K R I T E N I J S...je kunt overal je twijfels over hebben. Dêrom is gjin reden, Maar stap over je...
Transcript of K R I T E N I J S...je kunt overal je twijfels over hebben. Dêrom is gjin reden, Maar stap over je...
-
K R I T E N I J S
Winterskoft 2019 – 2020
Nr. 4; maaie 2020
Ôfstj.: Einsteinlaan 20, 9406 BK Assen
-
Frysk Folksliet Frysk bloed tsjoch op! 1) Wol no ris brûze en siede, En bûnzje troch ús ieren om! Flean op! Wy sjonge it bêste lân fan d’íerde, It Fryske lân fol eare en rom. Refrein: Klink dan en daverje fier yn it rûn Dyn âlde eare, o Fryske grûn! Klink dan en daverje fier yn it rûn Dyn âlde eare, o Fryske grûn! Hoe ek fan oermacht, need en see betrutsen, 2 ) Oer âlde, leave Fryske grûn, Nea waard dy fêste, taaie bân ferbrutsen, Dy’t Friezen oan har lân ferbûn. Earebyld Grou; Dr. Eeltsje Halbertsma Refrein: Fan bûgjen frjemd, bleau by ’t âld folk yn eare, Syn namme en taal, syn frije sin; Syn wurd wie wet; rjocht, sljocht 3 ) en trou syn leare, En twang, fan wa ek, stie it tsjin. Refrein: Trochloftich 4 ) folk fan dizze âlde namme, Wês jimmer op dy âlders great! Bliuw ivich fan dy grize, hege stamme In grien, in krêftich bloeiend leat! Refrein: 1) tsjoch op = bliuw net stilstean 2) betrutsen = yn gefaar brocht ‘De âlde Friezen’, 3) sljocht = ienfâldich ferzje Halbertsma/ 4) trochloftich: ndl. doorluchtig Van Loon
-
1
Kritenijs ’Us Memmetaal’ Assen Nûmer 4 – maaie 2020
Kolofon
Gearstalling bestjoer Foarsitter: Teatske Haanstra - Nic. Beetslaan 1 B2, 9405 BB Assen [email protected]
till. 0592-344920 (fan 18-6-2020 ôf)
Skriuwer: Hans Groenhof - Broeklaan 56, 9405 AN Assen [email protected]
till. 0592-352932
Ponghâlder: Piet Boelens - Planetenlaan 132, 9405 PD Assen [email protected]
till. 0592-462297
Bankrekken fan de Krite: NL 78 RABO 0310 1082 33
Leden: Sjoege Wiersma - Metje Groenhof - Renny Monsma
Redaksje Kritenijs Redaksje-adres: Anje Hoogland - Rolderdingspillaan 36, 9451 GB Rolde
[email protected] till. 0592-373555; typwurk en layout
Jan Toering, [email protected] till. 0592-370102; korreksje- en oersetwurk
Kontaktpersoanen en/of adressen Meiwurkers oan it Kritenijs (oer it algemien): Jaap Bakker – Piet Boelens – Jan Toering
– Hans Groenhof – Teatske Haanstra – Sjoukje Jansma – Jeltje Geertsma – Anne Veen-
stra – Sjoege Wiersma
Lede-administraasje: Poppe Jansma - Einsteinlaan 20, 9406 BK Assen, till. 0592-354238
Toanielklup: Teatske Haanstra, till. 0592-344920
Keatsen: Gerrit Elzenga, till. 06-26688684
Ferfier nei Hooghalen: Hans Groenhof, till. 0592-352932
of b.g.g. Teatske Haanstra, till. 0592-344920
Oare adressen It Frysk Boun om Utens; www.fryskbutenfryslan.frl
www.heitelan.nl (stêden en doarpen)
Ynhâld 1 Nammen en adressen 9 Simmereveneminten Fryslân
2 Advertinsjes + neitinker 10 Reade flagge op ’e tsjerketoer
3 Derbûten 11 Ferskaat
4 Bernebrochjes 12 Utfanhûs by pake en beppe (4)
5 Oanfolling Kritenijs maart + puzel 13 Utfanhûs by pake en beppe + liet
6 Oankundiging 9 oktober + liet 14 Dream (gedicht)
7 Ha jo it al heard + rymkes 15 Advertinsjes
8 Rymkes fan Joop Visser 16 Berjocht + Bûsboekje
mailto:[email protected]:[email protected]:[email protected]:[email protected]:[email protected]://www.fryskbutenfryslan.frl/mailto:[email protected]://www.heitelan.nl/
-
2
Neitinker:
Sykje de lytse dingen
dy’t oan it libben
freugde en foldwaning jouwe.
