Frijbûtser - FNP FryslânMontesquieu (1689-1775), dy’t de trias politicas, de skieding fan de...
Transcript of Frijbûtser - FNP FryslânMontesquieu (1689-1775), dy’t de trias politicas, de skieding fan de...
Frijbûtser Moanneblêd fan de FNP juny 2017, nûmer 452
Fan it haadbestjoer
Yntreerede nije foarsitter HB útsprutsen op de Algemiene Ledegearkomste fan 19 maaie 2017
Hjoed nimme wy ôfskied fan Ultsje Hosper, in markante foarsitter, dy’t oanjûn hat, it nei ien tiidrek
spitigernôch moai te finen en it foarsitterskip oerdrage te wollen. Wy tankje him foar alles wat er foar de
partij dien hat en winskje him it alderbêste foar de takomst.
Jimme hawwe my keazen as syn opfolger. Ik tankje jimme foar dat fertrouwen en
sil besykje in goede foarsitter te wêzen. Mar wa bin ik? Koartsein: hikke te Snits,
tein te Ferwert, op skoalle gien yn Moarrewâld en Dokkum. Doe nei Dútslân foar in
oplieding yn de hynstesport. Nei in ûngemak Dútsk en Marketing studearre yn
Grins, in pear jier learaar, doe yn it heger beropsûnderwiis manager fan it Ynstitút
foar Dútsk-Nederlânske Hannel en sûnt 1996 selsstannich ûndernimmer yn fragen
oer marketing en management. Sûnt in pear jier doch ik it wat rêstiger oan en haw
no tiid foar dit soarte fan frijwilligerswurk. Ik haw altiten al frijwilligerswurk dien,
ûnder oare in soad yn in Nederlânsk-Dútske setting. Dat betelle net, mar ik haw der
in hege ûnderskieding foar krige: it Dútske ekwifalint fan Offisier yn de Oarder fan Oranje-Nassau.
Doe’t de foarsitterskommisje by my kaam, tocht ik dat it wie om my te freegjen oft ik ek in goede
kandidaat wist. Dat bliek net sa te wêzen. Se kamen om my. Yn in hiel stil momint hie ik it my ôffrege,
oft it net wêze koe, dat se om my…, mar nee, dat soe dochs net sa wêze. Mar dochs, as it no ris dochs,
wat sis ik dan? Doe tocht ik, as ik it doch, dan mei mediatrening en foar twa jier. Wêrom dat alles? Dêr
past in wat wiidweidiger antwurd op.
As earste komt de fraach op, ik bin wol lid fan de FNP, mar wol ik my der ek foar ynsette en wêrom
dan? Dat antwurd is ja, ik bin net lid om allinnich kontribúsje te beteljen, mar wol dan ek wat dwaan.
Mar wêrom dan? Dêrom: Fryslân is in prachtich lân, mei in grut ferskaat oan lânskippen, minsken en
talen. As jo derop ferge wurde om in bydrage te leverjen om dat yn stân te hâlden, kinne jo gjin nee
sizze. Oft it no giet om it lânskip, de ynfrastruktuer of de selsstannichheid, wy FNP’ers wolle ússels
bliuwe en goed op Fryslân passe.
De FNP is in politike partij. Wat wol in politike partij? As je it negatyf formulearje, dan sis ik: macht,
macht om grutter te wurden. Posityf sein: as partij wolle wy graach dat ús idealen breder bekend wurde
en dat mear minsken dy mei ús diele. Dus op ús stimme en lid wurde fan ús partij. Yn de kommende twa
jier binne der earst ferkiezingen yn trije grutte gemeenten, dêrnei ferkiezingen yn de oare gemeenten en
dan de ferkiezingen foar de Provinsjale Steaten. As wy it by dy wichtige ferkiezingen net goed dogge,
treed ik ôf, want dan haw ik it net goed dien. Ik bin gjin plúsplakker, dy’t dan gewoan sitten bliuwt as
ûnder syn ferantwurdlikheid ferkiezingen min beteare. Dêrom dy twa jier.
Wat kinne jimme fan my ferwachtsje? Trije dingen binne wichtich foar my, kommunikaasje mei de
leden, mei de ôfdielingen en kommunikaasje mei de politisy.
