer limité de partezipancPor motifs de organisaziun, vëgnel dé dant n numer minim y mascim de partezipanc, in-diché pro vigni proiet. Les iscriziuns é por motifs de organisaziun obliëntes y ares ne pó nia gní modificades.

contribut d’iscriziunDo avëi fat l’iscriziun sön la plata internet www.proiec.org vëgnel mené, sön la misciun e-mail dada dant, le cunt cun i dac por le paiamënt.

IMPORTANT: por les iscriziuns fates tla pröma fasa (dai 5 ai 11 de merz 2018), gnará le cunt mené ai 12-13 de merz 2018.Tratan chisc dui dis ne sarál nia la poscibilité da fá na iscriziun. Le paiamënt mëss gní fat anter 3 dis de calënder do la data dl cunt, scenó vëgn chësc anulé. Sce le paiamënt vëgn fat regolarmënter y la prenotaziun é definitiva, vëgnel mené na e-mail de conferma.

cunt bancarLe paiamënt pó ma gní fat sön nosc cunt dla CASSA RAIFFEISEN, don dant la motivaziun indicada sön le cunt!

Sorvisc ai Jogn Val BadiaCassa Raiffeisen Val Badia - Filiala da San Martin de Tor

IBAN: IT 22 F 08010 58830 000304010353

Lista d’aspetaSce al é pro n program bele gnü arjunt le numer mascim de partezipanc, él la poscibilité da se lascé mëte sön na lista d’aspeta. Sce n partezipant ess da tomé fora, ti gnarál comuniché al pröm dla lista d’aspeta y chësc pó regolarisé l’iscriziun, fajon le paiamënt.

anulé le program y stornoDo che l’iscriziun é gnüda fata y le contribut é gnü paié ite, n’él por rajuns de organisaziun nia plü meso da anulé l’iscriziun o da ciafé zoruch le contribut de partezipaziun. Ma tl caje de maratia gnará le contribut de partezipaziun retü deplëgn, tan inant che al vëgn pre-senté n zertificat dl dotur.

privacyCun l’iscriziun vëgnel conzedü le consëns al tratamënt di dac personai tla cornisc dla ge-stiun di programs, a öna cun les normes varëntes sön la proteziun di dac, aladô dles LD 196/2003, plü avisa dl art. 13.

assiguraziunTratan la desfirada di programs é i mituns assigurá por responsabilité zivila, dit plü avisa por danns cuntra terc (Haftpflichtversicherung) cina a n import de € 5.000.000. Al n’é nia preodü na assiguraziun sce zacai se fej me (Unfallversicherung). Sce Os Ves dejidrasses chësta assiguraziun, Ves periunse da la stlü jö privatamënter.

7

SaJ Val BadiaSaJ Val Badia

Aziuns singoles

Les schires joniles y i ministranc dla Val Badia, en colaboraziun cun le Sorvisc ai Jogn, organisëia ince chësc ann indô les staziuns da San Linert a Oies. Mituns y mitans á insciö l’ocajun da s’incunté tratan la Carsëma por conësce deboriada la pasciun de Gejú. Canche i rovun a Oies, podunse düc tó pert ala santa mëssa dales 16:00. Dedô sarál ciamó la poscibilité da sté n pü’ adöm pro n pice renfrësch.

data: merz (al gnará ciamó lascé alsavëi la data avisa)orar: 14:45post d’incuntada: Calonia de Badiapor che: por mituns y mitans dla Schira Jonila y di ministranc, por grups de crejimanc y grups de comunicanc, por familiars, parënc y amisc y por düc i interessácost: debann

Al n’ó ester degöna prenotaziun

Prozesciun a Oies - Staziuns Consulënza tl marcé y tl monn dl laurAzIUNS SINGOLES

Ince chësta aisciöda ti pitunse a düc i jogn dla valada na consulënza sön le mar-cé y le monn dl laur tla Val Badia cun Giorgio Costabiei da San Martin, che laora tl Ofize dl Laur a Bornech.

Le consulënt é espert te chësc ciamp y dará consëis sön düc i temesc che rever-da le monn dl laur: poscibilités de posć de laur tla Val Badia por stüdenc, formes de paiamënt, informaziuns importantes por lauré o fá practicums, candidatöres, formes de assiguraziuns y i.i.

An podará baié singolarmënter cun le consulënt.

data: mercui, ai 28 de merzorar: dales 16:00 ales 18:00post: sënta dl Sorvisc ai Jogn Val Badia a Picolinpor che: jogn y/o geniturscost: debann

Al n’ó ester degöna prenotaziun

98

www.proiec.orgwww.proiec.org

En colaboraziun cun le Sorvisc por le Lingaz Ladin dl Departimënt Educaziun y Cultura

Sciöche al vëgn bele organisé oramai da de plü agn, insciö vëgnel ince por le 2018 indô pité n curs por s’arjigné ca al ejam de trilinguism. Te chësta edema fajarunse de plü eserzizi por imparé da scrí y da baié bun le ladin dla Val Badia. Dlungia la gramatica y la ortografia, ciarunse ince da imparé de beles parores che nes conzedes da baié y da scrí n bel ladin nët. Sce t’as porchël la intenziun da fá l’ejam de trilinguism, ciafaraste te chësc curs de bones poscibilités da t’arjigné ca.

Important: L’iscriziun al ejam de trilinguism ABCD a Balsan mëss gní fata da vigni partezipant instës, sön la plata internet: http://www.provinz.bz.it/bildung-sprache/zweisprachigkeit/I aconsiun da se scrí ite adora assá, deache le tëmp de aspeta é de n valgügn mëisc.

data: dal lönesc, 20 d’agost al vëndres, 24 d’agostorar: dales 19:00 ales 21:00post: biblioteca dla direziun dles scolines a Picolin (alzada sotletët) por che: jogn y interessá dai 16 agn insö cost: 20,00€tl prisc laite: curs y material de laurreferënta: Daria Valentinpartezipanc: max. 20Iscriziuns: te Sorvisc ai Jogn, cina en jöbia ai 9 de agost 2018

AzIUNS SINGOLES

S’arjigné ca indortöra al ejam de trilinguism

AzIUNS SINGOLES

Do le suzes dai ultimi dui agn mëtunse ince eniann endo a jí n musical por mituns. Tratan n workshop de cater edemes d’isté, podaraste ciaré ite tl monn dl musical y aras la poscibilité da te dé jö cun la musiga y le teater, da pastlené costüms y da sintí le potenzial dl „teamwork“.