(tekst: Confucius, 551 – 479 foar Kristus)
-
3
Derbûten
“Nuvere tiid”
Dat is it wis en seker. Earst yn Sina, dan Itaalje, dan Eastenryk, mar dan ek yn Brabân en
stadichoan komt it tichteby en treft it immen yn de strjitte, immen dy’t jo kenne.
It Covid-19.
Miskien binne wy der oant no ta noch goed foarwei kaam yn it noarden. Mar it is noch
net fuort. De 1½ meter-maatskippij, it is sá net myn natuer, mar ik moat my der oan
hâlde. It is net oars. Goed foar mysels, mar tagelyk seker ek foar in oar.
Gewoanwei stiet yn it Kritenijs wat der te dwaan is yn Fryslân, “De Eveneminten yn
Fryslân Simmer 2020”. Mar alle (sport)eveneminten binne oant 1 septimber ta ferbean
(skande!) op advys fan it RIVM. Jo fine no mar in pear aktiviteiten; dêrfan is it ek net
seker oft se trochgeane. Ek by ús Krite binne om deselde reden jûnen ôfsein.
Mar wat bringt it ús foar posityfs?
Hiel faak geane Max en ik no te fytsen, want bewege is goed en wat treffe wy it ommers
mei it waar. It sintsje skynt hiel faak. Wy ha op plakken west dêr’t wy nea west ha. En
wat prachtich allegearre.
Alle wiken ryd ik lâns de Feanhústerfeart (Veenhuistervaart) nei ús mem yn Drachten
(gelokkich kin ik har besykje), mar snein ha
Max en ik te kuierjen west yn Feanhuzen. Wat
in moai doarp. Hjir en dêr in buordsje mei
ynformaasje, mar skande dat der gjin fer-
divedaasje is by de restaurantsjes, ensa, mar …
nei ôfrin, út de wyn, ha wy in iisko kocht by
“Piepers en Paupers” (troch de efterdoar der yn
en troch de foardoar der wer út, ienrjoch-
tingsferkear).
Dat is net sa foar elkenien yn Feanhuzen ...
Wat wurde minsken ek ynventyf! Oeral sjogge jo no drive-ins. Mear ‘drive-outs’, want
se wolle/meie ús der soms net yn ha. Bestelle troch de tillefoan, ophelje en betelje op
ôfstân. Boadskippen dy’t thúsbrocht wurde, muzyk op ’e dyk, help fan buorlju, ensa-
fierder, ensafierder …; sa leaf allegearre.
Net hingjen bliuwe yn it negative (wat der wis en seker is), mar besykje ek it moaie
blomke, de leave bernsbern op ’e tillefoan of kompjûter te sjen, de help dy’t jo krije en
… en …
Ik hoopje dat jim genietsje yn it oankommende simmerskoft. Wy sille sjen hoe’t de wrâld
derhinne leit oan it begjin fan ús winterskoft 2020 – 2021.
Yn it septimbernûmer fan it Kritenijs kinne jim lêze hoe’t it programma der dan útsjocht.
Hooplik kinne wy elkoar dan yn sûnens wer sjen yn Hooghalen op 9 oktober.
Pas goed op jimsels en op elkoar.
Groetnis,
Teatske
-
4
Bernebrochjes
Goeie allegearre,
Wat in healwize tiid is it at jim dit bernebrochje ûnder eagen krije.
Krekt wer nei skoalle, mar miskien mar mei de helte fan de klasse, om’t de oare helte de
oare dei giet. Jim koenen de juf of de master net iens efkes in stevich krûpke jaan om’t it sa
moai wie om harren wer te sjen, en oarsom ek foar de masters en juffen, dy mochten it ek
net. Ja, stikem fûnen jim it miskien wol moai om nei skoalle te gean. Mar dan komt al gau
de simmerfakânsje. In goekunde fan my, Annie Fabriek, hat my wat moais tastjoerd dat
jim dwaan kinne yn dy fakânsje, nammentlik in Kuierbingo.
(www.anniefabriek.nl)
Kuierbingokaart
De kuierbingokaart befettet opjeften, sawol foar jim as foar heit, mem, pake, beppe en
alle oaren. Tink derom: hâld dy oan de regels dy ’t optocht binne yn ferbân mei Corona!