Earst de kommunikaasje mei de leden, mei jimme, dy’t hjir hjoed binne en mei de leden, dy’t hjir net
binne. Us partijblêd, de Frijbûtser, hie oant no ta as fêst ûnderdiel, de kollum fan de foarsitter. No’t my
meidield is, dat der fan my ferwachte wurdt, dat ik ek redakteur fan de Frijbûtser bin, qualitate qua sil ik
Frijbûtser side 2
mar sizze, feroarje wy dat yn in kollum foar alle leden. In miening, faaks ôfwikend, dwers of ergerlik, is
wol de miening fan in lid fan ús partij en is it dus it lêzen wurdich. Wy wolle ek in diskusjepartij wêze
en ideeën binne wolkom. Stjoer jo miening nei de redaksje en mocht dy wat al te mâl wêze, dan prate
wy dêr mei jo oer.
Fierders lizze wy oan de leden ferantwurding ôf foar wat wy dien hawwe en freegje om tastimming as
dat nedich is, foar nij belied.
Dan de kommunikaasje mei de ôfdielingen. Dy foarmje de rêchbonke fan ús partij en binne dus
wichtich. Der wurdt as it goed giet, prachtich wurk dien, bestjoerlik en polityk. Dêrtroch binne wy in
fêste krêft yn it bestjoer fan ús prachtige Fryslân. Mocht der in kear earne in kwestje wêze, dan geane
wy der hinne, beprate de saak en komme der mei-inoar út. It HB stipet de ôfdielingen en springt by as it
derop ferge wurde.
Dan de kommunikaasje mei de politisy. Ik bin in oanhinger fan de Frânske filosoof Charles baron de
Montesquieu (1689-1775), dy’t de trias politicas, de skieding fan de machten foar it earst beskreaun hat.
Dy trias politicas, dy skieding fan de machten, hie as doel de frijheid fan de boargers te hoedzjen en te
noedzjen. Mar yn Nederlân en in soad oare Europeeske lannen is eins gjin sprake fan folsleine skieding
fan machten, mar kinne we better prate fan sprieding fan machten.
Wat wol ik dêrmei sizze? Jimme, de leden, kieze in bestjoer oan wa’t jimme it behear fan de partij en it
beweitsjen fan ús idealen, oerdroegen hawwe, it HB. It HB beneamt yn tiden fan ferkiezingen in
kommisje, dy’t op syk giet nei geskikte gadingmakkers foar in plak op de list foar de Steaten, lykas de
ôfdielingen dat dogge by de gemeenteriedsferkiezingen . Ut de sittende fraksje komt in earste skets fan
in ferkiezingsprogram, om’t dy it bêste wit wat der spilet, wat mooglik is, en hokker ôfspraken der binne
mei oare partijen. Dy earste skets wurdt bepraat mei it HB en mei-inoar lizze HB en fraksje it program
foar oan jimme, de leden. Dan kinne jimme de fraksje en ús befreegje, hoesa dit en hoesa dat. Dat kin ta
te oanpassingen liede en dêrnei is it ferkiezingsprogram klear.
Dan komt de listkommisje mei in kandidatelist by it HB, dy’t wy mei-inoar beprate. Dat kin liede ta
oanpassingen, mar dat hoecht net. Dan wurdt de list oan jimme, de leden foarlein. Jimme stimme deroer
en dan is de list fêststeld.
Dan binne der ferkiezingen en set, nei de formaasje, it politike wurk útein. Dat docht de fraksje. It HB –
tink oan wat ik sei oer de skieding fan de machten – kin freegje om útlis, omdat it minder kennis fan de
politike werklikheid hat, mar it HB wol gjin ynfloed op de fraksje. De fraksje docht de polityk, is as
sadanich it boechbyld fan de partij en it HB stiet derefter en stipet en helpt wêr’t dat frege wurdt. It HB
bestjoert de partij, beheart, kontrolearret en rapportearret oan de jimme, de leden, bygelyks op it mêd fan
de bydragen. Wol nimme fraksje en HB kennis fan wat der geande is, troch it tastjoeren fan de
oantekens fan de gearkomsten. Der sit gjin politikus by it HB en oarsom hoecht eins ek net. Elk syn
eigen wurk en mei-inoar de partij ta mear sukses bringe, dat is de bedoeling.
