Eesjte seniorenversjlaag nuuje sezoen mit update vakantie ... · Noa een sjwoane zomer sting de...
Transcript of Eesjte seniorenversjlaag nuuje sezoen mit update vakantie ... · Noa een sjwoane zomer sting de...
Eesjte seniorenversjlaag nuuje sezoen mit update vakantie-periode! Dao zeen veer waer mit ut eesjte senioren-versjlaag van ut nuuje sezoen. De sjriever van dit sjtuk haet moage geneite van unne oetgebreide zomersjtop, wo in hae d’r veur koos om gein zomerse updates te gaeve. Dat sjaelde in die moanje beheurlijk get typwerk. Maar aangezeen de reporters de ganse zomer netjes bleve doorgoan mit ut levere van input, hub ich dees waek unne flinke inhoalsjlaag motte make. Geneit in dit versjlag dus neit zozeer van de versjlage van ut aafgeloupe competitie-weekend (die zult geer namelijk mit un vergrootglaas motte zuike), maar veural van de geweldige foto’s, quotes en verhoale oet de zomer- en veurbereidingsperiode. En loat uch neit aafsjrikke door de lengte. Ich verzeker uch dat geer ut in eine ruk oetlaes. De hoeveelheid pagina’s ligk veural aan ut enorme aantal foto’s. Have fun! En loate veer dit keer maar ens beginne bie de mannen van os veerde elftal. Die woare deze zomer veural druk mit ut zuike noa unne vaste keeper. Veurig sezoen woar ut doel veurnamelijk verdedigd door ultra-clubman Noud Claessens (en af en toe door living legend Peter “de lange” Paes), maar doadoor woar de inbreng van Noud op ut veldj node gemist. Einige criterium veur dae nuuje keeper woar dat hae (in taegesjtelling tot de keepers van aafgeloupe sezoen) waal aan de lat moosj komme. En dae zoektocht houw gelukkig resultaat want in de zomer volgde dit bericht op facebook:
Top natuurlijk veur ozze mannen van 4, die doadoor waer un bietje moage houpe op ut aafsjudde van hun “zoepnaze”-imago en mesjiens waer get trukkriege van hun veurmalige “godenzonen”-imago.
Coach Mark Habets woar tevreje mit de versjterking van zien selectie, maar woort desondanks geregeld op vriedigoavend, deip in gedachte verzonken, aangetroffe in de kantine:
Maar ech gek is dat noe auch waer neit, esse dich bedenks dat Mark ut al joare te sjtelle haet mit wiksers wie Oscar Nieskens, Paul Janssen en (sinds kort, bliek oet ongersjtoande foto) Ivo van den Bergh die doodleuk hun kinjer bie Haslou loate voetballe en doa zelfs jeugdtrainer waere…
Maar goud, gelukkig is d’r tusje al die unieke figure bie os veerde eine sjtabiele factor. Zowel in ut veldj, es in de kantien, es “mit de pen”. Want auch dit joar moage veer names ut veerde waer sjmulle van de versjlage van de handj van Ralph “Gladiator” Doek. Hae kalt uch bie euver de eesjte competitiewedsjtried van ozze mannen aafgeloupe weekend:
Noa een sjwoane zomer sting de eerste competitie wedstrijd op ‘t programma. Om 11u op veld 2 speelde ver taege OVCS 5. In ‘t verleden woare ver altied aan ein gewaagd en dat woar vandaag auch weer ‘t geval. In de struimende raege (90min lang), woare veer deze kjear de boaveliggende ploog en koame ver via Raoul Dassen op 1-0. Dea kreeg ff later nog een gooj kans op de 2-0 maar hea hej t vizier ff neet op sjerrep sjtoan... OVCS woar heel effectief en maakde oet eene corner 1-1 en vlak doanoa door een misverstenjd in de verdediging veel auch nog de 1-2. Later bleek dat ‘t bleef bie die 2 kanse.... (mishien 3 kanse, max 4) In de rös woar gewoon duudelijk dat ver minimaal 1 punt mooste goan pakke. Ver speelde bes good en hejje väöl balbezit. In de 2e hellef veurde ver de drök op en OVCS koam bienoa neet mjea euver de hellef. Noa eene sjwoane steakpass koos Brahim allein op de keeper aaf, dr woort nog geappeleerd veur boete spel maar de sjeids leet doorspelen en Brahim maakde de verdeende 2-2. Toch besjloot de grens van de teagestenjer onger de paraplu oet te komme en hea heel de vlag in de loch totdat de sjeids mit em koam kalle. De vent hej een good verhoal bliekbaar en wis de sjeids om te kalle en ‘t bleef 1-2 helaas. ‘t woar nog een keteerke, ver speelde al 1op1 en besjloote ozze nuuje keeper Baron ‘The Machine’ Prickett (in de zomer euvergekomme van FC Gelaen Zuid veur een X bedraag) in de spits dr bie te gwoaje en Noudje in de kis te zette. Baron hej al good gekeept en in de spits kent ‘r auch good oet de veut mit zien 1 maeter 99! Ver bleeve alle bel de spits inpompe en vlak veur tied maakde Baron mit ziene ‘shiny’ kale kop de DIK verdeende 2-2! Gooje start van de competitie, joamer dat ver maar 1 punt hejje ipv 3 maar good! Volgende waek Geulsche Boys oet de volgende kans op 3 punte!!