Kuierje mei dyn húshâlding of mei pake en beppe (net mei tefolle minsken). Bliuw op
1½ meter ofstân at jim guont tsjinkomme of foarbygeane en efteroprinne (foar de âlden:
sjoch ek op de link). In protte kuierwille tawinske!
DEI 1. Alternative Fjouwerjûnetocht
Fyn in bistespoar.
Fyn sa folle mooglik ferskate
soarten mos.
DEI 2. Alternative Fjouwerjûnetocht
Fyn in bysûndere
blom mei in pearse
of reade kleur.
Fyn sa folle mooglik soarten
(buorkerij-)bisten.
DEI 3. Alternative Fjouwerjûnetocht
Gean op aventoer en
doar in ûnbekend
paadsje yn te gean.
Gean op siik nei in moaie,
gekke of bysûndere beam.
DEI 4. Alternative Fjouwerjûnetocht
Fyn in hoale fan in
bist.
Nim wat lekkers mei foar
ûnderweis om yn de natuer op
te iten.
Mear ynformaasje fine jo ek fia de link:
https://drenthe-beweegt.nl/alternatieve-avond4daagse/
Oant de oare kear,
Teatske
http://www.anniefabriek.nl/https://drenthe-beweegt.nl/alternatieve-avond4daagse/
-
5
Oanfolling Kritenijs maart 2020 By it stik “Fjouwer wedstriden op ien middei” yn it foarige Kritenijs stie in moaie foto
fan reedrydsters, mar eins hiene dizze twa prachtige foto’s der ek by stean moatten.
Yn de lêste jierren fan Martha Hemminga’s reedriderstiid moast sy it ferlieze fan de doe
opkommende stjer Janna van der Meulen fan Wergea. Op de riderij yn Wergea op 17
jannewaris 1924 sei Martha tsjin Janna: “Do moast it hjoed al wat skikke mei my, want
ik ha de hiele nacht ek al yn ’e baan west yn it bargehok, omdat de sûch bigje moast”…..
(Anne Veenstra)
Puzel Mei de klok mei fan bûten nei binnen. De lêste letter = earste letter fan it folgjende
wurd. De letters yn ’e grize hokjes foarmje in plaknamme.
1. achter; 2.silinder; 3.teffens; 4.sportich; 5.tear; 6.igge; 7.nommel; 8.keutel;
9. foarhinne; 10.oerfloedich; 11.tsjep; 12.skitterje; 13.presiis; 14.dúst; 15.eigentlik;
16.guod op ’e bôle; 17.krûderij; 18.mjitkundige foarm; 19.oangenaam; 20.swarte fûgel.
1 2 3 4
10
11
15
19 12 5
18 16
14 20
9 17
13
8 7 6
-
6
Efkes in “Voortvarende” oankundiging
Us Miene Ledegearkomste is op freed 9 oktober o.s., at it RIVM ús goed tagedien is.
It is diskear op de middei, om 14.30 oere
At de gearkomste ôfrûn is, sil it visvrouwenkoor
“Voortvarende vrouwen” út De Rottefalle ús mei
prachtige ferskes en ferklaaierijen fermeitsje.
As tagongspriis freegje wy € 5,-- de man/frou.
Fansels komt yn it Kritenijs fan septimber noch in
útnûging, mar wy woenen jim no alfêst op ’e hichte
bringe, om’t it op de middei is.
Wolle jim tsjin dy tiid witte at de gearkomste trochgiet of ha jo oare fragen yn ferbân mei
Corona, dan kinne jim mei de bestjoersleden kontakt opnimme.
Groetnis,
Teatske
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Werom is alles sa’t it is? (liet, songen troch Roel Slofstra)
Wêrom is alles sa’t it is
en is neat oars as oars?
Wêrom bisto sa uterst wis
en ik sa twivelriedich?
Wêrom hasto in festing boud
en ik gjin barrikaden?
Wêrom? Dêrom! (Je kunt je van alles afvragen,
Wêrom? Dêrom! je kunt overal je twijfels over hebben.
Dêrom is gjin reden, Maar stap over je besluiteloosheid
wêrom is gjin fraach. heen, ga aan het werk,
Freegje net en sjoch net om, zing een lied, tegen alle vragen in.)
gean gewoan oan ’e gong.
Sjong in liet, sjong in liet, sjong in liet! Tekst: Joop Veenstra/Berber van der Geest
-
7
Ha jo it al heard …….…..