Meikoarten sil ik fraksje en HB útnûgje foar in mienskiplike gearkomste, earne op ’e heide of oan it
wetter. Dêr wurdt de nije wurkwize bepraat en plannen smeid foar de takomst, bygelyks plannen en
ideeën foar it nije ferkiezingsprogram. Dat bart mei help fan twa leden, trochkrûpt yn polityk en
bestjoer, Hindrik ten Hoeve, ús senator en Jabik van der Bij, langjierrich foarsitter fan it HB en de OSF.
Ik bin der o sa wiis mei dat beide tasein hawwe om dy dei mei stâl te jaan.
Kollega HB-leden, ik fertrou op in goede gearwurking. Mei-inoar meitsje wy der wat moais en in sukses
fan!
En dan ta eintsjebeslút, leden, nochris tank foar it fertrouwen. Jimme kinne derop rekkenje dat ik my
mei alle krêft en enerzjy foar jimme, foar ús ynsette sil.
Ik tankje jimme foar jimme oandacht! Tankjewol!
Cees van Mourik, De Gaastmar
Frijbûtser side 3 juny 2017, nûmer 452
It is in memorabele ledegearkomste fanwege grutte
bestjoerlike feroaringen. Ultsje Hosper nimt ôfskie
nimt as foarsitter fan it haadbestjoer nei fjouwer jier
warber west te hawwen foar de FNP en Cees van
Mourik wurdt keazen as syn opfolger. Tagelyk nimme
Jan Lammers en Hylke Heidstra tuskentiids ôfskied as
HB-bestjoerslid. Cees Nieboer betanket út namme fan
it HB Ultsje foar syn krewearjen. Ultsje kriget as
presintsje in tige tapaslik kado, sjoen syn passy foar
fûgels: in byld fan in kraanfûgel. Alle ôfgeande
bestjoersleden krije as tank in bôlekoer fan de bakkerij
fan ús eardere skriuwer Aeltsje de Groot út Stiens. Oan
’e ein fan de AL hâldt Cees van Mourik syn yntreerede.
Hy leit út dat hy foarearst beneamd wurdt foar twa jier.
It hinget fan de ferkiezingsútslaggen ôf oft de termyn
langer wurdt. De nije foarsitter leit út hoe’t er de
kommunikaasje mei leden, ôfdielingen en politisy
sjocht. HB en fraksje krije in oare wurkwize.
De opkomst op de gearkomste, dy’t foar de lêste kear
laat wurdt troch Ultsje, is goed mei 75 leden. Ultsje lit
witte dat der betizing wie oer it lidmaatskip fan Fryslân
Fossyl Frij. De FNP sels wurdt gjin lid mar de wurk-
groep Enerzjy wol. By it wurklistpunt Finânsjes is
ponghâlder Eddie de Vries ôfwêzich, mar Jan Hiemstra
fan de finansjele kommisje ferfangt him. Jan jout op
humoristyske wize in taljochting op de balâns, de
ferkoarte jierrekken en de mearjierrebegruttting. Ut
namme fan de kaskommisje, dy’t bestiet út Pytsje de
Graaf en Bram Bonnema, meldt Pytsje dat de
boekhâlding oant op de lêste sint doogde. Hulde oan
Tjibbe as administrateur en Eddie as ponghâlder! De
begrutting wurdt goedkard. De ponghâlder wurdt
ûntlêstige. Ta nij reservelid fan de kaskommisje wurdt
Rommert Dyk beneamd.
Wichtich polityk punt op de wurklist is in twajierlikse
evaluaasje fan it provinsjale partij- en kolleezje-
program (‘midterm review’). Fraksjefoarsitter
Corlienke de Jong jout yn in flitsende powerpoint-
presintaasje oan wêr’t wy no polityk steane. Spesjaal
omtinken krije leefberens yn de regio en it Deltaplan
Frysk. Johannes Kramer koe sels net komme. Hy jout
in taljochting op it kolleezjeprogram yn in brûzende
fideopresintaasje. Omdat Sake van der Meer ek
behindere is, jout Jan van der Kooi útlis oer de
taakferdieling yn de wetterskipsfraksje en wat de lêste
twa jier yn it wetterskip beskrept is.
By it punt Bestjoersferkiezingen wurdt Cees van
Mourik ûnder applaus fan it omsittend laach beneamd
ta nije foarsitter fan de FNP. Lyksa wurde Jehannes
Elzinga en Jaap Cuperus by akklamaasje beneamd foar
in twadde perioade. De riedsferkiezingen yn de trije
fúzjegemeenten op 22 novimber komme hurd tichterby.