Cianteste y baleste ion? Te savessel bel da jobelné y studié ite n toch de teater y musiga te deplü lingac adöm a d’atri mituns? Spo s’inconfortunse a tüa iscrizi-un!

data: dai 23 de messé ai 19 d’agostorar: proes dal lönesc al vëndres, dales 9:00 ales 17:00. I orars gnará comuniches püch denant che le proiet mëtes man. Canche les proes döra döt le dé, gnaral fistidié por na marena cialda. Val dis ará i mituns mez le dé lëde. raprejentaziuns: ai 17, 18 y 19 d‘agost 2018post: Al Planpor che: mituns dla 4. elementara cina ala 3. mesana. Tal cajo de deplü iscriziuns vëgnel fat na seleziun tratan le casting ai 10 de merz 2018.partezipanc: 25cost: 150€ a partezipantreferëntes: Stefanie Kaneider (organisaziun y coordinaziun dl proiet), Sofia Pi-sching (direziun musicala), Barbara Comploi (rejia y coreografia), Maria Frenner (costüms y grafica), Nadia Gerstl (assistënza y grafica)casting: sabeda, ai 10 de merz 2018. L‘orar gnará comuniché püch denant.

Musical da mitunstermo d’iscriziun: jöbia, ai 8.3.2018

1110

MUSICAL DA MITUNS


Aziuns singoles

Gardaland by night: l’ativité che á oramai ciafé tradiziun! Vigni ann indô, ai pröms de setëmber, junse düc adöm a vijité le plü gran parch de devertimënt dla Talia, y chël ciamó da sëra. Munts rusces, ega y chino 3D é ma n valgünes atraziuns che t’aspetará. Al iade tolará pert n gröm de jogn olache la hez sará garantida: na sëra che te restará ciamó dî imënt.

IMPORTANT: Tl parch podará i partezipanc se devertí autonomamënter cun sü compagns.

data: sabeda al 1. de setëmberpor che: jogn dla scora mesana y alta cost: 40,00€ (16 bonns JABA)tl prisc laite: iade y entrada al parch de devertimëntacompagnadus: animadus dl Sorvisc ai Jogn Val Badiapartezipanc: max. 80Informaziuns y program: gnará mená fora plü inant por e-mail

Gardaland by night

ORAR BUS

13:30

CAlf

OsCh

Luian

ta y C

assa

Raiffe

isen

13:35

CORv

ARA

Spor

t Kos

tner

13:40

lA Il

A

Hotel

Ladin

ia

13:45

PedR

ACes

Ciasa

de Co

mun

13:55

PIdRô

Hotel

Posta

14:05

sAN M

ARTIN

de TO

R

Incru

jada

14:15

lONg

egA

Bastl

I piun zoruch da Gardaland sö ales 23:00, por rové a Calfosch incër les 2:45 za.

Por mioré la cualité dl proiet y por podëi ti jí plü adincuntra ales nezes-cités di mituns de nosta valada, unse tut la dezijiun da adaté le grup de travert.Da chësc ann inant, se referësc porchël l’isté deboriada a düc i mituns che á frecuenté tl ann de scora 2017/2018 dala 1. ala 4. classa dla scora elementara.

Tratan l’isté pó i mituns tó pert a edemes plënes de aventöra y dever-timënt en compagnia. Ai gnará acompagná da personal pedagogich is-truí y cun esperiënza. Tles edemes de proiet ará i mituns la poscibilité da imparé y esperimenté cosses nöies. Al ti vëgn pité de vigni sort de ativités de tëmp lëde sciöche por ejëmpl cujiné, pastelné y de vigni sort de jüc, mo ince jites foradecá, olache ai pó vijité parcs d’aventöra, museums y jí te nodadoia. Al ne pó sambëgn nia mancé les esperiënzes tla natöra, olache i mituns pó se devertí y ti lascé lerch a süa creativité.

Important: Pro le proiet “Isté deboriada” él tla pröma fasa (dai 5 ai 11 de merz 2018) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le parte-zipant te n pröm momënt sön la lista d’aspeta y ciafará na conferma, tan inant che al é lerch, ai 12-13 de merz 2018

Isté deboriadaDala 1° classa ala 4° classa scora elementara

cun le sostëgn pedagogich

12 1313


ISTÉ DEBORIADA

L’Isté deboriada ne pó nia se stlü jö zënza la “Nöt en tënda”. Te podaras descurí la magia de chësta nöt, olache al t’aspetará n gröm de jüc, liëndes y ciamó tröp deplü incër le füch da ciamp ia. La nöt passarunse adöm te nostes tëndes, te n sach da dormí bun cialt, cina che le lové dl sorëdl nes descedará.

Tol ince tö pert a chësta nöt magica y lascete incanté.

orar: vëndres dales 19:00 cina ala sabeda dales 11:00. post: Tamersc a Al Plan (cuntra Pederü). Sce al ess da ester bur’ tëmp, gnará l’ativité fata tl zënter dla Jonëza y dla Cultura SaJ.un a La Ila. trasport: por le trasport mëss vignun fistidié instës.Important: la “Nöt en tënda” é ma por i mituns che á tut pert al Isté deboriada y ne fej nia pert dla 6. edema. Ara mëss porchël gní prenotada a pert.tl prisc laite: l’acompagnamënt da pert di animadus, le sté suranöt, ativités, cëna y gosté.Informaziuns y program: gnará mená fora plü inant por e-mailpartezipanc: min. 20; max. 80cost: 15,00 €

Nöt en tenda

I Ede

ma

09.07

- 13.0

7

13.08

- 17.0

8

16.07

- 20.0

7

23.07

- 27.0

7

30.07

- 03.0

8

06.08

- 10.0

8

Calfosch

Corvara

La Ila

S. Ciascian

Badia

La Val

S. Martin

Lungiarü

Antermëia

Rina

Al Plan

La Pli

II Ede

ma

III Ed

ema

IV Ed

ema

V Ed

ema

VI Ed

ema

orar: dal lönesc al vëndres dales 9.00 ales 16.00 (sce al vëgn fat jites, pól ester mudaziuns de orar!)tl prisc laite: L’acompagnamënt da pert di animadus, les ativités, les entrades, le trasport dal punt d’incuntada y le mangé.partecipanc: min. 10; max. 16cost dala 1.-5. edema: 60,00 €cost por la 6. edema: 50,00 €

Sce al ne vëgn anter i 11.03.2018 nia arjunt le numer minim de 10 partezipanc te n grup, gnará l’edema te chël paisc tuta demez!