En zo is ut maar net, Ralph. Geer zeet in jeder geval prima oet de zomersjtop gekomme. Kump good! Van ut veerde sjakele veer door noa os tweede elftal. Dat kende uiteraard un drukke zomerperiode, wo in hel getraind woort en auch serieus veur de baeker gesjpeeld woort. Veur dae baeker woort gewonne van Haslou 2 (2-0) en Bunde 2 (9-0) maar woort jammerlijk nipt verloare van Caesar 2 (0-1). Wat die letste nederlaag veur eine sjpeler van os tweede nog net get pienlijker maakte woar dat unne door heum ontvange panna woort vasgelag door unne aanwezige fotograaf. De veur de panna verantwoordelijke Caesar 2-sjpeler herinnerde zien sjlachoffer, in twee instanties, op facebook nog eens aan die actie:
De Sjter 2 kent dit sezoen vanzelfsjpraekend waer raekene op de sjtabiele inbreng van Stefan “de frusj” Frissen. Dae woar prima oet de zomersjtop gekomme en meldde zich in juli neit allein vrolijk bie De Sjter 2, maar auch bie zien zaalvoetbalteam. Lekker in ut zönke op zien nuuje brömmerke. Doa houw hae un goud sjloat veur aangesjaf, dus aan dae brommer kump ‘m geine. Maar ja, wat deisse mit dae dure helm esse aan ut voetballe bes… dae kense neit geweun in ut kleidlokaal loate ligke… Jari Knoops berichtte os dat De Frusj doa un oplossing veur gevonje haet:
Naeve Stefan is auch Bart Linders al joare langk un vaste waarde veur os tweede elftal. Deze natuurlijke opvolger van Raoul Dassen es “keuning van de kap en dreij op de veierkantje maeter” haet inmiddels un nuujt hoes gekoch en is doa lekker gesetteld mit dames-vedette Robin. Tied dus veur unne volgende sjtap in hun relatie zouwse zegke. En dae sjtap liek d’r deze zomer eerder dan verwach al te zeen gekomme, getuge dit bericht van De Sjter 2-elftalleider Patrick Nordhausen:
Dat geit hel, Bart en Robin. Noe neit gek opkieke es jedere zondig de ganse kantine verwachtingvol noa diene boek geit kieke, Robin. Veer kenne noe eenmaal veesj “Linders-bloud” gebroeke in ozze jeugdteams. Os tweede elftal sjteit auch dit sezoen waer onger deskundige en prettige leiding van Jean Janssen. Dat hae unne fejne trainer en unne leuke man is, is inmiddels algemein bekend. Maar dat hae auch op ut nationale toneel unne celebrity is, woar os in Sjtein nog gaar neit dudelijk. In al zien besjeijenheid haet Jean al ongerhauf joar veur os verborge gehaute dat hae waal ens is aangesjuuf op prime time tillevisie:
Dát is nog ens ut baetere research-werk, Jari. Lekker bezig! Veur dat werk kreeg hae van de sjriever van dit sjtuk dan auch unne verdeinde pluim. Ich vroog Jari toen geliek wie de eesjte training van ut sezoen woar geloupe:
Os tweede elftal moosj aafgeloupe weekend de competitie sjtarte mit unne oetwedsjtried taege Schaesberg 2. Net zo wie veurig joar deit Jari Knoops versjlaag:
Ut is zonjig 23 september bie de eerste competitie wedstrijd van De Ster 2 in Landgraaf
tegen Schaesberg ! Het scorebord geet aan en vr zin van start met een zwak uit de
startblokken kommend 2e elftal oet Stein. Zo zou Rene Gooren althans Olav Mol immiteren,
refererend noa de start van eine formule 1 wedstrijd !
Ver hubbe veur 't eerst sins lange tied os neet weite te plaatsen veur de volgende runj van de
beker, Stein-Zuid en Bunde werden nog waal opgerold mit respectievelijk 2-0 en 9-0 maar in
Beak leete ver de punten ligge. Ein zondigsschot vloog de kruusing in noa 90 minuten spelen,
1-0 veur Caesar.