Dorothea Deelstra jout oan wêr’t de nije gemeente
Ljouwert mei dwaande is, Cees van Mourik jout de
stân fan saken oan yn Súdwest-Fryslân en Jehannes
Elzinga jout dat út namme fan foarsitter Sietze de Haan
(behindere) fan de FNP-ôfdieling Waadhoeke oan foar
dy nije gemeente.
Wat de wurkgroepen oangiet, jout Henk de Vries in
yngreven presintaasje oer de tapassing fan duorsume
enerzjy. Oan de TU Twente wurdt ûndersyk dien. Der
binne kontakten lein mei oare partijen yn EFA om ein
2017/begjin 2018 in ynternasjonale konferinsje yn
Ljouwert op poaten te setten. Doel is dat de FNP him
profilearret as gongmakker op it mêd fan duorsume
enerzjy. Cees Nieboer presintearret in resolúsje op dat
gebiet, dy’t mei grutte mearderheid troch de leden
oannommen wurdt.
Oanslutend dielt Sybren Posthumus mei dat der in
wurkgroep opset wurdt om de fyzje “Nij perspektyf
foar Fryslân” fierder út te wurkjen. De FNP wol dat
Fryslân fiergeand sizzenskip kriget op tal fan mêden,
mei finansjele middels dêrby. Dêr heart ek it foech by
dat Fryslân eigen wetten makket. Doel is dat op de AL
fan maaie 2018 it útstel foar de nije fyzje oan de leden
foarlein wurdt.
Tjibbe Brinkman (notulist) en
Jehannes Elzinga (skriuwer)
Ferslach Algemiene Ledegearkomste op 19 maaie 2017
Kollum fan de foarsitter wurdt kollum fan de leden
Oant foar koart skreau de foarsitter op eigen titel en namme in stik, der’t er syn miening yn utere oer beskate
saken. Lykas sein yn de yntreerede fan de nije foarsitter, op side 1 en 2 fan yn dizze Frijbûtser, wol de
redaksje dêr in kollum foar alle leden fan meitsje. Hawwe jo wat op it hert dat de FNP of de Fryske polityk
oanbelanget, dan kinne jo it hjir publyk meitsje. Tal wurden graach net mear as 500 à 550.
Sitte der (taal)bonkjes yn, dan ûntfermet de redaksje him dêr wol oer, dy’t him ek it rjocht foarbehâldt om der
wat yn te skrassen as jo it te mâl opsizze, mar dat giet yn oerlis mei jo.
Goed idee?
Frijbûtser side 4
It Frysk op skoalle
De steatefraksje fan de FNP wol fan deputearre
Poepjes witte oft goed meartalich ûnderwiis berikber
en beskikber makke wurdt. De fraksje hat skriftlike
fragen steld nei oanlieding fan de spriedingsplannen
dêr’t op dit stuit oan wurke wurdt. Dat wie net de
earste kear: fan begjin 2015 ôf hat de nije fraksje de
deputearre kontinu efter de broek sitten oer dit
ûnderwerp. De FNP is oars wol de iennichste partij yn
PS dy’t hjir konsekwint wurk fan makket: de oaren
hâlde harren stil.
Troch gemeentlike weryndielingen en skoalfúzjes
feroaret der in soad yn ûnderwiislân. It allinnich mar
tellen fan it tal meartalige skoallen hat dêrom net
safolle doel mear. De FNP hat klear krige dat de
Provinsje fan 2017 ôf (ek) rapportearret oer it tal
learlingen en harren foarútgong mei it Frysk. Fierder
hat de Provinsje op oanstean fan Corlienke de Jong de
rapportaazje oer ûntheffingen fan de earste 115
skoallen iepenbier makke.
Westergoawei fertsjinnet feilige oplossing
Wat is der te rêden mei de lêste trije tunnels dy’t yn de
N359 tusken Boalsert en Wommels tasein binne? De
FNP hat skriftlike fragen steld oan Deputearre Steaten
oer de kwestje. Wurdfierder Klaas Fokkinga fan de
FNP wol útlis oer de fertraging by de oanlis fan taseine
tunnels yn de krusingen Boalsert-Noard, Wommels-
Noard en Burchwert.