Edemes de proiet

euro60

1. - 5. ede ma

min p.10

max p.16

infop.6

euro506. edem a

Vë, 17.8.18 – Sa, 18.8.18

euro15

min p.20

max p.80

infop.6

151514


Cool Summer

min p.10

max p.12

infop.6

euro70

Edema 1: Lö, 25.6.18 – Vë, 29.6.18

Un di cursc plü conesciüs te nosc proiet é sigü le curs da cujiné. Bele da de plü agn á tröc jogn podü porvé fora y esperimenté sü savëis te ciasdafüch. Tratan chësta edema impararaste da cujiné spëises scëmples da vignidé che te podaras ince tó ca te de plü ocajiuns. Al n’ó nia ester n gran savëi, mo tüa pasciun y ligrëza te daidará da trasformé les rezetes te na spezi-alité. Deboriada cujinarunse val’ pice antipast y de vigni sort de pastes y rijoti.

Al ne manciará gnanca rezetes por cern y duciaries. Bëgngnüs é sam-bëgn düc i jogn, sides chi che á bele n iade tut pert al curs, che ince i nüs. A vigni moda podaraste imparé val’ de nü lapró.

orar: dal lönesc al vëndres, dales 8:50 ales 12:10post: ciasadafüch dla scora/mensa da San Martin de Torreferënta: Loise Verginertl prisc laite: curs, ciaz y ciapel da cogo, produc y marënapartezipanc: min. 10; max. 12cost: 70,00€

Mmmmhmm, ci gola!

Le Sorvisc ai Jogn á por iniann d’isté deplü novités da ves presenté: pro chëstes toca ince chëra dl Cool summer. Deache i un odü che la desfarënzia d’eté y i interesc di jogn pó ester dër gragn, unse tut la de-zijiun da partí sö les classes atramënter. Chësta dezijiun unse ince tut por un de nüsc fins prinzipai tratan i proiec da d’isté: che i jogn se stais saurí tl grup y che ai se sintes tüc sö bun cun sü debojëgns.

Le proiet Cool summer pîta chësc isté indô tröpes edemes de aurela cörta, action y relax. Tres la varieté dl program ciafa i jogn la poscibi-lité da baraté jö danter edemes de cursc y de aventöra, olache al ne mancierá nia creativité, movimënt y devertimënt. Se sté saurí tl grup, olache vignun ciafa süa lerch, respet y azetanza, é punc zentrai de nosc laur cun i jogn.

Tratan les edemes de proiet vëgn i partezipanc acompagná da perso-nal pedagogich istruí y cun esperiënza te chësc ciamp, o da n referënt.Por ti jí adincuntra ales nezescités di jogn cun debojëgns particolars, gnarál fat n discurs adöm cun le jonn y sü geniturs, dan le scomenci-amënt dl proiet. Passun adöm n bel isté! Lascete entusiasmé dales beles edemes!

I orars di cursc é gnüs adatá ai orars dles corieres (SAD), a na moda che i jogn pois se sposté autonomamënter.

Important: Pro le proiet “Cool Summer” él tla pröma fasa (dai 5 ai 11 de merz 2018) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le parte-zipant te n pröm momënt sön la lista d’aspeta y ciafará na conferma, tan inant che al é lerch, ai 12-13 de merz 2018

Cool SummerDala 5° classa scora elementara ala 2° classa scora mesana

1716


Cool SummerCool Summer

euro70

min p.10

max p.12

infop.6

euro

min p.10

max p.

infop.6

15

100

Chësta é l’edema por te! I savun avisa che l’ ACTION y l’ ADRENALINA vir te te, che t’as vëia da esperimenté emoziuns nöies y che ”fun & action” é scrit gragn tl liber de tüa vita. Porchël no aspeté y scriete ite a chësta edema rica de mo-vimënt y devertimënt, mo no ma chël.

Tratan chisc dis piarunse le jore cun la zipline a Al Plan, i odarun les munts incër Plan de Corones ia dal Skyscraper jö y i jarun a s’arpizé da n lëgn al ater tl parch da arpizé a Issing. Le devertimënt cun ega ne manciará sambëgn gnanca. Chës-tes y tröpes d’atres aventöres podaraste vire tratan chësta edema. T’unse baié sö? Ví cun nos!

orar: se müda aladô dles ativitésIncuntada le 1° de: te Sorvisc ai Jogn Val Badia a Picolin dales 8:30acompagnadus: Samuel Agreiter, Sofia Castlunger y Christiane Neunhäuserertl prisc laite: acompagnamënt, trasport y ativités cun entradesInformaziuns y program: gnará mená fora plü inant por e-mailpartezipanc: min. 10; max. 15cost: 100,00 €

Edema 2B: Lö, 2.7.18 – Vë, 6.7.18Action y adrenalina

Este prinzipiant y t’oress imparé da conësce chësc sport? O aste bele albü la poscibilité da le porvé fora y t’es valgamia bun? Anfat sce prinzipiant o progredí: pro chësc curs te vëgnel insigné i pröms vari o otimisé tüa tecnica.

Bouldern é deventé ti ultims agn n sport dër aprijé y al vëgn pratiché da tres plü mituns y jogn. Al vá debojëgn de tecnica, conzentraziun, condiziun y n bun edl por ciafé fora y ester bun da superé na ruta. Cun la realisaziun dl local nü pro le zënter dla Jonëza y Cultura SaJ.un a La Ila, unse la poscibilité da te pité chësc curs. Sambëgn ne manciarál nia le devertimënt y val’ gara cuntra i aversars.

orar: dal lönesc al vëndres, dales 14:15 ales 16:45 post: local boulder – zënter dla Jonëza y Cultura SaJ.un a La Ilareferënt: Lorenz Clara tl prisc laite: entrada local y cursda se tó para: cialzá da arpizé (chi che i á - al é ince la poscibilité da s’ai impresté fora)partezipanc: min. 10; max. 12cost: 70,00 €

Edema 2A: Lö, 2.7.18 – Vë, 6.7.18Curs da arpizé (bouldern)

18 19



euro

min p.10

max p.

infop.6

euro70

min p.10

max p.12

infop.6

15

170

Te savessel bel da sté n’edema alalungia cun tü compagns te na ütia a dormí? Spo este rové tl dër post. Fá para pro nosta edema d’aventöra iten Passeier. La ütia Hahnebaum é ite insom la valada, amesa le parch natural ”Texelgruppe”. Ia por le de unse n gröm de tëmp por imparé da conësce n post nü chiló te Südtirol.

