Op waeg nao de elfde van de elfde - Marotte Zitterd · vanaovend de vastelaovessjlager 2016...
Transcript of Op waeg nao de elfde van de elfde - Marotte Zitterd · vanaovend de vastelaovessjlager 2016...
Op waeg nao de elfde van de elfde…
Leif luuj, Marottinnekes en Marotte, vastelaovesvrunj,
Veur väöle is de zomervekans alweier achter de rök. Jeder jaor weier is dit ’t moment wo ’t bloud van mènnig richtige Zitterder langzaam begint te broesje ómdat hae wit dat veer weier kènne gaon oetkieke nao de elfde van de elfde, de äöpening van ’t vastelaovessezoen.
Waat väöl luuj mesjiens neit weite is dat d’r Zitterder zeen wovan ’t vastelaovesbloud ’t ganse jaor door broesj. Dat zeen de luuj die ’t ganse jaor bezig zeen mit ’t sjrieve van vastelaovesleidjes, ’t bedénke van ’n sjoon melodie en de arransjeménte inein sjtevele. Want, leif luuj, zónger vastelaovesmeziek geine Vastelaovend.
Vanaovend loestere, kieke, zénge en sjoenkele veer mit oppe zank en meziek van ellef kanjaasj, die al door ’n veurselekse zeen gekómme óm vanaovend ónger begleijing van Big Bend Beeg te kènne sjtraole hie in Volt, de meziektempel van Zitterd. Ónger leijing van ’n vaksjurie en mit eur sjtöm wurt vanaovend de vastelaovessjlager 2016 oetgeroupe.
Grote dank en kómplemente gaon oet aan alle leidjessjrievesj, arransjeurs, sjurielede en vriewillegesj die d’r jeder jaor en zeker ouch vanaovend ’n sjoon sjpektakel van make.
Ich wunsj uch names de Marotte meziek en CD kemisse eine fantastiese muzekale aovend en de deilnummesj väöl sukses.
Rob Sprengers
Volgorde Finale
1. MÖRGE BÈN ICH WEIER ALLES VERGAETE Tèks/ Meziek: Ger Muijrers Arransjöör: Paul-Jean Jessen Gezónge door: Manon de Bruijn en Maurice Indemans
2. ‘t LAOK Tèks/ Meziek: Sjohn Smeets – Gian Prince Arransjöör: Gian Prince Gezónge door: Cyrille Niël
3. SJOONSTE FEESKE VAN ‘T JAOR Tèks/ Meziek: Phil Schaeken Arransjöör: Jan van Daal Gezónge door: Rene Dirkx
4. WAT MAAK ‘T OET Tèks/ Meziek: Peter Schaeks – Jo Deusings Arransjöör: Jan van Daal - Paul-Jean Jessen Gezónge door: Drie en Ein
5. SAME IS SJOONDER Tèks/ Meziek: Guus Steinen – Chrissy Steinen Arransjöör: Huub Lemmens Gezónge door: Chrissy Steinen en Monique Pepels
6. GAEF GAAS Tèks/ Meziek: Theo Wezenberg – Marc Verblakt
Arransjöör: Marc Verblakt Gezónge door: Oet Balans
7. DE LÈTSTE
Tèks/ Meziek: Petro Willems – Ed Geilen Arransjöör: Achim Helbig Gezónge door: Gein haor baeter
8. VAN BÈNNE Tèks/ Meziek: Paul Donners – Bettina Kamps Arransjöör: Hub Boesten Gezónge door: Maike, Jan en Ron
9. ICH SJPRAEK ALLE ZAHLEN Tèks/ Meziek: Miriam Bartels – Theo Bartels Arransjöör: Theo Bartels Gezónge door: Koep Marie
10. VEER ZEEN D’R BIE Tèks/ Meziek: Jan Dieteren – Paul Erens Arransjöör: Marc Verblakt – Paul-Jean Jessen Gezónge door: Duo Haanverbuul
11. SJNAP MIENEN ERM
Tèks/ Meziek: Rob Hodzelmans Arransjöör: Rob Hodzelmans Gezónge door: Hofzéngesj Euverhaove
1. MÖRGE BÈN ICH ALLES WEIER
VERGAETE
REFREIN:
Mörge bén ich alles weier vergaete, mörge weit ich nurges meer get van.
Neit meer waat ich höb gezach en waat ich höb gedaon.