Fokkinga fernuveret him
deroer dat de Steaten út de
krante en fan wethâlders
hearre moatte dat der
problemen binne. Hy freget
nei de oarsaken fan it boppe
de begrutting útkommen fan
de kosten lykas summier yn
de provinsjale Jierrekken
2016 suggerearre wurdt. De
FNP hat ûnderwilens in
brief krige. Der wurdt noch
hieltyd yn ûnderhannele oer
in oplossing.
Nije ‘stroomwei’ Ljouwert-Snits opkeard
Neist de Westergoawei wie der ek in soad te rêden oer
it idee fan boargemaster Hayo Apotheker foar in nije
provinsjale wei by it spoar lâns fan Ljouwert nei Snits.
50PLUS, FNP en oare partijen hawwe in moasje
yntsjinne dy’t dat opkeard hat. De Steaten hawwe gjin
ferlet fan in nije wei as ferfanger fan de besteande
N354 (Snitserdyk). Der komt ek gjin djoer ûndersyk,
sa’t de deputearre en it CDA earst woene. Yn
oerienstimming mei it koälysjeakkoart wurdt der al in
soad ynvestearre yn it feiliger meitsjen fan de
Snitserdyk, by û.o. Dearsum, Tsienzerbuorren.
Yngripende plannen farwegen fan ’e tafel
Opluchting foar de ynwenners fan Terherne en
Earnewâld. Mar ek foar de gemeenten oan it PM-
kanaal dy’t ynvestearre hawwe yn wiete
bedriuweterreinen lykas Skûlenboarch. De fiergeande
plannen om as Provinsje de besteande farwegen oan te
pakken binne foarearst fan ’e tafel.
Nei in slagge amendemint fan de FNP wie der earst al
in bredere maatskiplike koste-bate-analyze makke. Nei
oanlieding dêrfan hawwe de Steaten no de útstelde
‘lapmiddels’ ôfwiisd bygelyks foar in klasse-V-farwei
dwers troch it wettersportdoarp Terherne hinne. Der
komt no in yntegrale fyzje fan de Provinsje, sa is
tasein. Dêr moatte de belangen fan leefberens, lânskip,
rekreaasje, feangreide en wetterhúshâlding folle better
yn meiwoegen wurde. Krektlyk sa’t de FNP al jierren
bepleite hat.
Corlienke de Jong: “Grutte ynbring fan FNP yn
Kadernota”
Wy binne o sa tefreden oer
de provinsjale Kadernota
foar de Begrutting 2018
dy’t op 9 maaie presintearre
is. In soad fan de punten
dy’t de FNP ynbrocht hat
kinne no fersulvere wurde.
Der is in grut tal útstellen
fan de FNP dêr’t de
Provinsje oan meibetellet.
“Wy binne tefreden dat de
rûnwei Warns der no
komme kin (1 mln.), lyksa
it fytspaad Leechlân Grou-
Warten (0,8 mln.). Us
deputearre Johannes Kramer kin oan ’e slach mei
ekstra jild foar de greidefûgels (1,4 mln.) en de
gebietsûntwikkeling, de ‘plus op de Sintrale As’ (2,5
mln.). Der is op ús oanstean ek rekken holden mei
ekstra jild oant 2022 om it iepenbier ferfier yn Fryslân
op peil te hâlden (3,7 mln. jiers).”
Enerzjyneutraal
Op it mêd fan enerzjy is de FNP ek tige te sprekken oer
de behelle 1 mln. ekstra foar lokale duorsume
enerzjyprojekten mei Duorsume Doarpen, en de
saneamde ‘Fryske Deal’ om mei in ympuls fan 3,5 mln.
op termyn 50.000 Fryske wenningen enerzjyneutraal te
meitsjen.
Bliid is de fraksje ek mei it honorearjen fan in breed
droegen útstel foar de transformaasje fan de fysike
leefomjouwing (‘oanpak rotte kiezzen') yn de
krimpgebieten (3 mln.), en 1 mln. foar de takomst fan
Wetsus yn Ljouwert, in punt dat de FNP mei de VVD
oandroegen hat.
Fan de steatefraksje
Frijbûtser side 5 juny 2017, nûmer 452
Duorsume lânbou
Fierder noch saken op it mêd fan de FNP-deputearre: 3
mln. foar in fûns foar de beliedsbrief oangeande de
transformaasje nei in duorsume lânbou en 1 mln. foar it
stedhûs fan Boalsert en oare monuminten.