Le devertimënt ne manciará sigü nia. I un lauré fora n program de na gran va-rieté: dal jí sö por munt cina ai jüc de grup y nodé, él döt lapró. Un n de jarunse ince tl parch dl’ega Area 47 tl Ötztal, olache al t’aspetará n gröm de jüc. Por la fan y la sëi messarunse instësc fistidié, porchël adorarunse ince to aiüt te ciasada-füch. Arjignete le rucsoch y le sach da dormí y ví cun nos!

dis dl’iniziativa: dal lönesc al vëndres (4 nöts)post: Passeier/Hahnebaum | www.hahnebaum.infoacompagnadus: Samuel Agreiter, Sofia Castlunger y Verena Obojestl prisc laite: acompagnamënt, trasport, spëisa, sté suranöt y ativités cun entradesInformaziuns y program: gnará mená fora plü inant por e-mailpartezipanc: min. 10; max. 15cost: 170,00 €

Edema 3: Lö, 9.7.18 – Vë, 13.7.18N’edema te ütia

Le cajon é n stromënt nasciü tl Perú y so inom ó dí cassëta, avisa sciöche süa forma. Te chësta edema sarál vignun de nos che metará adöm so cajon y chësc podará gní personalisé sciöche al te plej a te.

Torchi, martel, piní y corusc: chisc sará n valgügn stromënc de laur che t’adora-ras. Por stlü jö l’edema, te mostrará n referënt espert te chësc ciamp ci tonalités che to stromënt á y ci bi ritms che an pó cherié impara.

Sunse bogn düc adöm da fá nasce en ritmo nö?

orar: dal lönesc al vëndres, dales 9:00 ales 12:00post: scora elementara da Badiareferënc: Lucia Erlacher y Samuel Frontulltl prisc laite: curs y materiaida se tó para: guant nia zitepartezipanc min: min. 10; max. 12cost: 70,00 €

Edema 4A: Lö, 16.7.18 – Vë, 20.7.18Let’s play music with your Cajón

20 21



euro70

min p.10

max p.12

infop.6

euro70

min p.10

max p.

infop.6

15

Iö á n some… mi some é chël da podëi me sintí por n’edema n artist. Da podëi lascé vire mies idees, da les mëte sön papier y da realisé nia ma öna, mo de plü operes d’ert. Döt chësc adöm a de plü artisć por n’edema.

Aste ince tö chësc some? Spo ví cun nos y tolete para tüa fantasia! Tratan chëst’edema aste la poscibilité da lauré y modelé l’arjila, fá schizes cun corusc y raisplais y realisé pitöres a öre o cun corusc a ega. Döt chësc te portará plü daim-pró al monn dl’ert, zënza mëte limic a tüa fantasia. Arjignete ca le cufer plëgn de idees.

orar: dal lönesc al vëndres, dales 14:00 ales 17:30post: aula tecnica, scora mesana da San Martin de Torreferënt: Samuel Agreiter tl prisc laite: curs y materiaida se tó para: guant nia zitepartezipanc: min. 10; max. 12cost: 70,00 €

Edema 4B: Lö, 16.7.18 – Vë, 20.7.18Artist por n’edema

Freeze, headspin, moonwalk….aste capí de ci ch’i baii?

Chëstes y ciamó tröpes d’atres formes de bal alda pro le stil tan conesciü: le HipHop. Cun la referënta ciafaraste la poscibilité da te lascé ite te chësc monn. Te podaras porvé fora nia ma chëstes formes de bal, mo ciamó tröpes d’atres coreografies che alda lapró.

Chisc dis te portará porchël plü pormez al monn dla musiga, y te fajará sintí sciöche n dër balarin. Ince le guant adaté porta pro al garaté de tü vari y por che tö pois te sté saurí.

Un, dui, trëi, let’s dance!

orar: dal lönesc al vëndres, dales 14:00 ales 17:30post: palestra, scora elementara da Badiareferënta: Alessia De Martin Pintertl prisc laite: curs da se tó para: guant da sté saurípartezipanc: min. 10; max. 15cost: 70,00 €

Edema 5: Lö, 23.7.18 – Vë, 27.7.18HipHop boy and HipHop girl

22 23



euro70

min p.10

max p.

infop.6

euro70

min p.10

max p.

infop.6

1420

En chësc ann poste vire tüa pasciun por la musiga diretamënter te tüa valada. Adöm ales musighes di jogn dla Val Badia él gnü organisé por te n’edema olache te pos partí chësc hobby cun d’atri jogn de tüa eté. I referënc te insignará de vigni sort tl ciamp dl jazz.

Te n grup podarëise se porvé fora y adöm lascé garaté n gröm de bi toc musicai. Sce te sones n stromënt a fle, la vidora, le cello, le clavier o la bateria y te sas da soné döes scales, aste les dërtes condiziuns por tó pert. Tüa bravöra podaras-te mostré tratan n pice conzert ala fin de chëst’edema.

Al sará na esperiënza importanta por to tru da musizist.

orar: dal lönesc al vëndres, dales 9:00 ales 12:00post: scora de musiga Al Plan de Mareoreferënc: Helga Plankensteiner, Michael Lösch y Paolo Mappatl prisc laite: curs y materiai de laurda se tó para: le stromëntpartezipanc: min. 10; max. 20cost: 70,00 €

Edema 6A: Lö, 30.7.18 – Vë, 3.8.18Edema de Jazz

Mitans, aldide! Al vëgn organisé n curs de make-up y de frisurs. Tratan chësc curs podarëise tö y tües compagnes imparé da fá de vigni sort de frisurs.

Te ciafaras n gromun de consëis sön co fá les trëces al’ultima moda y co fá i plü bi rici. Implü te gnarál ince mostré la “nail art” che é na tecnica por depënje les aundles; mo depënje é ma dit püch. Tües aundles se trasformará te de dërtes operes d’ert.