Ouch neit dat ich neit meer op mien bein koosj blieve sjtaon.
Mörge bén ich alles weier vergaete, mörge weit ich nurges meer get van.
Laot de luuj mer lache és ich óm val jédesj keer, dat weit ich mörge toch neit meer.
KOEPLÈT 1:
Ich haw mich veurgenómme, in de optoch mit te gaon.
Mer dae waar al vertrokke, eer ich waar opgesjtaon.
Ich sjónkelde van hie nao dao en drónk mich meinig glaas.
Tot dat ich neit meer wis, wat veur of achter waar.
KOEPLÈT 2:
Op éns woord alles duuster, ich dach wat gebeurt d`r noe.
Toen kreeg ich in de gate, ich haw mien auge toe.
Ich waar in sjlaop gevalle, zo geit `t mich altied.
Maar `t ergste noch, mien kleier waar ich kwiet.
KOEPLÈT 3:
Zie zat zich op mien sjeutje en ze sjtreek mich door mien haor.
Vroug mich om ein muulke ich wis neit wae ze waor.
Veer danste en veer zónge,`t is carnaval alaaf.
En veur de angere daag, sjprouke veer same aaf.
2. ‘T LAOK
KOEPLÈT 1:
Läöker in de sjoon,van gans den optoch loupe,
Ein läökske in de henj,van weier ein pekske koupe.
Dat laok in de deur,dat is de breivebös,
Dao sjtuk hie sjtraks ein tillegram,de pos geuf häör gein rös.
Opmaot.
Euver läöker kènste heel lang ligke sjlachte,
Mer in de optoch houfste neit lang d’rop te wachte….
REFREIN:
Waat ein laok,waat ein laok,jóng noe kiek èns oppe sjtraot,
Noe höb veer tied veur effe eine te gaon drènke.
Waat ein laok,waat ein laok,jao dat kump hie oppe sjtraot,
Noe kèn veer nao de euverkantj èns effe wènke.
Dae waat dat laok hie in den optoch haet gemaak,
Haet volges mich toch eine rood gael gruine sjmaak.
Jao zo’n laok,jao zo’n laok dat kump toch ummer goud van pas,
Went mit dat laok haet me hie, de allergrootste sjpas!
KOEPLÈT 2:
Läöker in de patsj, veur al die sjieke vaere,
Of wooste ze ouch sjtuks, laot jeder mer gewaere.
’t Laok in ein glaas, dat haet dan weier zin,
Want angesj wurt ’t klooje van wo mot dat beier noe in.
KOEPLÈT 3:
Läöker in de träöt,óm duchtig d’rop te blaoze,
Get läöker in ’t vel,van op die tróm te raoze.
Noe sjtèl dich èns veur,gein läöker in de kop,
Dan koosjte veer neit drènke,jao dan heurt ’t leidje op….
3. SJOONSTE FEESKE VAN ‘T JAOR
KOEPLÈT 1:
't Is nog sjtil in de sjtad, gein geluud, mirkste dat?
't Liek of jederein zach lik te sjlaope
de kafee is nog toe, kastelein haet nog roe
de frituur is nog ummer neit aope
jao, de tróm in de kas en de träöt höbbe ras
'ch mót 't pekske nog effekes sjtrieke
mer inèns:'Kóm èns flot, is dat neit vors Marot
en de prins ouch d'rbie, mós te kieke …....!'
REFREIN:
Vastelaovend, vastelaovend, sjoonste feeske van 't jaor
vastelaovend, vastelaovend, kóm, lèk alles noe mer klaor
leer de leidjes, zuik de sjminkdoos, pas 't pekske,'Zit 't goud?'
want dit feeske, dat zal blieve,'t zit bie ós jao in ’t bloud
luuj, ich kèn 't neit besjrieve, vier 't mit,'t deit dich goud.
KOEPLÈT 2:
't Is nog sjtil in de sjtad, gein geluud, mirkste dat?
Optochhal, bènne is 't nog duuster
kiek, de Mert, dae is laeg, versjaald beier, gein krae
in de kirk heur ich gans zach gefluuster
bie De Phil, De Sint Joep, 't is sjtil oppe sjtoep
De Marotte, jao, die euverlègke
mer inèns:'Heur, meziek, mós te loestere, kiek
ich verklap 't, ich zal 't mer zègke ….....'
