Kopschraberijen 2
-
Upload
eltje-doddema -
Category
Documents
-
view
214 -
download
0
description
Transcript of Kopschraberijen 2
© Eltje Doddema
Dit werk is gelicenseerd onder een Creative Commons Naamsvermelding-NietCommercieel-GeenAfgeleideWerken 3.0 Nederland licentie.
Gepubliceerd: oktober 2014
Kops
chra
beri
jen
1
2 Perspektief 3 Baauwvaal 4 PRISM 5 Fracking 6 Woorden 7 Pekel 8 Media 9 Hong Kong 10 Oplözzen 11 Bezopen 12 Armageddon 13 Laifde 14 Twijduuster 15 Second Love 16 Burn out 17 Priezen 18 Vreugdevuur 19 Ìndpunt 20 Swaardepieten
21 Verdrokken 22 Tolerantsie 23 Dat-gate 24 Selfies 25 Kreativiteit 26 Romantiek 27 Òfgrond 28 Wankel evenwicht 29 G.A.S. 30 Horizon 31 Wegsieverd 32 Onvree 33 Jeugdzörg 34 Zeitgeist 35 Zörgeloos 36 ING en kozotten 37 Duustere doagen 38 En Ik Denk (lied via Soundcloud – mp3)
* Perspektief mit mien haart smaartend deur t landschop vuil k de noadoagen van de krimp woar t verleden niks meer te zeggen het doar is ìnkeld nog n glimp van kinder in heur veurdoagen dij speulen en dij laggend noar de toukomst vroagen
Kops
chra
beri
jen
2
bie n deurkiek van n verloaten gat onder vergeten noamen zöcht fantazie zoveul zinnen om beelden in te roamen woar schares scheuren vougen verrötten vaalt licht op olle tieden woar geborsten holt as stammen stoan het toukomst niks te lieden
Kops
chra
beri
jen
3
* Baauwvaal
n pad noar naargenswoar kleurt de roegte en spraaidt t wildgewas mit overaal kansen van n nij begun veur ongerept gruin gras
in n wereld vol machten dij waiten willen wel wat woarom wikt en weegt is privé openboar en is n gehaaim zo lek as n teems in n wereld vol politisi dij vergrèld verkloaren dat duvel doolt en draaigt treden vouten digitoal de rechten In Cold War Games
Kops
chra
beri
jen
4
* PRISM
as winst lonkt en lu n gat zain in perfiet en gewin uut stainloagen mor t grondwotter zakt t ies kroakt en de bodem vaalt vot onder t bestoan din mout je "gas terugnemen" nait de grond in boren
Kops
chra
beri
jen
5
* Fracking
woorden geven t karakter weer van lu dij z'uutspreken woorden leggen van alles bloot veuraal ook as ze steken woorden brengen irritoatsies over as ain t beter wait woorden vertolken n mainen wat interpreteren hait
Kops
chra
beri
jen
6
* Woorden
der was ais n hond in Pekel dij haar aan blavven n hekel hai was slim tevree mit n bak pedigree en kon zo tegen boas zien gekekel
Kops
chra
beri
jen
7
* Pekel
in n wereld vol wifi is t volk op drift gevuilens liggen open en bloot in "the cloud” verdrongen verdrait wordt doaglieks daild vrund en vijand drinken digitoal bloud t web zoomt in via legitieme lenzen gloepend in de kosmos tot veurbie d'horizon haarten vol verhoalen liggen schoamteloos open mit n gloazen schaarm as emootsiebron
Kops
chra
beri
jen
8
* Media
op n vredeg plaain woar de massa gruit loaten jong en old onvree maarken soamen dailen ze heur ideoalen onder paraplu's dij binden en staarken
Kops
chra
beri
jen
9
* Hong Kong
machthebbers willen t laifst dat toukomst van klaain en groot ain is van onderdrokken van de waig tot de dood
t aiweg bestoan wordt makkelk beschreven om n paredies te kreëren mor as t tied is budt t woord gain kans n stee te rezerveren ondanks zuiktochten noar levenszinnen is elk geboren om te goan dus wordt de dood kommersieel vermaarkt en geft aandern n bestoan
Kops
chra
beri
jen
10
* Oplözzen