- dat in drabbelkoeke in rûne, brosse koeke is en bekend stiet as in spesjaliteit út Snits. Se
wurde makke fan weitenmoal, molke, sûker en bûter. De koeken wurde yn tradisjonele
koekeblikken mei in Fryske sjeas en de Wetterpoarte derop ferkocht.
- dat wa’t oankomt op stasjon Mantgum, wit dat er goed sit; it is neffens reizgers ien fan
de bêste stasjons fan it lân. Allinne Klimmen-Ransdaal skoart heger. Op it twadde plak
dûkt dus Mantgum op. Treinstasjons yn Fryslân dogge it blykber goed.
- dat tusken 2014 en 2018 frijwillichsters út 50 lannen sa’n twa miljoen lapkes ta de
Grutste Haakte Tekken fan de Wrâld haakt hawwe. Yn de simmer fan 2018 leine dy
10.841 tekkens fan 25.750 fjouwerkante meter útspraat yn Park Vijversburg by Tytsjerk.
No fynt it haakte spul it paad fierder yn ’e wrâld.
- dat der hiel wat frjemde Fryske nammen fan doarpkes, delsettings en buorskippen
binne, lykas bygelyks: Abbegeaster Ketting, De Bargebek, Betterwurd, De Blynse, De
Blokken, De Grits, Kommisjepôle, De Hel, De Falom, Fiskersbuorren, Kie, Galhoeke,
Keatlingwier, Kletterbuorren, Krabburen, Moddergat, Moskou, Petersburch, Nij
Amearika, Onland, De Pôle, Reahel, Reaskuorre, Sopsum, Utein, Wammert, Swarte
Haan, ensfh.
Der komme no noch wat rymkes fan Joop Visser:
De earrebarre hat de namme,
omdat de minske him faaks skamme
om syn neiteam te fertellen,
dat heit en mem de berntsjes hellen,
sels, út de grize hege stamme!
Lit troch al it grutte om ús hinne Bûtenfries dochs net de grutskens ús berinne. It is en bliuwt in wûnd’re boel
As hiene wy it skepen, alles wat is, mei ’t Fryske oeral-thús-gefoel:
sadat eins alles samar uzes is. hast elke Fries om utens wit
Lit ús beseffe wa’t wy binne. dat djip yn ’t hert dochs ’t langstme sit
nei ’t wide lân mei gaast en poel!
-
8
It libben
It libben is in rige fan mominten
guon mei in trien, guon mei de fleur fan linten
guon brâne yn en skrine withoelang noch nei.
Sa fynt it libben troch de tiden syn wei
mei argewaasje faak fan ’t spul om sinten.
Memmetaal – winsk
Dat Friezen, dy’t yn Fryslân bliuwe
geef Frysk prate en geef Frysk skriuwe
en net samar har taal ferniele
of om it jild troch ’t spuigat spiele Tseard syn hinnen leine bêst;
en dan op frjemde weagen driuwe. trettjin aaien soms yn ’t nêst. Dy’t net mear lei kaam yn it sop Dat Friezen, dy’t om utens sitte sûnder fear en sûnder kop; dochs noait in kear de skat ferjitte dat joech rêst yn ’t hok op ’t lêst.
wurd foar wurd as bern har tafertroud
mei de eigen klanken, geef as goud,
ús memmetaal noait farre litte!
In skries, werom út Afrika,
striek del yn ’t lân by Steggerda.
Mei op ’e hikkepeal in plaat:
“Tagong ferbean: Briedreservaat.”
Hoe soe in skries ’t ea better ha!
In tsjeppe faam út Fryske Peallen
hie skjin har nocht fan amers, waai en keallen.
Se fytste nei de Grinzer Pein
en bestege har by in kastlein.
Dêr boarnt se no en past goed op har tellen.
Ik ha wer in mannich stikjes byinoar socht en hoopje dat jim der wat oan hawwe.
Jan en ik woene it mar net oer it Coronafirus ha, want alle nijs dêroer is te finen yn ’e
krante en op ’e telefyzje. It moat earst op it slimst, ear’t it betteret.
Jaap fan Bantegea en Jan fan Beets winskje de minsken dy’t der mei te kampen ha,in
soad moed en sterkte ta!
-
9
Simmereveneminten yn Fryslân – oars as oars De measte aktiviteiten en eveneminten binne oan 1 septimber ta net tastien dit jier. Wat
wol kin, kinne jo (mei help) opsykje op ynternet, ensfh. Yn de Asser Courant, dy’t alle
wiken hûs oan hûs besoarge wurdt, sit in side “Wat zijn we van plan?”. Dêr steane ek
ûnderdielen by, dy’t yn Fryslân plakhawwe. Mooglik is by it VVV ek wer in krantsje te
krijen mei in soad ynformaasje …
Jo begripe, it is behelpen diskear, mar jo fine fêst wol wat ferdivedaasje!