Mer dat terzijde heat De Ster 2 ein redelijk veurbereiding gehad en waore veer dan auch
klaor veur de competitie. Schaesberg 2 is ein ploog wo veer 't altied lestig teage hubbe. 2
joar geleeje omdat ver allemoal ein stuk in de kl*te hejje mer meistal kmdat dit ein fysiek
sterke ploog is. Ver wistten dus auch dat dit eine lestige seizoens eupener ging weure. De
opstilling waor es volgt;
Kis: Donny
Achter: Jari, Yordi, Joep en Frusj
Midden: Cyrill, Frank en Bart
Veur: Raùl, Erik en Quinna
Bank: Luca, Geoffrey en Jesse.
Vlag: René
Schaesberg begoos dus feller aan de wedstrijd mer toch wis De Ster aardig mit te voetballen.
Ein fuitje op 't middenveld leidde echter eine counter van Schaesberg in, die stuurde hunne
snelle vleugelspits deep, dea sprintte Frusj droet en werd neergelag door Yordi (Yordi is
afkomstig van RKDFC, hea woont in Brunssum en is sins dit joar nuuj bie De Ster 2). Penalty !
De werd good benne gesjaote en ver stinge dus al snel achter.. hienoa begooste ver get
beater te voetballen veurnamelijk mit 't insjuufe van Joep.
Frank hej zich al ein aantal keren in hoare gehad mit de spits van Schaesberg, de euveriges
de ganse tied al aan t misselijke waor ! Veer begooste dus beater te voetballen en
Schaesberg speelde op dit naate veld veural op de counter mit hun snelheid veurin ! Noa
weer zo eine snelle counter leek de spits ein aantal keren de 2-0 op de voot te hubbe mer Jari
zoat er tusje en verdedigde oet via de eigen poal, Joep hej ein iesbeinke er veur euver om
eine bal te blokken en Donny parreerde auch ein aantal keren good !
Aan de euverkant werden veer neet eeg gevaarlijk, op ein paar waarschuwingsschoten noa
hej de keeper vrie weinig te doon. Russtand waor dus auch 1-0. In de rust koam Luca veur
Jari en ging Quinn op de snelle vleugelaanvaller spelen om dea ontschadelijk te maken. Frusj
wisselde noa links. In de warming-up hej Frusj alles good geraakt en noa 52 minuten koam
hea dan auch op 't scorebord. 2-0, de frusj deponeerde de bal in de eigen kruusing.... 2
minuten later kreeg De Ster eine vrieje trap, deze werd binnen gekruld door nemes minder
dan Joep Nacken. 2-1 !! In de 56e minuut waor 't weer raak ! Via eine mooie aanval koam de
bal bie Frank dea de stand weer geliek trok ! 2-2 !! Luca kreeg ein gooj kans op de 2-3 mer
wis deze neet te verzilveren en Quinn sjoot nog op de poal ! Geoffrey kaom veur Raùl. Noa
63 minuten hej Quinn de bal op de links back positie, hea zoag de loup actie van Bartje, hea
goof de bal perfect. Normaal is Bartje neet zwao snel mer omdat ziene teagestenjer eine
drejcirkel van eine Boeing 737 hej waor hea eerder bie de bal en deponeerde Bart de bal in 't
netje ! 2-3. Hienoa kreeg De Ster legio kansen mer deze werden neet benut. In de 76e minuut
ging de spits van Schaesberg in ein duel nao de grond en veel hea verkeerd. De heurdes al
get kraken en hiedoor werd de wedstrijd oeteindelijk definitief gestaakt ! Achteraaf heurde
ver via Erik dat deze jong, Giel Storken, zien kuut op 3 plekken gebroake hej.. Heel veul
betersjap aan deze jong names 't team !!!
Van de KNVB heure ver nog wie noe verder mit deze wedstrijd. Oetspelen mit nog 14
minuten of oetslaag loate stoan? Ver zalle t vas en zeker zo snel meugelijk heure !
Van os tweede elftal sjakele veer door noa de mannen van 3. Die houwe auch un prima
zomerse periode mitgemaak, wo in veural aan de teambuilding woort gewirk, rondjom ut
WK-voetbal:
Helaas houw die geweldige zomerperiode aafgeloupe weekend nog neit ut gewenste effect
in de vorm van unne driepunter. Thoes taege Sjarn ginge de gasten d’r mit de 3 punte
vandoor noa un 2-3 nederlaag. Kommend weekend de perfecte taegesjtenjer om te
revancheren, in de vorm van Urmondia 4. De eesjte punte van ut sezoen pakke in unne
derby, dat zal vas en zeker un extra vuurke loate brenne bie os mannen. Succes!
Van ut driede sjakele veer door noa os eesjte elftal. De mannen van 1 begoosjten, zo wie dat
heurt, es eesjte team aan de veurbereiding. Ozze vaste “ultra’s” woare vanzelfsjpraekend
bie de eesjte training aanwezig om de verrichtinge kritisch gade te sjloan:
Gelukkig zoge ze neit allein nuuje gezichte maar auch unne houp vertroewde köpkes. Al is
de verjonging van de selectie de letste joare waal dusdanig hel gegange dat inmiddels Randy
“Wanteliç” Wanten de oudste routinier van de selectie is. Ich zeen ‘m godverdomme nóg es
sjneuzelke van 17 joar veur ut eesjt mittraine mit de grote jonges. En noe is ‘r inmiddels
zoveul ouwer es zien ploeggenoten dat hae de geuzennaam “milfhunter” neit ens meer
moag drage. Ut is immers “op ziene laeftied” toch vanzelfsjpraekend dasse in de categorie
30+ dames geis vusje..