verdainmodellen binnen der te over want elk zugt wel n belang onder deksels wordt soms stereo monteerd veur joen leste noten op zang wil je t vuur noa aan de schenen bezuik din joen kremoatsie en wil je n gang deur t geutgat ervoaren din is der rezomoatsie
tussen middernacht en t twijduuster kikt fietsend nederland de wereld aan veur n doedelzak ladderzat laverend van riebel noar riebel binnen loazerus en ko op weg noar n doodsmak
Kops
chra
beri
jen
11
* Bezopen
swaalkend en swierend slingern ze van geut noar geut kennelk op weg van nait nuchter noar n bakkie leut
twij werelden woarvan d'ain konstant in dezoloade stoat verkeert omdat bie t doaglieks brood misdoaden pleegd worden tegen de mìnselkhaid en woar men in d'aander alles òfbrekt en verhinneweert omdat machten geldstromen genereren dij z'onttrekken aan de leefboarhaid
Kops
chra
beri
jen
12
* Armageddon
kollideren en imploderen in t swaartste gat woarbie t leste licht oplaait van n kruutvat
der even bie stilstoan is elk moal n genot elke dag weer loop k mit die vot
Kops
chra
beri
jen
13
* Laifde
ik goa as k stroekel over die nait wanhopen doe magst mie aaltied en aiweg veur de vouten lopen
locht verwolkt tot n grilleg gerdien dij de zun ontstroalt n gruiende graauwhaid dij in t twijduuster stoadeg dele doalt
Kops
chra
beri
jen
14
* Twijduuster
in n dubieuze wereld strunen diggels en schaarven volgens n virtueel ritueel en lokt n swoule stem slim sensueel anoniem ainzoame haarten in t digitoale twijduuster dolen gewillege gaisten deur n filaain gefigelaaierd verdainmodel woar vaaileg verborgen achter punt NL lust en fantazieën smaarten in n keur van keuzes worden bevredegens koppeld aan t zwakke vlais van zulfzuchteghaid elk middel is haaileg om t doul noa te streven körtstondeg of tot in aiweghaid
Kops
chra
beri
jen
15
* Second love
leven van weekend noar weekend in n neerwoartse spiroal woarin vrijhaid n illuzie is toukomst verworden tot n slietoageproses wordt zuver strak programmeerd in n wereld vol duusternis welwezen ondergeschikt aan meten wordt boegend en brekend òfbrand tot op de bonken systemen woar kontroleren wegen is holden liggoamen in iezern grepen van obsezzies vol spelonken
Kops
chra
beri
jen
16
* Burn out
in n twijduustere wereld woar grìnzen vervoagen tussen woarhaid en leugen worden winnoars helden en wordt gespeulde onschuld meedogenloos vermoord in n sinistere wereld woar ìnkeld knikkers tellen en woar schien n masker dragt wordt sukses verguld in medailles en roem onstaarvelk verwoord
Kops
chra
beri
jen
17
* Priezen
in n lugubere wereld van glories en saldo's woar bloots rezeltoaten gelden rakt de mìns verstikt en is welwezen ondergeschikt aan winst en belangen in n genoadeloze wereld woar bloud stroomt woar t kin en woar n deal besmet mit epo is kriegen lu de speulen van doping en bedrog omdat ze swait verlangen
in de sport maank ethische legitimoatsies drieven anabolika en testosteron t scoreverloop grilleg groaperg en graaiend noar weer n record n bonuskultuur deur t volk aksepteerd in n kontekst van brood en speulen omdat kritiek verstomt noa weer n vreugedevuur Kops
chra
beri
jen
18
* Vreugdevuur
troanen in de regen tussen kèlle blinde muren zinloos is t leven wanhoop nait te sturen tred wordt swoarder waarm wordt kold t pad lopt dood te vroug nait old
Kops
chra
beri
jen
19
* Ìndpunt