Fierljeppen
It Frysk kampioenskip yn Winsum sil heve op sneon 5 septimber, ûnder foarbehâld.
It Nederlânsk kampioenskip is pland op sneon 19 septimber.
Keatsen De PC yn Frjentsjer sil op woansdei 30 septimber 2020 keatst wurde.
Skûtsjesilen
It SKS en IFKS binne beide ôfsein.
Iepenlofspul: is allegear ôfsein. De spilers ha ommers net repetearje kinnen.
Musea In lytse kar, en jo kinne it bêste fan tefoaren reservearje.
Jopie Huismanmuseum, Warkum
Fan 1 juny ôf binne jo wer wolkom (nei 10.00 oere).
Museum Belvédère, ’Hearrenfean-Oranjewâld
Iepen fan 1 juny ôf, moandei o/m snein fan 11.00 - 17.00 oere.
Fries Landbouwmuseum, Goutum/Ljouwert
Fan tiisdei o/m freed fan 11.00 - 17.00 oere. Sneon en snein fan 13.00 - 17.00 oere
Nationaal Vlechtmuseum, Noordwâlde
Fan 2 juny ôf iepen fan tiisdei o/m sneon fan 10.30 – 17.00 oere.
Observeum Burgum
Mooglik giet dit museum yn juny wer iepen. It is in tige nijsgjirrige en unike
kombinaasje fan streekmuseum en stjerrewacht.
It Damshûs, Nij Beets
Op 1 juny wer iepen.
En oars mar noflik thúsbliuwe en: kuierje, fytse, puzelje, lêze, túnkje, autoritsje meitsje,
spultsjes dwaan, kofjedrinke, opromje, kleurje, fervje, nifelje, bûten sitte, hantwurkje,
timmerje, wille meitsje, kompjûterje, praatsje oer de hage meitsje, ien belje, ien helpe of
selskip hâlde of sels om help freegje.
De kop der wol by hâlde!… Anje
-
10
Reade flagge op ’e tsjerketoer
1. 2.
Doe’t Harry Blokzijl dizze foto (1) makke, wennen Tsjibbe Veenstra en syn frou noch yn
dat hûs, in oerbliuwsel fan de tweintich hûzen oan de Langewal yn Koartsweagen, dy’t
wy de Finkebuert (2) neamden.
Timmerman Jan Ruurd Eisenga boude yn ’t begjin fan de 20ste iuw tweintich goedkeape
hûzen njonken syn wurkpleats oan de Langewâl. By dy hûzen kaam in gearkomstelokaal,
want folksoplieding stie heech yn it findel fan de sosjalisten fan dy tiid en Eisenga wie in
echte!
Om’t Veenstra net akkoart gie mei in ferfangende wenromte by de sanearring, bleau syn
wente stean en dy wente wie earder it boppeneamde gearkomstelokaal.
Doetiids protestearren de boeren noch net mei harren trekkers op it Malieveld yn De
Haach, mar de sosjalisten lutsen de oandacht oan de ein fan de 19de en it begjin fan de
20ste iuw. Ferdinand Domela Nieuwenhuis wie harren foarman. Hy hat fjouwer kear op
’e Gordyk oan ’t wurd west.
Yn novimber 1882 hold hy in flamjende redenearring yn de grôtfolle De Koornbeurs, yn
1883 en ein 1885 yn Flora, efter de iepenbiere skoalle (“Zonder socialisme geen red-
ding”) en op 26 jannewaris 1889 op ’e nij yn De Koornbeurs.
Yn maart 1888 falt safolle snie dat it de strjitten yn de Fryske súdeasthoeke blokkearret
en Domela op ’e Gordyk syn propagandatoernee ôfbrekt. Hy útfanhûzet dan by de
famylje Jan Eisenga oan de Langewâl.