Auch Randy’s brouer Wesly is, es verzurger, gelukkig nog ummer van de partie. Want de
interactie tusje die twee zurg geregeld veur leuke input veur dit versjlaag. Zo auch dees
waek, in de vorm van app-verkeer tusje de gebroeders euver de vetpercentages bie de
selectie van 1:
Daezelfde Wesly is euveriges op dit moment helemoal in zien sas. Zien verzurgers-hok haet
namelijk un grote opknapbeurt gekrege de aafgeloupe waeke en kent noe bogen op unne
prachtige nuuje vloer. Mit dank aan Rob Stassen veur de sponsoring, en elftalleiders Piet
Vos en Peter Janssen veur ut sjleipe mit materiale en ut aanlegke. Ut zuut d’r gelek oet
manne! Klasse!
Un angere vaste waarde die veer dit sezoen gelukkig waer in actie kenne zeen is ozze nuuje
captain Davy Hodselmans. Dae leet zien teamgenoten zeen, wie un goeie balans d’r oetzuut
veur unne jonge gast: in de zomer lekker un combi make van doortraine en dich af en toe
goud ongerdompele in ut oetgoanslaeve:
En bie de oetruiping van de nuuje oogst-keuningin in Berg woare ozze twee toppers, Randy
en Davy, natuurlijk auch van de partie om, same mit sjpelverdeiler Mike Haberland, de
keuningin es eesjte te felicitere:
Tusje al die gevestigde namen haet veurig sezoen linksback Sjoerd Vanmulke zich auch
prima ontwikkeld tot unne vaste basissjpeler in os eesjte elftal. Dat Sjoerd inmiddels meer
dan allein voetballend om zich bie haet gekeke en dinger haet opgepik, bliek waal:
Dat in zo’n veurbereiding neit alles euver rozen geit, moage auch dudelijk zeen. Die feeskes
zeen natuurlijk waal allemoal leuk, en coach Maas traint allein maar mít bal in plaatsj van
sjtom rundjes renne, maar doordat de intensiteit zo hoog is, vreug dat heel get van ozze
jonges. Tja, en dan zitse d’r geweun af en toe helemoal doorhaer:
Langs de lien zulle veer dit sezoen bie os eesjte elftal auch waer super-clubman Marco
Vaessen in actie zeen. Dae bleek deze zomer enerzijds unne mitlouper, want hae ging volop
mit in de hype van de “snelle planga’s” (veur de 25-plussers onger os: zonnebrille). Maar
tegeliekertied bleek hae trendsetter te zeen, want in noavolging van Marco lup inmiddels
houf profvoetballend Nederlandj (o.a. Ryan Babel en feyenoorder Jeremiah St. Juste) rondj
mit un kapsel à la Marco:
Os eesjte wurt auch dit joar waer geleid door coach Jean Maas. En wo dae veurige zomer
nog bienoa dagelijks rennend door Sjtein woort gesignaleerd, veel ozze reporters op dat hae
dit joar unne minder sjportieve zomer haet gehad:
Ozze mannen van 1 moage dit sezoen in de competitie onger angere waer oetkieke noa
sjieke derby’s mit Caesar. Ut aantal jonges mit get joare Caesar-ervaring in de bein is dit
sezoen waer oetgebreid bie os eesjte elftal. En aug mit ut auch op de toekomst lieke veer os
gein zurg te houve make. Want getuge ongersjtoand bericht van “Caesar-coming man” op
de Caesar-groepsapp, kenne veer blieve vusje in de vruchtbare Baekse viever:
Maar veurdat aan de baeker- en competitiewedsjtrieje koosj waere begonne, moosjte
natuurlijk auch de rugknummers nog waere verdeild. En mit un aantal vertrekkers en un
aantal nuujelinge, woort dat dringe om de baetere nummers. Tja, en dan hubse aan Randy
Wanten unne goeie. Dae houw get leuks bedach:
Bob Dukers houw doa auch loch van gekrege en appte in blinje paniek routinier Randy om
noavroag te doon:
Zo wie ummer waere auch dit sezoen mit name de vriedig-traininge van ozze selectie
bezoch door un aantal vaste volgers. Die make d’r dan geliek unne gezellige oavend van in
de kantine. Mark Habets woar in dat kader opgevalle dat Roger Daemen, van wae veer
ummer dachte dat hae allein dochters houw, auch unne zoon haet. En dat jungske moch dit
sezoen auch al un paar keer laat opblieve in de kantine op vriedig, omdat de sjole nog neit
begoosj woare:
De baeker-avonturen van os eesjte elftal woare de aafgeloupe joare prachtig. Veer ginge ut
bienoa vanzelfsjpraekend vinje dat jeder joar de kwartfinales woorte bereik en ongerwaeg
menig hoofdklasser en eesjte klasser onger de vout woort geloupe. Dit joar ging ut echter
angesj. Ozze jonges baekere in unne zjwoare poule, ondanks prima wedsjtrieje, neit door.