n bont palet wekt wizzelnde assosioatsies vol herinnerns in rezoluutsies van leeg tot hoog n gekleurde bril beïnvloudt t oordailen en is schoadelk en funest veur elke dialoog mainens worden kleurd in doun en loaten mor kleuren zulf veroordailen nait tinten binnen blind zo nait d'emootsies dij de mìns zulf inkleurt tot aandermans verdrait
Kops
chra
beri
jen
20
* Swaardepieten
duustere machten vertrappen loaghaarteg respekt en weerdes mit pepperspray troangas vertroebelt elks ideoalen in smorende lochten as n verstikkende deken zwoare tanks verzwelgen gewaitenloos de wìns te leven in vrijhaid en vree bulldozers pletten mit wraid geweld en binnen jong en old kind van de reken
Kops
chra
beri
jen
21
* Verdrokken
n swaarde pion blast hoog van de toren noa t nemen van n widde kunk zo'n loze zet wordt diskutoabel as de kleur aanzet tot n negatieve dunk bewonderd wordt din nait t spelinzicht mor speulen der subjektieve sentimenten mor wat swaart is mout je woarachteg nait blaiken willen mit gekleurde argumenten
Kops
chra
beri
jen
22
* Tolerantsie
wereldwied woart woanzin rond as verstikte vrijhaid en vermoorde vree privacy verdampt in n duustere cloud woarin de duvel danst mit de NSA sinistere schares scannen digitoal tot in detail aal t dataverkeer dichte poorten stoan woagenwied open en verschavven tougang in n vergeven atmosfeer
Kops
chra
beri
jen
23
* Data-gate
vastlegd deur t oog aan de veurkaant verradt t spaigelbeeld d'identiteit n foto dij meer zegt as doezend woorden teunt n imago vol originaliteit n dagbouk vol beeldtoal wordt uut eerns kreëerd of veur poelegrap en oardeghaid
Kops
chra
beri
jen
24
* Selfies
zulfpertretten mit gebelskoppen of zunder effekten worden vastlegd veur d'aiweghaid
net as verweven wolkenluchten verwordt n zanger tot n poëet sprekt zien haart deur pennevruchten mit symfonieën van n estheet mit n palet vol waarme kleuren worden gevuilens tot klanken smeed harmonieën ontsloeten emootsies om te zingen van laif en leed
Kops
chra
beri
jen
25
* Kreativiteit
vanwege d'hoge temperaturen en d'aanholdende deu nuigt Jannes zien Dientje veur n kerstnacht in t heu
Kops
chra
beri
jen
26
* Romantiek
de teloorgang en de dood zitten gnivvelnd en kniezend te wachten in n failliete baauwvaal van de soamenleven rolstoulen van verzwakte slachtovvers stoan parkeerd omreden de wil tot n zinvol bestoan het t begeven onder aan de negatieve spiroalen wachten inkommensdoalens en biestand zunder zicht op toukomstperspektieven
Kops
chra
beri
jen
27
* Òfgrond
gemainten goan te gronde omdat zörg en veurzainens roofgoud worden en rechtvoardeghaid uutlegd wordt mit duustere motieven
as groaperghaid de mìns verblindt worden lu snel minder ainsgezind binnen oordailen voak persoonlek kleurd en is t mit soamen verdroagen gebeurd as n geldwolf doolt over klaai en zaand kriegen frustroatsies hail gaauw d'overhaand
Kops
chra
beri
jen
28
* Wankel evenwicht
strieden dörpen fanetiek tegen aand're lokoalen willen aalbegeren de prooi binnen hoalen redelkhaid is veurgoud verdwenen t proses zit m bliekboar in de genen
paniek en stress knoagen aan t gemoud want huus en heerd stoan op t spel stress en zörgen bestemmen t verloop van dag en nacht in n karoussel klamme handen en last van zenen n stain op moag is ook n symptoom noa onderzuik volgt n diagnoze patiënt lidt aan t Grunneger Angst Syndroom
Kops
chra
beri
jen
29
* G.A.S.