Te podaras ince porvé fora de plü sorts de make up, por ciafé fora ci corusc che passenëia miú pa te.

orar: dal lönesc al vëndres, dales 14:00 ales 17:00post: salon Estetica Melanie a Pidrôreferënta: Melanie Miribungtl prisc laite: curs y producpartezipanc: min. 10; max. 14cost: 70,00 €

Edema 6B: Lö, 30.7.18 – Vë, 3.8.18Girls power

Dienstag, 25. März 2014 10:35:54

24 25



euro

min p.10

max p.

infop.6

euro

min p.10

max p.

infop.6

15

170

16

90

Plic, plac, ploc… n’edema plëna d’ega!

Nia ma al mer, mo ince chiló incër nos ia unse tröc de bi posć y poscibilités ola-che te pos odëi l’ega y te devertí. Avisa chësc fajarunse. Rodé fora por Südtirol y chirí ega: plü ch’i nen ciafun y plü bel che al sará. I piarun ia le lönesc da doman por ji cuntra Porsenú. Dailó ne podarunse sambëgn nia lascé fora la nodadoia Acquarena. Da sëra ne manciarál spo nia l’aurela cörta. I dis dedô jarunse spo inant cuntra Balsan. Chiló vijitarunse le bel lech de Kaltern, le parch d’aventöra y d’atri bi posć. I gnarun porchël sigü bi moi derevers a ciasa, mo cun n cufer rich de de beliscimi recorc, amisc y ligrëza.

dis dl’iniziativa: dal lönesc al vëndres (4 nöts)post: Porsenú, Balsan, Kaltern y vijinanzesacompagnadus: Samuel Agreiter, Sofia Castlunger y Lucia Erlachertl prisc laite: acompagnamënt, trasport, spëisa, sté suranöt y ativités cun entradesInformaziuns y program: gnará mená fora plü inant por e-mailpartezipanc: min. 10; max. 15cost: 170,00 €

Edema 7B: Lö, 6.8.18 – Vë, 10.8.18SaJ on tour

En colaboraziun cun l’US La Ila

Jí cun la e-bike, fá jüc y partides de scuadra te palestra, jí a s’arpizé a Bornech y tl parch a Issing, soghé a hockey y fá downhill cun la roda. Döt chësc t’aspeta pro chësta edema CRAzY.

Y sciöche sce al ne bastass nia, stlujunse jö chëst’edema la sabeda, cun le iade al’Area47 fora en Ötztal, olache al t’aspeta n gröm de devertimënt y te podaras lascé fora döta l’energia che t’é ciamó restada. Sce t’as bele sëgn sintí n pü’ de adrenalina, spo ne sté plü a d’aspeté. Scriete ite y ví cun nos.

orar: l’orar se müda aladô dles ativitésIncuntada le 1° de: Palestra grana da La Ila, dales 9:30acompagnadus: Thomas Valentini y Davide Moling tl prisc laite: acompagnamënt, ativités cun entrades y imprëstInformaziuns y program: gnará mená fora plü inant por e-mailpartezipanc: min. 10; max. 16cost: 90,00€ (110,00€ por chi che n’é nia mëmbri dla US La Ila)

Edema 7A: Lö, 6.8.18 – Sa, 11.8.18Crazy sport week

110

26 27



euro70

min p.10

max p.12

infop.6

euro70

min p.10

max p.12

infop.6

Canch’i un mangé tan dassënn che al pé che nia n’ais plü lerch te nosc magun, él avisa gnü le momënt por le dessert. Sciöche i savun, á chël intres ciamó lerch.

Scriete ite a chësta edema rica de duciaries. Te podaras pesé, moscedé, rolené, cöje y decoré sciöche n dër conditur. Ince tüa fantasia é damanada, deache i nes imponsarun fora rezetes nöies che i fajarun garaté. Ala fin de vigni de nes mangi-arunse sambëgn düc deboriada ci che i un cujiné, y cun n pü’ de fortüna, ciafará ince chi da ciasa ciamó val’ da sgolosé.

orar: dal lönesc ala sabeda, dales 13:00 ales 16:00Important: en mercui ai 15 d’agost (Festa de Santa Maria dal Ciüf) ne vëgnel tigní degun curs; les ores gnará porchël fates do la sabeda, ai 18 d’agost!post: ciasadafüch dla scora/mensa da San Martin de Torreferënt: Samuel Agreitertl prisc laite: curs, ciaz y ciapel da cogo, produc y marënapartezipanc: min. 10; max. 12cost: 70,00 €

Edema 8B: Lö, 13.8.18 – Sa, 18.8.18Iö y mia conditoria

Pro n film él tröpes cosses che toca lapró: l’idea, i protagonisć, la musiga y les registraziuns. Tö podaras ester ala pert pro la produziun de n film, dal pröm cina al ultim momënt. Ci tecniches che al ó ester por tó sö scenes, co les taié pro y co abelí to video cun la musiga che te plej: chisc sará i temesc zentrai de chëst’ede-ma.

T’aras la poscibilité da odëi to proiet da plü perspetives: dan la camera desco joblere y do la camera desco regist. Por taié pro nosc video, impararunse ince da conësce n valgügn programs sön le computer. Ví y fá ince tö pert de nosc film team.

orar: dal lönesc ala sabeda, dales 9:00 ales 12:00Important: en mercui ai 15 d’agost (Festa de Santa Maria dal Ciüf) ne vëgnel tigní degun curs; les ores gnará porchël fates do la sabeda, ai 18 d’agost!post: aula computer, scora mesana d’Al Plan de Mareoreferënta: Sofia Castlungertl prisc laite: curs y materiaida se tó para: videocamera (sce an l’á)partezipanc: min. 10; max. 12cost: 70,00 €

Edema 8A: Lö, 13.8.18 – Sa, 18.8.18La Val Badia chir stëres dl chino

28 29



euro

min p.10

max p.

infop.6

euro70

min p.10

max p.12

infop.6

100

15

Este n pü’ n matorin, tireste ion salc y fejeste ion corëtes? Dailó este le dërt da gní cun nos!

L’edema i é dedicada al freestyle. Chësc é n sport dër dinamich, olache an adora coraje y coordinaziun. Le travert é da ester bogn da salté le parcour che an s’á ponsé fora denant. Corëtes tl aier, trá salc y imparé da conësce tü limic personai, sará dezisifs por afronté i ostacui.