Neffens De Jong leit der mei dizze Kadernota, sa
healwei de koälysjeperioade, in goede basis foar de
begrutting fan 2018. “Der bliuwe fansels wol finansjele
punten fan soarch foar de takomst, lykas de
guozzeskea, de djoere plannen foar de farwegen, de
kultuerpartisipaasje en KH2018 en de oanpak fan de
feangreideproblematyk. Mar oer it algemien liket it
goed.”
Tekoart ‘Waddenglas’
De steatefraksje fan de FNP
is ferbjustere oer in grut
tekoart fan leafst € 11,1 mln.
by it projekt ‘Waddenglas’.
Dat tekoart is oan de Steaten
fan Fryslân presintearre yn
de jierrekken 2016 fan de Provinsje. Dêrom frege de
FNP yn de Steaten
opheldering oer de oarsaken
fan de finansjele ôffallers by
it projekt en de mooglikheden
om it ferlies safolle mooglik
te beheinen. It projekt is al
jierren in belofte fan
wurkgelegenheid oan
Noardwest-Fryslân, dy’t mar
net fan ’e grûn komt.
De FNP is der min oer te
sprekken dat sa’n grut tekoart yn in bylage by de
Jierrekken fermeld wurdt. Benammen as ek sjoen
wurdt nei de grutte fan it bedrach. “Wie de ynformaasje
net earder bekend by it Kolleezje fan DS?”, frege
wurdfierder Sybren Posthumus. Deputearre De Rouwe
hat nei in lytse wrakseling fan wurden tasein om de
Steaten by te praten oer de aktuele situaasje. Der soe no
dochs wer ûnderhannele wurde mei in gadingmakker
om te ynvestearjen.
Fan de ôfdielingen
Op in bysûndere algemiene ledegearkomste by hotel
Duhoux yn Wurdum hawwe de FNP-leden fan de
fúzjegemeenten Ljouwert, Ljouwerteradiel en
Littenseradiel-Noard (Lyts Baarderadiel) woansdei
31 maaie de definitive kandidatelist fêststeld foar de
weryndielingsferkiezingen op 22 novimber dit jier.
Der is ek in kandidaat-wethâlder oanwiisd.
Kandidaten út trije gemeenten yn top-5
Mar leafst 86 leden wiene nei Wurdum kommen om
oer de advys-kandidatelist te stimmen. Dat tsjûget fan
in grutte belutsenheid by de takomst fan de partij yn de
nije grutte gemeente Ljouwert.
Yn de top fan de list hawwe de leden in pear
wizigingen oanbrocht. Wichtich is dat alle trije
gemeenten fertsjintwurdige binne by de earste fiif
plakken: Ljouwert en Ljouwerteradiel mei elk twa
kandidaten en Littenseradiel mei ien. De man-
frouferhâlding sjocht der ek goed út: twa froulju en
trije manlju.
De top-5 wurdt foarme troch:
1 Jan-Willem Tuininga, Stiens
2 Lyda Veldstra-Lantinga, Grou
3 Folkert Dijkstra, Stiens
4 Hinke Roorda, Jellum
5 Auke Kleefstra, Reduzum
By de gearstalling fan de list
is, neist kwaliteit en
ûnderfining, rekken holden
mei de regionale sprieding en
de man-frouferdieling. De
FNP hopet mei dizze list en it
wurk dat ús riedsleden de
ôfrûne jierren yn de trije
gemeenten út de wei set
hawwe, op in soad stimmen,
sadat we mei op syn minst
fjouwer sitten yn de nije Ljouwerter ried de belangen
fan ús ynwenners behertigje kinne.
Kandidaat-wethâlder
Rikus Sinnema út Stiens is
troch de leden oanwiisd as
kandidaat-wethâlder. It soe
samar kinne dat de FNP aanst
frege wurdt om diel út te
meitsjen fan in nij te foarmjen
kolleezje fan B&W. Mei
Rikus Sinnema as
poergeskikte kandidaat is de
FNP der klear foar.