4. WAT MAAK ‘T OET
KOEPLÈT 1:
Harie waor o zo bliej
Wiej dae kale aan de deur sjtóng
Van de Dé Laoterie
Hae wis zeker dat 'r nooit mer wèrke zou
En zich alles kós koupe wat ‘r mer wou
Pakte de envelop en keek d'r in
Toen bleek, dat dae kale, biej de bure mós zin
Harie dae baalde wie ‘ne sjtekker
Voolt zich gekloot en helemaol neet lekker
Toen zag zien vruike Marie
Wat 'n ellende, mer dat geit vanzelf veurbiej
REFREIN:
Wat maak 't oet
Es veer mer gelökkig zin
Wat maak 't oet
Es ich mer vastelaovend viere kèn
wat maak 't oet
Ich zègk 't ummer weer
'T Geit óm de sjpas, ėn 't geit óm ’t plezeer
KOEPLÈT 2:
Harie keek mit Marie
Op televisie nao de trèkking
van Dé Laoterie
Opins vloog de deur oet de sjtiel
Sjtóng de politie op de gank mit 'n biel
Bleek dat ze biej de bure móste zin in de garaasj
Want dao sjtóng ėnne joekel van 'n wietplantaasj
Harie dae baalde wie ‘ne sjtekker
Voolt zich gekloot en helemaol neet lekker
Toen zag zien vruike Marie
Wat 'n ellende, mer dat geit vanzelf veurbiej
Sóms geit ’t good, sóms zit ’t taege
Löp d’r van alles en nog wat mis
Dat is noe einmaol ’n gegaeve
Dus num ’t laeve wiej ’t is
5. SAME IS SJOONDER
REFREIN:
Doe en ich, ich en dich
Same is toch sjoonder es jeder veur zich
hie mit ós, en mit uch
’t is de vastelaovend dae os altied same krig
KOEPLÈT 1:
Noe sjtèl dich veur, de mert sjtóng vol, mer toch haw m’n neit väöl lol
en mit de erm euverein sjtóng me te kieke
Jeder veur zich, nemes leip werm, me sjnapde zich neit in de erm
Jederein sjtóng get te kieke wie ‘ne kuuke
Mer zo zal ’t hie bie ós besjlis neit gaon
Want veer weite waal wie veer dat mótte doon
KOEPLÈT 2:
Om 3 daag gans allein te sjtaon, nei, dat zou toch ech neit gaon
Zelfs ‘ne einzelgenger wilt dao niks van weite
Me sjnap toch waal dat eine man gein polonaise loupe kan
En ’t sjoenkele dat koosjte ouch vergaete
Me zo zal ’t hie bie ós besjlis neit gaon
Want veer weite waal wie veer dat motte doon
Outro:
De ganse sjtad is dan ’n sjitterend gezich
6. GAEF GAAS
Ben ich noe te laat? Zeet geer al begonne?
Ich wós neit wie of waat. Ich sjtóng nog bie de bónne.
REFREIN
Gaef gaas, gaef gaas, gaef gaas
Sjnap die träöte, zèng mit z’n alle
Gaef gaas, gaef gaas, gaef gaas
Went dees drie daag gaon veer noe èns richtig knalle
Gaas, gaef gaas, gaef gaas
Laot uch allenej hie noe heure
Gaef gaas, gaef gaas, gaef gaas
Mit ós sjtömme de vastelaovend kleure
la, la, la, la, la, la ,la ,la, la, hey, hey ,hey
la, la, la ,la ,la, la, hey, hey ,hey
la, la, la ,la ,la, la, la, la, la, la
KOEPLÈT 1:
De hermenie in oze sjtad,
rippeteiert gans ‘t jaor.
Mer is ’t tied om mit te doon,
is nemes ech gans klaor.
Patsje sjeif, de sjlips te kort,
’t humme oet de bóks.
Wo blif noe de sjuuftrómbaon,
is dae mit veur de jóks?
KOEPLÈT 2:
’t Lasje en ’t sjoestere,
haet al lang genóg gedoert.
De waage sjteit te blinke wurt,
van alle kenj beloert.
Veer zeen noe al väöl te laat,
verrèkke van den doosj.
Sjeit ens op, trae op dae sjtert,
d’n Op-Sjtart is begoosj.
7. DE LÈTSTE
KOEPLÈT 1:
Vastelaovend in Zitterd ‘t sjoonste waat is
’t fees dat mien hart vlotter sjlaon deit
Mót euveral bie zeen zodat ich niks mis
Bèn bang dat mich get langs de naas geit
D’róm hawt ich dan paol bèn kepot wie ein paerd
En waer dan es lètste d’r oet gekaerd.