Polityk wie der in soad te dwaan yn de lettere jierren ’80 fan de 19de iuw, mar wa hie sa
dryst west om de reade flagge op de Nederlânsk Herfoarme Tsjerke fan De Gordyk te
pleatsen? Dat bleau hiel lang ûndúdlik, oant yn it wykblêd “Sljocht en Rjocht” yn
febrewaris 1887 de reade oannimmer Rindert van Zinderen Bakker skreau:
“Doe’t se dy moarns as fan âlds de nasjonale trijekleur oan ’e toer hingje soene,
hoegde dat net, want der hong al ien en wol in readenien. Soks die de minsken tige nij,
om ’t it de hiele nacht snijd hie en doe noch snijde, mei stoarmwaar. Se woene dat teken
fan oproer derwei helje, mar der wie net ien te finen, dy’t by sok waar dat akkefysje oan-
doarde en sa moast er wol oan ’e jûn ta hingjen bliuwe, wat in bulte Oranjeklanten as in
pikbal yn ’e mage wie. Doe bekaam it waar wat en hellen se de reade lape nei ûnderen.
-
11
Mar … wa soe him dat lapt ha, by neare nacht mei sok wreed waar?, sa frege elts him ôf.
Der rûnen dochs nachtwachten troch it doarp!? Yn ’e herbergen wiene se noch let. Hie
dan gjinien wat sjoen? Nee, nimmen en hoe’t se ek dagen dêrnei yn aksje wiene mei
plysje en justysje oan it sykjen, gjinien koe de skobbejakken op it spoar komme. Dat wie
in gelok foar myn beide feinten en my, dy ’t it halsbrekkende weachstik útfierd hienen,
om’t der nei alle gedachten in heal jier of mear finzenisstraf foar ús opsitten hie.” Anne
Ferskaat
Foar de siken Lytse Gurbe sit sa wyt as in doek neist mem yn ’e tsjerke. Sy sjocht it en freget kjel wat
der is. Gurbe: “Ik bin sa mislik” en hy kokhalzet deroer. “Gean mar fluch even nei bûten
yn de frisse lucht”, seit mem. Efkes letter komt Gurbe ferromme werom. “Hast wol bûten
west?” freget mem. “Dat wie net nedich”, antwurdet lytse Gurbe. “Yn it portaal stie in
skaal mei in buordsje ‘Foar de siken’.”
Jierdei It wie Douwe syn jierdei. Hij waard fjouwer jier. Mem frege oft se op skoalle ek
in ferske foar him songen ha. “Ja”, seit Douwe, “U alleen, U loven wij!”
Fryske útdrukkingen (dy’t jo net wurdlik oersette kinne) Dat hat net folle om ’e hakken - Dat hat neat te betsjutten.
Dat ferrifelet my - Dat komt my oer ’t mad.
It rint my oer de fûst - it wurdt my tefolle, ik kin it net oan.
Dat wiist mâl - Dat sjocht der net bêst út.
Dat docht gjin fertuten - Dat bringt neat op, dat hat gjin nut.
It naait derút as âld smoar - Men makket in soad drokte, it giet mâl.
Dat liket my safolle as fleanen - Dêr wol ik neat fan witte.
Dat komt net klear - Dat rint net goed ôf, dat komt ferkeard.
Namme In pear âlde minsken freegje de buorlju om ris meielkoar te iten. En dat giet oan. Alle
kearen as de âld man syn ald wyfke wat freget, neamt er har ‘leave’, ‘wyfke’, ‘popke’
ensfh. It makket in djippe yndruk op de buorlju, benammen omdat de âlde minsken al 60
jier troud binne. As de froulju efkes yn de keuken ompiele, seit de buorman: “Wat moai
dat jo de frou nei safolle jierren noch hieltiten flaainammen jouwe.” De âld man jout as
antwurd: “Om earlik te wêzen, ik kin al sa’n tsien jier net mear op har namme komme ...”
Moarn net ferjitte dat ik juster Wa’t in Fries ienkear
goede foarnimmens hie yn it hert sluten hat,
om hjoed mei te begjinnen … is der min wer út te krijen.
(Ytsje Hettinga)
-
12
Utfanhûs by pake en beppe (4)
1. 2. 3.
Om de pleats hinne
It dearinnend wykje einiget presys foar de foarkant fan de pleats fan pake en beppe oer. It
sânpaad, dat neist it wykje leit, rint fierder tusken de stille sydkant fan de pleats en de
dongbult of rûchskerne troch. Dat moat ek wol, want de doarren nei de heaskuorre binne
dêr ek. Op de dongbult lizze in pear planken en der stiet ek in planke tsjin de bult. As
pake geregeld in pear kroadfollen stront út de groppe leegje moat, dan set er tichteby de
bult de stap deryn en draaft hast by de bult op. Je kinne hearre dat it muoite kostet om
derby op te kommen. Eins koene je by pake alles goed hearre. Oar (grien) ôffal komt ek
op ’e rûchskerne.