Tres l’alenamënt sön le trampolin y eserzizi de ecuiliber, s’arjignarunse ca bun por le parcour. La preparaziun fajarunse dantadöt te palestra por jí dedô alale-ria a porvé fora nosta bravöra.

orar: dal lönesc al vëndres, dales 9:00 ales 13:00post: palestra dla scora d’Al Plan de Mareoreferënt: Lorenzo Rossitl prisc laite: curs da se tó para: gunat da sté saurípartezipanc: min. 10; max. 12cost: 70,00 €

Edema 9B: Lö, 20.8.18 – Vë, 24.8.18My style - freestyle

Let’s have fun and action together! L’isté vá bel plan a piz, porchël orunse ciamó se gode n pér de dis adöm. L’edema sará rica de ativités desvalies, olache le sport y l’adrenalina é al pröm post. La zipline d’Al Plan se damanará to coraje, sciöche ince le parch da arpizé a Issing. N de por se relassé unse sambëgn ince programé, denanche stlü jö nosta edema cun le Lasergame y na buna cëna a Raiscia.

Por descurí dötes les atres ativités che i s’un punsé fora por te, ví cun nos y lascete ite te chësta aventöra.

orar: se müda aladô dles ativitésIncuntada le 1° de: Sorvisc ai Jogn Val Badia a Picolin dales 8:30acompagnadus: Lucia Erlacher, Verena Obojes y Manuela Ploner tl prisc laite: acompagnamënt, trasport y ativités cun entradesInformaziuns y program: gnará mená fora plü inant por e-mailpartezipanc: min. 10; max. 15cost: 100,00 €

Edema 9A: Lö, 20.8.18 – Vë, 24.8.18Action week

30 31



euro70

min p.10

max p.

infop.6

euro70

min p.10

max p.12

infop.6

16

Jí cun la roda y porvé fora na sensaziun de liberté. Chësc é ci che t’aspeta te chëst’edema. Mo nia ma chësc. I pröms dis i sará dedicá ala mecanica dla roda, ala tecnica y ala segurëza. T’impararas co che an stá dërt sön roda da jí söpert y da jí jöpert y co che an lí na cherta.

Al ne pó sambëgn nia mancé na picia tour vigni de. Sciöche conclujiun jará ciamó i mius sön Plan de Corones a fá ”enduro” y i atri tal skills park Cir sö Ju. Anfat sce t’es n prinzipiant o sce t’as bele nu tüa roda. Chisc dis é ponsá por düc. Ví ince tö!

orar: dal lönesc al vëndres dales 9:00 ales 12:00 post d’incuntada: Plaza de dlijia d’Al Planreferënc: Bike school Al Plan de Mareo tl prisc laite: curs y bikepass por lift Plan de Corones o Piz de PlaiesInformaziuns y program: gnará mená fora plü inant por e-mailda se tó para: roda MTB, casco, angostara (boza) y guant da sté saurípartezipanc: min. 10; max. 16cost: 70,00 €

Edema 10A: Lö, 27.8.18 – Vë, 31.8.18Bike week

Dessigü t’aste incö bele lavé n valgügn iadi les mans cun jafa o metü crema sön le müs. T’aste bele datrai damané desche ares vëgn fates y ci che ares contëgn?Adöm porvarunse da ciafé na resposta a chëstes domandes. I fajarun instësc jafes, cremes, corusc por i slefs y tröp deplü. Sambëgn araste la poscibilité da ti lascé lerch a tüa fantasia y mëte adöm tü articui de cosmetica personalisá.

I adorarun produc naturai che te pos saurí ince ciafé a ciasa y che te impormët da amplié tüa coleziun. Por avëi de pices scincundes da tó ca, por de vigni sort de ocajiuns, ciararunse da decoré al míu nostes creaziuns.

orar: dal lönesc al vëndres, dales 9:00 ales 12:00post: zënter dla Jonëza y dla Cultura Saj.un a La Ila referënta: Sofia Castlungertl prisc laite: curs y materiaipartezipanc: min. 10; max. 12cost: 70,00 €

Edema 10B: Lö, 27.8.18 – Vë, 31.8.18Cosmetica naturala

32 33


euro

min p.

max p.

infop.6

bonns

My SuMMer

84

210

15

12

T’inconforteste bele dassënn a chësc isté? Aste mancia le cialt y le mer? T’aste ince bele ponsé fora ci che t’oress fá? Nos un na idea por te! Ví cun nos al’Isola d’Elba! Atira do che ince i ultims á stlüt jö i ejams de terza mesana, piunse ia. Al t’aspeta 7 dis plëgns de ativités, na gran hez mo ince tëmp por sté a sorëdl sön les beliscimes spones dl mer. Nostes tëndes metarunse sö tl süd dl’isola, tl Camping Lacona Pineta, che é bel söl mer; da chiló piarunse ia vigni de por n’aventöra nöia y i cujinarun ince deboriada, a na moda che chësc iade sides na dërta aventöra.

Da jites sot ega y cun le kayak, ciaré le florí dl sorëdl cina a vijité i paisc dl’Elba da sëra; le program é rich d’ativités atratives por vignun. No te perde chësc iade. Tólete para tröpa buna löna y ví cun nos!

post d’incuntada: Sorvisc ai Jogn Val Badia – Picolintl prisc laite: Iade, acompagnamënt, ativités, cosć dl dormí y mangéacompagnadus: Valentin Erlacher, Lucia Erlacher y Michela FrontullInformaziuns y program: gnará mená fora plü inant por e-mailpartezipanc: min. 12; max. 15cost: 210,00€ (84 bons JABA)

Iade d‘aventöra al Isola d‘ElbaEdema 1: Sa, 30.6.18 – Vë, 6.7.18

MY sUMMeR: avisa insciö á inom nosc proiet nü por düc i jogn dala 3 classa dla scora mesana ala 2 classa dla scora alta.

Chësc proiet ti pîta ai jogn de plü edemes de aventöra cun iadi plü lunc olache ai pó sté demez da ciasa, mo ince cursc olache vignun pó porté ite y amplié sües capazités. Un di fins de nostes ativités é chël da ti dé na gran lerch ala creativité, al movimënt y al imparé val’ de nü cun le porvé fora. Tres le grup y te na atmosfera de respet y azetanza, pó le jonn fá esperiënzes nöies y se svilupé inant.

Tratan les edemes de proiet vëgn i partezipanc acompagná da personal pedagogich istruí y cun esperiënza te chësc ciamp, o da n referënt.

Por ti jí adincuntra ales nezescités di jogn cun debojëgns particolars, gnarál fat n discurs adöm cun le jonn y sü geniturs, dan le scomenci-amënt dl proiet.