REFREIN:
Want ich bèn ummer de lètste, sjloet ummer de tent.
Wil altied d’r bie zeen, en mis gein moment.
Vastelaovend in Zitterd, ich kèn toch neit zónger dich
Dus blief nog get plekke, de lètste bèn ich.
KOEPLÈT 2:
D’n optoch op zóndig, ’t tröötekónkoer,
Op daensdig de appelesiene
En gounsdig dan sjmaak ós de hering in’t zoer,
De vastetied zal dan versjiene.
Bèn euveral bie, bèn de lètste dae sjteit
De man dae es lètste heivesj geit
BRÖK:
Maar drènk nooit de lètste, dat zag miene pap,
Dan is ’t te laat en zit ‘se in de’n hemel aan de’n tap
REFREIN: (allein Lètste keer)
Lay lay……………………………
Lay lay………………………………
Vastelaovend in Zitterd, ich kèn toch neit zónger dich
Dus blief nog get plekke, de lètste bèn ich.
Vastelaovend in Zitterd, ich kèn ech neit zónger dich
Dus blief nog get plekke ich wil neit vertrèkke wat kan t verèkke ,de lètste bèn ich.
De lètste bèn ich. De lètste dat bèn ich!
8. VAN BÈNNE
KOEPLÈT 1:
vastelaovend en ich höb weier koeraasj
Eesj waor ich nog röstig, mer hoog geit noe ’t voltaasj
Dit is ’t allein, sjtik toch de res, lèk mich de tèsj
REFREIN:
Van bènne, ’t zit van bènne, dat ich van vastelaovend hawt
Jederein, zal ’t bekènne, wil dat neit misse veur gein goud
’t Gèlt veur jeder Zitterder, mit Vastelaovend bèsse d’r
Zao deip, zit dat gevuil, van bènne, van bènne, van bènne
KOEPLÈT 2:
Honderddoezend es te-‘n ’t höbs, is gaar gein pech,
mer es ich moos toesje, ich gouf ’t zo mer e-weg
Gaef mich mer die daag, wo ’ t om geit, mien herjte veur sjleit
9. ICH SJPRAEK ALLE ZAHLEN
REFREIN:
Mit de vastelaovend sjpeak ich alle Zahle
Hollesj, deutsch en natuurlik dialek
Es ’t soms neit luk, dan ving ich dat sjweer bahle
En ik reeg me dan ook op wie eene gek
E s veer sjtraks mer weite wer soll das bezahlen
Want veer twee veer moele os get aaf
Denn ich sjpraek so wie gezag ech alle Zahlen
En wae mich neit versjteht dae reup geweun alaaf
KOEPLÈT 1:
Kiek dao sjteit eine hele tolle puppe
Zeg juffrouw mag ik eben aan jou schnoepe
Kom veer make same eine pfauze
Dan kenne veer gezellig eine bausen
KOEPLÈT 2:
Dan bausen veer twee durch bis murge mittag
En wurd vastelaovend eine feesdag
Zeg kun jij je dat gedoe wel leisten
Of moet je poefen net zowie de meisten
BRIDGE:
Hollesj deutsch of plat
Egal oet welke sjtad
Sjtomme kaal , gek verhaol
versjtaon ich allemaol
10. VEER ZEEN D’R BIE
REFREIN:
Veer zeen d´r bie, Veer zeen d´r bie
Mit de vastelaovend zeen veer hier wei´r van de partie
Veer gaeve gaas, baas baove baas
Sjoon geschmink mit eine tottel van ein naas
De ganse sjpas kump noe oet de kas
Dao hawte veer al jaore hie aan vas
Van vastelaovend viere zeer veer knonne zaat
Zörg dat geer d´r bie zeet, leifs gek wie ei raad
KOEPLÈT 1:
Vruiger in de kènjer waagel duude mam of pap
Os op en aaf door dees prachtige sjtad
Veer es snaake douge kwaake, Zenge koosj nog neit
Noe nao al doe jaore, Klingk ´t hoogste leid
Zo blaer veer ummer hie
Mit op ein melodie
Zo gaon veer wei´r zie aan zie
Zeen al tied wei´r d´r bie
KOEPLÈT 2:
Veer zeen oppe welt gezat door ooze mam en pap
Mit sjpas versjlaaf in dees prachtige sjtad
Saame Vastelaovend viere, al van kleins aaf aan