It paad rint fierder troch de greiden fan pake en beppe en dêrom binne der nochal wat
hikken. As pake en beppe te melken geane en ik der útfanhûs bin, dan sit ik by pake foar-
op de wein en beppe sit efterop efter de molkbussen. As pake “Jantsje!” ropt, dan springt
beppe fan de wein, rint foarút en iepenet en slút de hikke. Pake rint ûnderwylst ûnbe-
kommere mei kedde en wein troch, beppe set de stap deryn en springt wer efterop de
wein. By de oare hikke itselde ritueel!
It molkersplakje op in sânhichte oan de Earste Wyk, foar it plantsoen oan it Fochteler-
fean oer (foto 1) wie prachtich moai om te boartsjen.
Nei it melken moasten de bussen noch mei de molkkarre (foto 2) nei de dyk brocht
wurde, dêr’t de molkauto se weihelle. As pake in goed sin hie, mocht ik wolris mei op ’e
karre.
In pear meter bûten de doar wiene de pomp, it bjinstap en it potrak (foto 2).
Simmers en maitiids wosk pake him ûnder de pomp en beppe himmele dêr de potten,
pannen, bussen, tjemzen of sokssawat. De overals waarden der ek mei griene sjippe op it
bjinstap ôfboarstele.
Tichteby it hûs wie ek noch in reinwetterbak, dy’t mei de pomp de iennichste drink-
wetterfoarsjenningen wiene yn dy earste nei-oarlochske tiden.
Neist it potrak stie noch in houten skuorke, dat krekt as de houten heaskuorre kreas yn de
swarte tar siet. Dêr stiene de fytsen, fytspomp, it drûchrak, de wasktobbe en noch wat
mear lyts ark, dat foar it gripen lizze moast.
-
13
Efter de stâl is de jarrekolk en dy leget pake mei in grutte skepamer. De jarre wurdt yn de
jarrebak smiten en as dy fol is, komt de kedde derfoar om dy nei de greide te lûken en dêr
wurdt it spul as bedonging oer it lân struid. Dat docht pake mei deselde skepamer en mei
in linige earmslach ferstruit er it guodsje hiel sekuer oer de greide. Letter hie er in
sproeier oan de bak.
Efkes fierder as de jarrekolk is it hinnehok mei in grutte loop, dêr’t pake en beppe in stik
of tsien hinnen yn hawwe. Sy ite net allinne fan de aaien, mar ferkeapje se ek wolris,
krekt as mei in pear mingel molke. Jûns foar it melken fuorret beppe de hinnen en nimt
sy yn ’e skelk de aaien út de nêsten mei en bewarret se dan yn in kûm yn ’e kelder. Ik ha
ek wolris in hin sûnder kop troch de loop rinnen sjoen, trochdat pake him slachte hie foar
it hinnesop. Efter it hinnehok lei in bulte wyt sân, dat saterdeis brûkt waard om it sân-
paadsje en de giele strjitstientsjes foar de doar wat op te fleurjen.
Nettsjinsteande de primitive libbensomstannichheden op ’e wiken, fûn ik (foto 3) it dêr
yn myn jongste libbensjierren dochs in paradys op ierde!
As Sytske en ik no mei de auto thúskomme, dan sis ik faak “Jantsje” en dan stapt Sytske
út om de doar fan de garaazje te iepenjen; moai net?! Pake en beppe wurde sa noait mear
fergetten. Anne
Fries om utens (liet; oarspr.: Caledonia, fan John Wright. Fûn op Youtube; moai!)
1. O ja, ’t is wier, ik fiel my hjoed 3. O Fryske grûn, do joechst my brea,
hiel oars as oars, begryp my goed. dyn griene greiden, de lucht fan hea,
Myn hûs stie oeral op ’e wrâld, dyn loften wyld, dyn marren wiid,
gjin plak dêr’t ik sa fan hâld. dat is myn byld fan dy tiid.
2. Ik stiel herten, die oaren sear, 4. ’k Fertel ferhalen, ’k sjong fan dyn grûn,
ik makke freonen, ferlear in pear; it is dêr’t eartiids myn libben begûn.
de lêste dagen bin ik bang ’t Ferwûndert my, hoe as it kin
dat ik sa nei dy ferlang. – Refrein - dat ik mysels hjoed net bin. – Refrein -
Refrein: ’k Sil dy sizze dat ik grutsk bin
en myn tinzen stean hiel ticht by dy,
Fryslân, do ropst my, ja ik wol nei hûs.