De sfeer leed doa echter absoluut neit onger. Mit name de busreis noa Venhorst verleep in
opperbeste sjtumming. Op de haerweg sowieso, en op de terugkwaeg, ondanks de
nederlaag, zelfs nóg baeter. Dat woar euveriges waal te danke aan Frank “Bitterbal”
Haenraets, dae de aovend redde door in Venhorst ut dreigende beiertekort in de bus aan te
vullen mit lokale Bavaria-flesjkes, die vakkundig koud woorte gehaute in de tesj van
verzurger Wesly:
Vanwaege die reddende actie woort Frank op de terugkwaeg luidkaels toegezonge door zien
ploeggenote, terwiel hae mit blote pens door de bus rende. D’r woar maar eine jong dae
van dat alles niks mitkreeg. En Randy Wanten wis precies woarom:
In de baekercompetitie koosj coach Maas euveriges gein beroep doon op vaste waarde
Hassan Benabdellaouhab. Dae is namelijk geblesseerd. En zien berichskes euver de dubieuze
behanjelpraktijke van zien blessure, gaeve weinig hoap op unne sjnelle terugkkeer:
En om nog effe terugk te komme op ozze Frank. Dae nuimde ich hieveur nog waal
“bitterbal”, maar inmiddels sjient hae unne nuuje bienaam te hubbe:
Ozze jonges moosjten aafgeloupe zondig aafreizen noa Bocholtz veur hunne eesjte
competitiewedsjtried. Verzurger Wesly geit veur de wedsjtried ummer bie Ans van de
kantine langs om ies te hoale veur in zien tesj. Waekelijks krig hae dan de vroag van Ans
welke sjmaak ies hae wult. Dit weekend ging Ans nog unne sjtap wiejer en duujde Wesly
daadwerkelijk un vanille-ieske in zien tesj:
En noa deze heeeele lange intro, deit Randy Wanten versjlaag van de wedsjtried van os
vlaggesjip:
De ster 1 begoosj de competitie mit de enige oetwedstrijd in ein andere provincie dan limburg, namelijk teage sportclub ‘25 oet Nordrhein-Westfalen. Bie aanvang van de wedstrijd woar d’r al 125 mm reage gevalle en de (natuur)graasmat woar beheurlijk drassig. Dat speelt ein voetballende ploog es de ster natuurlijk al neet in de kaart. Enfin, veer begosjte de wedstrijd es volgt: in de kis: ruud schuman. Achterin v.l.n.r. Sjoerd, timo, davy en randy. Op ‘t middenveld buffelden mike, bob en guillermo. Veurin speelden giel en bryan op de flanken en boyd in de punt. Noa ein aaftastend begin kwoam de ster get beater in t spel. Oeteindelijk wis de ster zelf op 0-1 veursprong te komme door boyd! De ster controleerde de eerste hilf en goof bienoa niks weg. Desondanks woar het spel aan beide kanten slordig omdat het veld moeilijk bespeelbaar woar (mit de neudige glij-partiejen). Helaas wis de ster aan het einde van de tweede hilf ein aantal goeje kansen neet te benutten. Onder andere giel sjoot keihel binnekant poal van aafstand, maar de bal wilde d’r neet in. De tweede hilf verdeende auch neet ech de schoonheidspries en woar aanvankelijk einzelfde soort spelbeeld es de eerste hilf. Rond de 70e minuut verloor de ster noa eine slordige paas van randy de bal op ‘t middenveld. Bocholtz wist in twee balcontacten vanaaf de rand 16 te scoren... 1-1. De ster controleerde nog altied de wedstrijd en ederein hei het geveul dat de ster nog ging scoren. In de 85e minuut ging boyd op avontuur en dribbelde de defensie van bocholtz kapot. Wie hea in de 16 meater kwoam trokke twee verdedigers aan de noodrem en sjoffelde boyd onderoet zonder de bal te raken. Maar tot verbazing van alle 22 man op ‘t veld goof de sjeids geine penalty! Hea goof zelfs ein geal kaart aan boyd, omdat dea de sjeids iets te nadrukkelijk wees op ziene dikke blunder. De ster woort hie echt te kort gedoan..! En dan veulse het al aankomme.. bocholtz wist in de 90e minuut auch nog de 2-1 te prikken door eine kut lange bal, dea precies good veel. Ein uiterste krachtsinspanning mit invallers Dani Boutsen en Stan Loog moagde helaas neet baten... De ster heat zichzelf hie ech te kort gedoan, maar dat kump zeker auch veur ein groot gedeilte op het conto van eine warrige sjeids! Helaas.. eine valse start van de competitie. Volgende weak mot dat thoes good gemaak weare teage de sjengen van Heer! Dat is balen veur ozze mannen van 1, maar kommende zondig wurt Heer ongetwiefeld ut sjlachoffer van de revanchegevuiles bie de gael-zjwarten. Come on boys! Van ut eesjte goan veer door noa ozze dames. Die hubbe veurig sezoen, zo wie’t geer allemoal wit, un geweldig veurig sezoen gehad dat woort bekroond mit ut kampioensjap. Bovendien sjleipte captain Bo Knoops auch nog veur ut tweede sezoen op riej de gouwe sjoon in de wach, es meest scorende seniorensjpeler. Die geweldige prestaties woorte vanzelfsjpraekend in de zomer nog effe flink gevierd. Want via allerlei social media kome un groot aantal foto’s veurbie van feestende ladies:
Dat kampioensjap haet natuurlijk waal auch un keerzijde, in de vorm van promotie noa un hogere klasse. Noe is un nuuje oetdaging natuurlijk altied un sjportief gegaeve maar in ut damesvoetbal beteikent un promotie auch al sjnel heel get meer reisaafsjtenj. Want ozze dames motte dit sezoen, aafgezeen van de derby taege IVS, allein maar richting midden en noord limburg reizen. Pak daobie dat de gemiddelde dameswedsjtried om 10 of 11 oer al begint op zondig en tel doa de sjtap- en alcoholconsumptie—geweuntes van de Sjteinder dames bie op en de conclusie is al sjnel dat ’t un zjwoar sezoen geit waere. Van de angere kantj: un baetere sfeer es bie ozze eige dames is d’r ongetwiefeld bie gein enkel anger damesteam. En die goeie sfeer geit zeker weite punte oplevere dit sezoen. En ach, dat de sezoensouverture mit 9-2 (goals van Bo en Rachel) verloare ging, oet taege SVEB
in Broekhuizenvorst (Joost moag weite wo dat ligk), doa trekke veer zeker nog gein conclusies oet. Geweun lekker gaas gaeve dames. Op vriedig in de kantien, op zoaterdig in de cafe’s en op zondig op ut veldj. Kump goud! En dan rest os nog maar ein team om te besjpraeke. En dat is geliek ut team dat al de meeste wedsjtrieje d’r op haet zitte, ozze veteranen. Want zo wie jeder joar beginne die al hauf augustus aan hun wedsjtriedprogramma. Tot en met aafgeloupe weekend houwe d’r maar leifs 5 wedsjtrieje op ut programma gesjtange. Helaas woorte d’r doa 2 van aafgelasj door taegesjtenjers die de luuj neit biejeinkrege. En auch aafgeloupe weekend leek de aafmelding van taegesjtenjer Catsop tot un wedsjtriedloos weekend te leiden veur de vets. Maar gelukkig woar doa de geweldige secretaris Willem Thewissen dae unne vervangende taegesjtenjer wis te regele. Maar veurdat veer de gesjpeelde wedsjtrieje goan besjpraeke, goan veer eesj maar ens de zomerperiode van de vets doornumme. Un periode wo in de groepsapp van de veteranen absoluut neit sjtil ligk. Zo vrolijkt Willy de Worm un paar keer per waek de ganse groep op mit sjone digitale kalenders van sjaars gekleide vrouwluuj en is ut de inmiddels mit voetballe gesjtopte Steef van de Woude dae waekelijks de geesten verruump mit aafsjuwelijke filmkes. Maar ut hoogtepunt van dat appverkeer is toch waal de waekelijkse foto van stijl-icoon Mat “de metroman” Cremers:
Oetsjtraling, bravoure, unne sensuele blik in de auge, gelardeerd mit un klein vleugje zelfsjpot. Zo geit ozze “aanvoerder der aanvoerders” door ut laeve en herinnert hae gans Sjtein d’r waekelijks aan wat veur un sjtelleke kansloze boere veer mit z’n alle eigenlijk zeen.
In de goal kenne de vets dit sezoen waer un beroep doon op good old Rudy Crutzen. Dae
woar deze zomer perfect oet de zomersjtop gekomme. Neit allein haet hae ut prima noa de
zin es hoofdtrainer van Horn, maar hae woar auch nog ens live goan kieke noa ut, in zien
auge, lekkerste vötje van Europa. En nae dan hub ich ut neit euver zien idool Buffon. En nae,
auch neit euver zien “hartje” Christel. Euver wae dan waal? Helene Fischer natuurlijk. En de
vets woare maar get blie dat Rudy zien oetzicht deilde mit de ganse groep:
De selectie is in de zomerse periode auch waer wiejer versjterk en verjongk. Naeve de veurig
sezoen al aangetrokke Bart Pantus, is d’r namelijk nóg un jeugdig talent aan de selectie
toegevoeg. Unne man dae de joarlijkse voetbalwaek veur de jeugd aangreep om druk te
lobbyen bie diverse Sjter-luuj om toegeloate te waere tot ut selecte gezelsjap veteranen:
Geer zeet ut goud: Pascal Conjour is de nuujste aanwinst van de vets. In ut kader van
veurzichtig brenge van jeugdig talent woar Pascal echter nog boete de selectie geloate veur
de aaftrap van ut sezoen van ozze vets taege VV Margroate.