elke dag is der ain woarop niks is wat t liekt want n lach veur d'ain is veur d'aander n troan elke dag is n raais woar in diggels de kracht bliekt om veur n leste kans toch voluut te goan ontkennen waarkt remmend op veraandern van t heden bekiek doarom de toukomst zunder zörgen om t verleden
Kops
chra
beri
jen
30
* Horizon
op de goie weg is spektakulair sproake van drok verkeer woar gunstge gruisievers en aandailholders mekoar inhoalen en verdringen op alle kruuspunten kriegen ze veurrang en stoan investerenslichten op gruin omdat pozitieve prognozes van winst en grui rondzingen Kops
chra
beri
jen
31
* Wegsieverd
aan de kaant stoan roadeloos en riddersloagen lu dij depressief worden bie t aanschaauwen van dizze euforie veur t rooie licht van waarkgelegenhaid staait n gruiende waarkloze massa dij zunder toukomstperspektief beheurt tot de restkategorie
onder t mom van bedainen op moat van ain gezin mit ain plan deur ain regisseur komt d’autist aal of nait schizofreen of dyslectisch schoorvoutend binnen via de gemaintedeur
Kops
chra
beri
jen
33
* Jeugdzörg
de professional vreest dat de behandeln en de begelaaiden slim te lieden hebben zal onder de nije wet d'ambtenoar kikt mit ain oog noar de potentsiële patiënt en loert mit t aandere noar zien slinkende budget
ook in n wereld zunder komplottheorieën is niks zo as veurvalen lieken n haandvol elites regisseert t wereldtoneel om zich ongegeneerd te verrieken t binnen onzichtboare machten dij lienen uutzetten om politieke prosezzen te sturen verscholen achter bits en bytes scheppen zai veur heur winstgevende strukturen
Kops
chra
beri
jen
34
* Zeitgeist
as begerege geldduvels beïnvlouden ze systemen om welvoart aan de wereld te onttrekken politieke instabiliteit en n funeste finansiële ongeliekhaid kin heur woarlieks niks verrekken
wor je aaltied op handen droagen din huf je nooit meer over bloaren te kloagen
Kops
chra
beri
jen
35
* Zörgeloos
d'òfhankelke reloatsies tussen banken en klanten moakt d'eersten verre van goudgeefs de big data van de konsumenten is t nije gold in heur digitoale safes mit branchevrumde aktiviteiten willen ze op hellende vlakken klantgegevens vermaarkten mor t zol veur de klanten veul beter wezen as ze zich tot d'aigen primaire toaken bepaarkten
Kops
chra
beri
jen
36
* ING en kozotten
te allen tiede binnen der lu woarbie t aan historisch besef ontbrekt verdwoasd en verblind deur hoat en nied ruiren ze zich zunder respekt aal wat ze willen is selektief minder ten koste van verdroagzoamhaid en tolerantsie
Kops
chra
beri
jen
37
* Duustere doagen
de toukomst overschridt din d'holdboarhaidsdoatum en is der ain zunder gerantsie
wonden willen nait meer hailen schaarven brengen gain gelok t gemis is stoer te droagen gain dag nog dij k plok k verlang nait meer noar mörgen dizze nacht is t ìndstation tied is n haard gegeven en der is gain horizon t vervolg het gain vertroagen mor t vertrek staait naargens beschreven mist dij om mie tou trekt het toukomst nou verdreven alles wat veurbie komt verdwient woazeg uut t zicht t blikveld wordt aal klaainer omdat dij stoadegaan verdicht
Kops
chra
beri
jen
37
* En ik denk
https://soundcloud.com/eltje-doddema/eltje-doddema-en-ik-denk
ik zuik in ale houken
van mien gedachtenkringen
en ik zai weer ale wegen
dij wie soamen aaltied gingen
k heur de stilte spreken
as dij veur aiweg zwigt
en ik denk aan ale herinnerns
as duusternis verlicht
òfschaaid kin j'as d'oorsprong van herinnerns lezen mor loat t veur die n tougang noar n nije toukomst wezen op t aailand van vergangenhaid bist doe nooit meer dij k kin mor as stilte veur mie zwigt bist doe overaal woar k bin
mp3 via
Kops
chra
beri
jen is ook te volgen op Wordpress. U kunt zich
hierop abonneren door op de site uw e-mail adres in te vullen bij Blog volgen.
Kopschraberijen vindt u op http://eltjedoddema.wordpress.com Mail adres: [email protected]
38