En soe ik oait in frjemdling wurde
en dyn grûn fielt net mear as fan my,
Fryslân, o Fryslân, ’k langje nei dy.
-
14
Dream (Hester Holwerda)
Wat soe ik graach
it lânskip fan dyn libben kleurje wolle,
de tearen yn dyn holle
de tinten jaan fan hope,
dy’t earder stoar yn ’t djipste fan dyn hert;
en ’t grize yn dyn hier
ferfange troch it flamjend brún
fan beammebledsjes yn in moaie hjerst.
Wat soe ik graach
myn skilderij mei ’t lânskip fan dyn libben:
de machtich hege bergen, wetterfallen
en wegen sûnder buordsje ‘dit rint dea’,
foar dy ta libben roppe
en blommen bloeie litte
yn de waarmte fan in lange
simmerdei.
Wat soe ik graach
foar dy yn loften, blau, as stiel
boppe in wrâld fan farske snie,
it lânskip fan dyn libben sketse wolle,
dêr’t blydskip dûnset mei de wille
en ’t lôgjend fjoer fan libben
dy lokket mei syn flammen, dyn wêzen
yn in reinbôge fan kleuren set.
Wa wit sil ienris op in moaie maitiidsdei
myn dream de wurklikheid berikke.
yll. Marius van Dokkum
-
15
Dorpshuis ’t Haolerhoes is bij uitstek geschikt voor:
- feesten en partijen,
- vergaderen (beamer en laptop aanwezig),
- bijeenkomsten.
Zaalruimten groot en klein naar keuze.
Ruime parkeergelegenheid. Praktisch alles is mogelijk.
Vraag vrijblijvend inlichtingen bij de beheerder. Tel. 0593 – 592340 - b.g.g. 06 – 10144987
Stengelinstraat 18, 9414 AV Hooghalen
-
16
Famyljeberjocht Fan de famylje Bakker (Eelde) krigen wy it útdruklik fersyk om oan alle kriteleden witte
te litten, dat op 11 maaie hommels ferstoarn is: Jitske Bakker-Dijkstra (86 jier).
Korrespondinsje-adres: Molkampen 47, 9761 BK Eelde
Om yn jo bûsboekje te setten
Snein 27 septimber 2020
Doarpshûs, Paterswolde (Bähler Boermalaan 4), 11.00 oere: Fryske ferskes sjonge mei
pianobegelieding; fan 10.30 oere ôf kofje/tee. Ynformaasje by Anje, til. 0592 - 373555.
Freed 9 oktober 2020, de middeis ’t Haolerhoes Hooghalen, 14.30 oere: Miene Gearkomste Us Memmetaal en
“Voortvarende vrouwen”.
Sneon 7 novimber 2020
De Schalle, Nijeveen, Krite Waling Dykstra/Meppel: hjerstjûn (program noch net
bekend).
Sneon 14 novimber 2020
De Kiekmure, Hurderwyk: 96ste Algemiene Gearkomste én Moetings- en Ynspiraasjedei
FBoU.
27 novimber 2020
’t Haolerhoes Hooghalen: in moaie muzikale jûn met Bauke Kooiker.
Freed 18 desimber 2020
Urbana, Swol, Frysk Selskip Swol: krystmiel
(Mear yn it septimbernûmer)
- Tinke jo ek om ús advertearders? -
Kopij foar it septimbernûmer kin oant
en mei moandei 7 septimber 2020
ynlevere wurde by de redaksje
-
SPESJAALSAAK
H. Witting & Zn
- sûnt 1876 - Huodden - Petten - Moade-aksessoires
Oosterstraat 51 Grins 050 3121180
Fakman
Yn in kroech, dêr’t steefêst boeven byinoar komme, is in bûskesteller (zakkenroller) op ’e sneup yn in moadeblêd. “Do bist al in echte snob wurden!” is de miening fan ien fan syn maten. “Hoe komst dêrby?” is it antwurd, “dit is ommers in fakblêd. Ik moat dochs witte wêr’t yn dit seizoen de bûsen sitte …!”
-
Jo binne no dochs wol sa wiis,
foar alle soarten broadsjes, slaadsjes,
frisdrinken, wyn en tsiis:
’De Kaaswaag’ hat de fine fleur.
Dêr kinne jo te kust en ek te keur! Singelpassage 20, Assen Tel. 0592 – 311154 www.dekaaswaag.nl
http://www.dekaaswaag.nl/