Dae wedsjtried woar de selectie sowieso aan de grote kantj. De basisplaatsje woare
doadoor duur. Veur de ein reje om un sjtepke truk te doon en veur de anger reje om zien
elleboage te gebroeke, richting coach Leon.
Leon: Paul, wulse de tweede helf voetballe?
Paul: Neuuuuuuhhh loat mer.
Leon: Wat, loat mer ?
Paul : Ich kom geweun veur get sjtom te kenne kalle.
Ron : Dan keep ich waal. Ich hub allein gein heisje.
Leon : Willem, hubs doe keepersheisje bie dich veur Ron ?
Willem : Allein es ich un basisplaatsj krieg.
Ron : Dan keep ich waal mit blote henj.
In ut kleidlokaal ging Willem Thewissen get nader in op de dit sezoen te volge tactiek.
Willem: Jonges, veer goan dit sezoen get dwingender sjpele. Mit de 5 seconden-regel. Willy
de Worm geit langs de kantj hel tot 5 telle en dan motte veer de bal truk hubbe veroverd. En
dat begint veurin bie dich Stef.
Willy: Hubs doe get verkeerds gegaete ofzo?
Stef: Ich sjpeel neit ens in de sjpits.
Willem: Enne?
Stef: Van Leon mot ich op rechs sjpele.
Willem: Dan zurg maar datse constant noa binne geis want ich hub ruumte neudig veur
mien rushes.
Stef: Ich goan auch geweun in de sjpits loupe. Kent mich kapot valle.
Willem: Mosse doon. Doe bes toch auch de nummer 1 in de pikorde.
Ron: Wiezo? Omdat ‘r ut lekkerste wief haet?
Vervolges koom Piele ut kleidlokaal in. Dae woar sjus truk van vakansie en woar ech asociaal
broen. Leon deig echter esof zien naas blooide.
Leon: En Piele, besse neit op vakans gewaes?
Gerard: Joewaal, maar hae haet kut-waer gehad.
Vervolges maakte coach Fredrix de opsjtelling bekend. Willem Thewissen woort neit
genuimp bie de basis opsjtelling.
Willem: En ich dan, achterlijke?
Leon: Doe sjpeels de tweede helf.
Ron: Moag ich dan de tweede helf keepe? Dan krieg ich tenminste veul te doon.
Ron: Trouwes, is d’r nog ummer geine keeperstrui veur mich?
Leon: Veer hubbe toch waal eine gehad, Willem?
Willem: Joa, dae van Rene Hillen meinse?
Ron: Auw kut, hub ich net sjieke nuuj voetbalsjoon en dan zuut geine die es ich dae trui van
Rene aan hub.
Vervolges ging jederein goud gemutsj richting ut veldj om doa vakkundig mit 7-2 aafgedreug
te waere door Margroate. Doelpunten woorte gemaak door Bart Pantus en Rob Schulpen.
Noa twee aafgelasjte wedsjtrieje woar d’r 3 waeke later eindelijk kans op revanche. D’r
sjting unne oetwedsjtried taege Lintjheuvel op ut programma. Roger Daemen woar doa veur
ut eesj waer van de partie en koosj dus zien nuuje rol es lid van de technische staf
oetoefene, same mit Willy de Worm. Die twee wisten elkaar al goud te vinje.
Piele: Enne Roger, wie woar ut in Turkije?
Roger: Heerlijk. Twee waeke doa gewaes.
Willy: Twee waeke? Hubbe ze noe nog sjöap doa dan?
Ron Marchal vertelde dat hae toevallig de waek doaveur in Horn woar belandj in un cafe.
Doa houw hae aan unne stamgast gevroag noa de lokale voetbalclub.
Ron: Hub geer dit sezoen unne nuuje trainer, loos ich?
Stamgast: Joa, dat klop. Dae is trouwes auch oet Stein. Crutzen of zoget?
Ron: Rudy Crutzen?
Stamgast: Joa, kense dem?
Ron: Joa, dae is mich un partie sjlech. Veer woare blie dat veer d’r van aaf woare.
De wedsjtried taege Lintjheuvel woort un prachtige veursjtelling veur de neutrale
toesjouwer, die eindigde in un 2-6 euverwinning veur ozze vets, De goale woorte gemaak
door Stef (2x), Levi (2x), Misha en…. Pascal Conjour, dae un druimdebuut dus bekroonde mit
un goal. Klasse Pascal !