I se inconfortun da passé de beles edemes adöm cun te!

I orars di cursc é gnüs adatá ai orars dles corieres (SAD), a na moda che i jogn pois se sposté autonomamënter.

Important: Pro le proiet “My Summer” él tla pröma fasa (dai 5 ai 11 de merz 2018) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le parte-zipant te n pröm momënt sön la lista d’aspeta y ciafará na conferma, tan inant che al é lerch, ai 12-13 de merz 2018

My SummerDala 3° classa scora mesana ala 2° classa scora alta

34 353534


euro70

min p.10

max p.12

infop.6

bonns

euro

min p.10

max p.12

infop.6

bonns

My SuMMerMy SuMMer

90

3628

Crazy sport weekEdema 3: Lö, 16.7.18 – Vë, 20.7.18

En colaboraziun cun les uniuns dl sport dl comun da San Martin de Tor

Fá jüc y partides de scuadra te palestra, jí a s’arpizé a Bornech y tl parch a Issing o fá rafting ite Türesc. Döt chësc t’aspeta tratan chëst edema CRAzY. Sce t’ós te devertí y imparé da conësce sporc nüs, spo é chësc avisa le dërt por te. Adöm cun tü compagns podaraste passé na bela edema de devertimënt. Sce t’as bele sëgn sintí n pü’ de adrenalina, spo no plü aspeté. Scriete ite y ví cun nos.

orar: l’orar se müda aladô dles ativitéspost d’incuntada: Palestra da San Martin de Toracompagnadus: Moling Davide y colaboradú tl prisc laite: acompagnamënt, ativités cun entrades y imprëstInformaziuns y program: gnará mená fora plü inant por e-mailpartezipanc: min. 10; max. 16cost: 90,00€ (36 bons JABA); 110,00€ (44 bons JABA) por chi che n’é nia mëmbri de na Uniun dl sport dl comun da San Martin de Tor

Este prinzipiant y t’oress imparé da conësce chësc sport? O aste bele albü la poscibilité da le porvé fora y t’es valgamia bun? Anfat sce prinzipiant o progredí: pro chësc curs te vëgnel insigné i pröms vari o otimisé tüa tecnica.

Bouldern é deventé ti ultims agn n sport dër aprijé y al vëgn pratiché da tres plü mituns y jogn. Al vá debojëgn de tecnica, conzentraziun, condiziun y n bun edl por ciafé fora y ester bun da superé na ruta. Cun la realisaziun dl local nü pro le zënter dla Jonëza y Cultura SaJ.un a La Ila, unse la poscibilité da te pité chësc curs. Sambëgn ne manciarál nia le devertimënt y val’ gara cuntra i aversars.

orar: dal lönesc al vëndres, dales 14:15 ales 16:45 post: Local boulder - zënter dla Jonëza y Cultura SaJ.un a La Ilareferënt: Lorenz Claratl prisc laite: entrada local y cursda se tó para: cialzá da arpizé (chi che i á - al é ince la poscibilité da s’ai impresté fora)partezipanc: min. 10; max. 12cost: 70,00€ (28 bons JABA)

Edema 2: Lö, 9.7.18 – Vë, 13.7.18Curs d‘arpizé (bouldern)

110

44

36 373736


euro70

min p.10

max p.12

infop.6

euro

min p.10

max p.

infop.6

My SuMMerMy SuMMer

15

100

We are activeEdema 5A: Lö, 30.7.18 – Vë, 3.8.18

Ince iniann poste indô te inconforté a na edema plëna de ativités, movimënt y devertimënt. Action é la parora che spliga damí ci che t’aspeta. I jarun sön Plan de Corones a porvé fora le Skyscraper 18 metri alt, cun la roda a Lienz y al ne manciará sambëgn gnanca le Lasergame a Raiscia.

Un n de jarunse ince ite Türesc a porvé fora la fly line che fajará bate to cör ciamó plü dassënn. Chësc n’é indere nia döt. Sce t’es corius da savëi ci che al t’aspeta ciamó, spo ví cun nos!

orar: se müda aladô dles ativités y gnará comuniché plü inant Incuntada le 1° de: Sorvisc ai Jogn Val Badia a Picolin, dales 8:30acompagnadus: Lucia Erlacher, Samuel Agreiter y Sofia Castlunger Informaziuns y program: gnará mená fora plü inant por e-mailtl prisc laite: acompagnamënt, trasport y ativités cun entradespartezipanc: min. 10; max. 15cost: 100,00 €

Por che na festa garetes, anfat sce n compliann o na festa danter compagns, él dër important da avëi n bel bufé cun de bunes sgolosaries.

Adöm imparunse porchël da cujiné deplü snacks che passenëia pro na party: da pizza a de vigni sort de panini, cina ales duciaries sciöche muffins y bigné. Insciö él sigü por vignun val’ lapró. Sambëgn ne pó sön na festa nia mancé la dërta decoraziun. Ince chiló ciafaraste n valgügn consëis por fá parüda dan tü ghesć. Ala fin de chëst’edema adoraraste ma plü la dërta ocajiun por mostré to savëi te chësc ciamp.

orar: dal lönesc al vëndres, dales 8:50 ales 12:10post: ciasadafüch dla scora/mensa da San Martin de Torreferënta: Lucia Erlachertl prisc laite: curs, ciaz y ciapel da cogo, produc y marënapartezipanc: min. 10; max. 12cost: 70,00 €

Edema 4: Lö, 23.7.18 – Vë, 27.7.18Let‘s Party! Party snacks and trends

bonns28 bonns40

38 393938


euro70

min p.10

max p.

infop.6

euro

min p.10

max p.12

infop.6

bonns

My SuMMerMy SuMMer

100

40

20

T’es al’archirida de aziun y devertimënt? T’oress porvé fora val’ de nü, magari ince fora dl normal y ti dé n iade veramënter gas cun tü compagns? Dormí te tën-da, fá füch da ciamp, rodé cun la coriera o ferata y n gröm d’atres aziuns y laur de grup t’aspeta te chëst’edema fora de vigni regola. I passarun döt le tëmp te grup. La particolarité de chësc iade? I savun da olache i piun ia mo i ne savun nia olache i rovarun. Chël vëgn fat fora de por de tl grup… y ci che i porvarun ciamó, é da adoré le manco che ara vá. Rovarunse mo sön na munt o plütosc cuntra le mer? Chësc ciafeste ma fora sce te vëgnes para a fá chësta aventöra cun nos.