Sjus wie oma en opa, weit veer van besjeit
Zo geit dat einmaol hie
Dat zit in ooze prie
Al jaore hie, zie aan zie
Zeen ummer wei´r d´r bie
SJLOT:
Veer zeen d´r bie
Altied wei´r d´r bie
Zörg dat geer d´r bie zeet, leifs gek wie ei raad
11. SJNAP MIENEN ERM REFREIN 1:
Sjnap mienen erm, dan krigste ’t werm en houfste neit mee te riere Gank mit nao lènks en gank mit nao rechs en gank dan mer mit mich wiejer Sjoenkelentaere gaon veer door de sjtraot en danse pès deip in de nach Mit dich aan mien zie kènt mich neemes mee kaod, ’t laeve is ein en al lach Jao REFREIN 2: Sjnap mienen erm, dan krigste ’t werm en houfste neit mee te riere Gank mit nao lènks en gank mit nao rechs en gank dan mer mit mich wiejer Sjoenkelentaere gaon veer door de sjtraot en danse pès deip in de nach Mit dich aan mien zie kènt mich neemes mee kaod, ’t laeve is ein en al, 't laeve is ein en al, ‘t laeve is ein en al, ’t laeve is ein en al lach
TÖSJESJPEL
KOEPLÈT 1 : ’t Is noe vastelaovend, ’t sjteit dao mit die sjrump ’t Klink gans väölbelaovend waat oet dat dinkske kump Mer taenge al die träöte kènt ’t kènjt neit op Dus pak ’t zie fijeulke in en zët zich oppe sjtòp ’t Zuut blau van de kau En ich zëgk häöm dan gauw:
REFREIN 3: Sjnap mienen erm, dan krigste ’t werm en houfste neit mee te riere Gank mit nao lènks en gank mit nao rechs en gank dan mer mit mich wiejer Sjoenkelentaere gaon veer door de sjtraot en danse pès deip in de nach Mit dich aan mien zie kènt mich neemes mee kaod, ’t laeve is ein en al lach REFREIN 4: Sjnap mienen erm, dan krigste ’t werm en houfste neit mee te riere Gank mit nao lènks en gank mit nao rechs en gank dan mer mit mich wier Sjoenkelentaere gaon veer door de sjtraot en danse pès deip in de nach Mit dich aan mien zie kènt mich neemes mee kaod, ’t laeve is ein en al lach REFREIN 5: Sjnap mienen erm, dan krigsten ’t werm en houfste niet mee te riere Gank mit nao lènks en gank mit nao rechs en gank dan mer mit mich wier Sjoenkelentaere gaon veer door de sjtraot en danse pës deip in de nach Mit dich aan mien zie kènt mich neemes mee kaod, ’t laeven is ein en al, 'tlaeven is ein en al lach!
De lèste 11 Zittesje Vastelaovessjlagesj 2015: Raoze (Thei Wessels) 2014: Zitterd dreet door (Reinhard Wind) 2013: Höbs doe ouch zo’ne zin? (John Smeets en Gian Prince) 2012: De Sjpeigel (John Smeets en Gian Prince) 2011: Jo de la (Thei Wessels) 2010: Veer zeen vastelaovesgekke (Raymond Goulding) 2009: Dat kènt gebeure (John Smeets en Gian Prince) 2008: Wie zuus doe oet? (John Smeets en Gian Prince) 2007: Duuje (John Smeets en Gian Prince) 2006: Dalik (Thei Wessels) 2005: Dao höbste hööm dao (Thei Wessels)
Zittesje Vastelaovessjlager 2017 Inlevere: Veurselèkse: Finale: Maondig 6 juni 2016 Maondig 27 juni 2016 Zaoterdig 27 augustus 2016
SJUREIER-HULP: Óm ein goud oordeil te kènne gaeve, höbbe veur uch eine sjureier-hulp gemaak. Geer kènt de leidjes sjureiere op tèks, meziek, ’t Zittesj illemènt en de Orsjinaliteit. Geer door dit door ++,+,+/- of – in te völle in ’t óngersjtaond sjema. Daonoa kènt geer zelf d’n Totaal indrök invölle. Väöl plezeier !
Beoordeil mit: ++ Geweldig, + Goud, +/- Geit waal, - Koosj baeter