Noa aafloup woar ut auch waer geneite in de kantien van Lintjheuvel. Enerzijds van de
verhoale van Mat euver zien sjlange-laere sjoon en angerzijds van de breudjes kroket en
frikandel die geserveerd woorte:
En dan zeen veer alwaer aanbelandj bie aafgeloupe weekend. Un weekend wo in de vets moosjten
aantraeje taege ut ummer sjterke Hulsberg. Veuraaf in ut kleidlokaal houw Willem un belangrieke
mededeling.
Willem: Jonges, ich hub besjloate om neit meer mit te voetballe. Allein nog in noodgevalle.
Piele: Enne? Is doa euver gesjtump?
Misha: Willem, d’r is toch verdomme gein woord gevalle!
Willem: Ut woar un lestige besjlissing. Veulen hubbe mich gevroag om door te goan…
Jederein in koor: NAMEN!
Vervolges koom Stef ut kleidlokaal in. Toen veel Willem nog get in.
Willem: Jonges, de jongste van Stef is gescout door Roda. Es keeper… dat wurt de eesjte keeper dae
geine bal aafgeef.
Ron: Die zulle Resi waal gescout hubbe.
Coach Fredrix maakte de opsjtelling bekend en Pascal Conjour bleek op de bank te zitte.
Eddy: Is dat noe waal versjtenjig? Unne Conjour op de bank zette.
Willem: Pascal wurt gesjlachofferd ten gunste van grotere vedetten. Ut is hie ummer utzelfde.
Noadat Leon de opsjtelling houw medegedeild, koom Roger Daemen, lid van de technische staf
richting kleidlokaal. Vlak doanoa volgde Jo van de kantien dae Roger ziene sjportmaaltied in de henj
duujde:
Rudy: Nae!!!!! Dat meinse neit!
Roger: Wulse d’r naeve sjtoan, ofzo?
Willem Thewissen, inmiddels dus neit langer sjpeler maar waal nog in functie es lid van de
technische staf, keek ens rondj in ut kleidlokaal en zien aug veel op de super aafgetrainde
sixpack-bezitter Levi Nelissen, dae deze zomer nog de Iron Man haet volbrach.
Willem: Levi, probeer un bitje oet de duels te blieve, want doe bes mager gewoare.
De wedsjtried woort unne supersjpannende. De Sjter sjtartte ut sjterkste en koom op
veursjprong via unne prachtige aanval dae door Misha Dreessen beheerst woort aafgerondj.
Kort doanoa woort de veursjprong zelfs verdubbeld wie Rob bie de tweede poal Stef
bedeinde dae soeverein aafdrukte veur de 2-0. Hulsberg deig veur de rust echter al get truk
wie de taegesjtenjer van Misha noa binne trok en dreug in de lange houk sjoot. Dit tot
irritatie van keeper Rudy.
Rudy: Doe zuus toch dat hae noa binne geit trekke!!!!!!
Misha: Doe zuus toch dat hae in de lange houk geit sjeite?
Rudy: Noe godnonde… ach loat auch maar.
In de tweede helft verzuimde De Sjter om de kracht van de iezersjterke linkerflank Robbie
van der Linden-Pascal Conjour-Will Leurs optimaal te benutte wodoor Hulsberg nog kans
zoog om de sjtandj geliek te trekke. Un puntendeiling woar dus de oetkomst van unne
boeiende pot voetbal.
Noa aafloup in ut kleidlokaal gein treurnis. Waal waer genog sjtomme kal.
Robert Kraus: Ich woar lets noa un foto van wie ich in de A1 sjpeelde, aan ut kieke.
Stef: Oh enne?
Robert: Toen veel mich op dat d’r nog maar eine bie zien eesjte vrouw is gebleve.
Stef: Joa doe.
Robert (greutsj lachend): Inderdaad
Ron: Joa, en die angere 15 zeen noe gelukkig.
In de kantine doerde de derde helf lekker lang. Willem Thewissen leek helemoal in zien
nopjes te zeen mit zien nuuje rol es lid van de technische staf en es besjteller van de
deinblaje beier. Al sjtook ‘m op un gegaeve moment toch waal get. Gelukkig woar doa
vrundj Ron Marchal om Willem op te beure.
Willem: Jonges, de reactie op mien sjtoppe woar mich veuls te lauw. Dit is de letste keer dat
ich beier veur uch hoal.
Ron: Es doe ech beloafs de sjtoppe, hoale veer dich veurtaan ut beier waal.
En op dat moment heurdese Willem in zien kop geweun zien gevleugelde oetsjproak
herhoale:
Jederein krig van Here Jezus unne vrundj… en ich krieg zo’n auw kut.
Pes volgende waek!
Rob Sjulpe