Tratan chëst’edema vëgn le grup acompagné cun responsabilité da personal pedagogich istruí.

dis dla iniziativa: dal lönesc al vëndres (4 nöts)Incuntada le 1° de: Sorvisc ai Jogn Val Badia - Picolinacompagnadús: Valentin Erlacher y colaboradëssa Informaziuns: gnará menades fora plü inant por e-mail. Al gnará organisé na sëra d’informaziun por i geniturs.tl prisc laite: döt ci ch’i adorunda lascé a ciasa: foninpartezipanc: min. 10; max. 12cost: 100,00€ (40 bons JABA)

Edema 6: Lö, 27.8.18 – Vë, 31.8.18Iade d’aventöra a...Edema de Jazz

Edema 5B: Lö, 30.7.18 – Vë, 3.8.18

Magari aste bele tut pert a de plü edemes de musiga fora dla Val Badia. En chësc ann te dunse la poscibilité da vire chësta pasciun diretamënter te tüa valada. Le curs é gnü organisé adöm cun les musighes di jogn dla Val Badia.

Le stil musical che gnará porté dant dai referënc é le jazz. Tl grup podarëise se porvé fora y adöm lascé garaté n gröm de bi toc musicai. Sce te sones n stromënt a fle, la vidora, le cello, le clavier o la bateria y te sas da soné döes scales, aste les dërtes condiziuns por tó pert. Tüa bravöra podaraste mostré tratan n pice conzert ala fin de chëst’edema. Al sará na esperiënza importanta por to tru da musizist.

orar: dal lönesc al vëndres, dales 14:00 ales 17:00post: scora de musiga Al Plan de Mareoreferënc: Helga Plankensteiner, Michael Lösch y Paolo Mappatl prisc laite: curs y materiai de laurda se tó para: le stromëntpartezipanc: min. 10; max. 20cost: 70,00 €

Dienstag, 25. März 2014 10:35:54

bonns28

40 414140


1 fá la cherta d’iscriziunles iscriziuns pó gní fates dai 1. de ma 2018 inant t’ofize dl Sorvisc ai Jogn a Picolin y tl zënter dla Jonëza y Cultura SaJ.un, olach’al te gnará mostré le portal internet JABA. I dependënc dl SaJ te dará sostëgn y acompagnamënt, sce tö os.(Sce te n’as nia ciamó 18 agn, láscete acompagné da n genitur.)

2 www.proiec.org/jabaciara do le 1. de jügn sot a www.proiec.org/jaba la desponibilité dles istituziuns publiches.

3 chir fora na istituziuntö dijes olache t’ós daidé y tan gonot. Tol sö contat y fá fora n termin por podëi mëte man.

4 dëida para y cöi adöm bonspor vigni ora de sorvisc te gnarál dé na detlaraziun dles ores fates.

5 barata ite tües detlaraziunsbarata ite tües detlaraziuns te bons, t’ofize dl Sorvisc ai Jogn a Pico-lin o tl zënter dla Jonëza y dla Cultura SaJ.un a La Ila, tartan i orars d’ofize.

6 vá dai partners JABAvá dai partners JABA a baraté ite tü bons anter i 30 setëmber 2018.

7 3 bons lapró….sce te vas a daidé te almanco 3 istituziuns desvalies, ciafeste 3 bons lapró.

Les iscriziuns: dai 1.5.18 te sorvisc ai Jogn a picolin y tl Zënter dla Jonëza y dla cultura saJ.un a La Ila

Implü: ai 4.5.18 dales 17:00 ales 21:30 yai 5.5.18 dales 9:00 ales 11:00 te saJ a Picolin

Esperiënzes tratan l’isté, dai 18 de jügn ai 4 de setëmber 2018!

Le proiet JABA (jogn atifs badioc agësc) te pîta la poscibilité da daidé para te istituziuns publiches dla Val Badia. Sciöche paiamënt por vig-ni ora che te dëides para, ciafeste n bon che te pos dedô baraté ite te botëghes dal guant o de alimentars, restoranc y i.i. Insciö poste fá espe-riënzes nöies tl monn dl laur, renforzé tüa competënza soziala, la res-ponsabilité personala y la segurëza te te instës. Implü te vëgnel pité n passatëmp alternatif tratan l’isté!

Aste danter i 13 y 19 agn???Este interessé da ciaré ite tl monn dl laur???

Ci aspeteste pa spo?? Scriete ite al proiet JABA 2018!!!Les iscriziuns mët man al 1. de ma y vá inant döt isté!

Te pos chirí fora danter tröpes istituziuns dla Val Badia sciöche por ejëmpl: Ciasa de Palsa, Comuns, Raiun Sozial, Assoziaziuns turistiches, Sorvisc ai Jogn Val Badia, zënter dla Jonëza y dla Cultura SaJ.un, Salf de laur protezioné La Spona, Ciasa dl parch natural, museums, fraziuns, Adven-ture Park, parch di tiers y i.i.

I bons che t’abines sö por vigni ora che te dëides tles istituziuns, poste baraté ite pro deplü partners: restoranc, botëghes, nodadoies, chino, frisers, salons de belëza, Sorvisc ai Jogn y i.i.

meGa Idea!!!

JABA

Aste danter i 13 y 19 agn???Este interessé da ciaré ite tl monn dl laur???

Ci aspeteste pa spo?? Scriete ite al proiet JABA 2018!!!Les iscriziuns mët man al 1. de ma y vá inant döt isté!

Dai 13 ai 19 agn

4342

www.proiec.org/jabawww.proiec.org/jaba

n rengraziamënt por le sostëgn finanziar di proiec a:Ofizi provinziai dl laur por y cun la jonëza, Ajentöra por la familia, Comuns dla Val Badia, Comunité comprensoriala Val de Puster, Consëis de Formaziun dla Val Badia, Cassa Raiffeisen Val Badia

Port

adus

dl SaJ V

al Badia

unwww.jogn.org

iscriziuns online sön · 2018. 2. 26. · Proiec aZIuns sInGoLes 8. 4 Sorvisc ai Jogn Val Badia...

Documents

Transcript of iscriziuns online sön · 2018. 2. 26. · Proiec aZIuns sInGoLes 8. 4 Sorvisc ai Jogn Val Badia...