Ynterim-bestjoer Ljouwert, Ljouwerteradiel en
Littenseradiel-Noard
Ofdieling Ljouwert: kandidatelist foar 22 novimber stiet fêst
Jan-Willem Tuininga
Rikus Sinnema
Frijbûtser
Ynhâld fan dit nûmer
Side 1 Fan it haadbestjoer
- Yntreerede nije foarsitter HB
Side 3 - Ferslach Algemiene Ledegearkomste op
19 maaie 2017
- Kollum fan de foarsitter wurdt kollum fan de
leden
Side 4 Fan de steatefraksje
- It Frysk op skoalle
- Westergoawei fertsjinnet feilige oplossing
- Yngripende plannen farwegen fan ’e tafel
- Corliende de Jong: “Grutte ynbring fan FNP
yn Kadernota”
- Tekoart ‘Waddenglas’
Side 5 Fan de ôfdielingen
- Ofdieling Ljouwert: kandidatelist foar
22 novimber stiet fêst
Side 6 - Kolofon
- Bûsboekje
FNP-adressen
FNP-Hûs, Obrechtstrjitte 32, 8916 EN Ljouwert
Antwurdnûmer 5034, 8900 VB Ljouwert
(058) 213 14 22, [email protected]
Buro: Tjibbe Brinkman, Twizel
(0511) 54 22 73, [email protected]
It FNP-hûs is iepen op tiisdeis en tongersdeis
fan 10.00 oant 14.00 oere
Bankrekken: NL21 RABO 0305 0145 28
Ynternet: www.fnp.frl
HAADBESTJOER
Cees van Mourik, De Gaastmar (foarsitter)
(0515) 46 93 93, [email protected]
Jehannes Elzinga, Frjentsjer (skriuwer )
(0517) 23 45 24, [email protected]
Eddie de Vries, Drachten (ponghâlder)
(0512) 52 53 92/(06) 5533 1717, [email protected]
Jaap Cuperus, Dokkum
(06) 2245 8322, [email protected]
Jetske Lysbeth de Groot, Drachten
(0512) 52 19 92, [email protected]
Cees Nieboer, Tsjerkwert
(0515) 57 96 57, [email protected]
REDAKSJE FRIJBÛTSER
Harry van Borkulo, Hurdegaryp; Jan Breimer, Grou;
Cees van Mourik, De Gaastmar; Jitske Zaadstra, Turns
Kopij: p/a FNP-hûs; e-post: [email protected]
STEATEFRAKSJE
p/a Provinsjehûs, (058) 292 58 03, [email protected]
Wietske Poelman, fraksjemeiwurkster
Yde Dijkstra, beliedsmeiwurker
Corlienke de Jong, Jutryp (foarsitter)
(06) 2201 9066, [email protected]
Sybren Posthumus, Reduzum
(0566) 60 29 28/(06) 3022 6684, [email protected]
Wopke Veenstra, Boelensloane
(0512) 34 27 70, w.veenstra@fryslân.frl
Klaas Fokkinga, Nes (D)
(06) 2003 3581, [email protected]
Rein van der Wal, It Surhústerfean (earste opfolger)
(06) 1591 2231, [email protected]
DEPUTEARRE
Johannes Kramer, Sibrandabuorren
(06) 1561 2055, [email protected]
WETTERSKIPSFRAKSJE
Sake van der Meer, Koatstertille (foarsitter)
(06) 2325 0619, [email protected]
Jan van der Kooi, Ryptsjerk
(06) 2862 5813, [email protected]
EARSTE KEAMER (OSF)
Hindrik ten Hoeve, Stiens
(058) 257 34 47, [email protected]
FNP-JONGEREIN – Ynternet: www.fnpj.frl
Sytze Kobus, Garyp, kontaktpersoan
(06) 4631 8234, [email protected]
Bûsboekje
July
3 Haadbestjoer
Septimber
1 Start nije seizoen
5 Kopij Frijbûtser 453 ynleverje
11 Haadbestjoer
15 Frijbûtser 453 komt út.
Ek te sjen op www.fnp.frl/Organisaasje - kontakt ▼
N.B. It Deistich bestjoer komt alle wiken op moandeitemoarn gear.
Retoeradres: FRL Post, Swettestrjitte 31, 8912 AV LJOUWERT
Fan 24 july oant en mei 3 septimber is it
Partijhûs ticht.
Buromeiwurkers, haadbestjoer,
steatefraksje en redaksje Frijbûtser winskje
elkenien in moaie simmer(fakânsje!