CV DE WESPELLE

Brokkelze

Veerde joargank

jannuaar 2008

2

Vier wunsje alle

Brokkelzer luuj

en al os gaste

ee good

en gezonk 2008

mit veul

carnavalsplezeer

3

Optocht 2007

4

Vuurwoad van d’r President

Betste Wespelle,

’t Woar ee jaor um nit te vergeate.

Vuur de ierste kier hant vuur ee jeugdprinsenpaar oetgeroape.

Ee echt prinsenpaar van de Wespelle.

Mit veul nerve howwe vuur noa dea daag tow geleafd, zow ut get

weade of nit.

En achteraf hant vuur os de nerve vuurnieks kapot gemakt, ut woar

inne geslaagde kingermiddag, dea vuur hopelik dit joar och werrum

geslaagd mage neume.

Maar ut likt natuurlik an uuch ouwers, komt ier of komt ier nit mit de

kinger noa ut Wespelleriek. Doa begint ut alleneuj mit.

Vuur wille dan natuurlik och gidderinne bedanke dea d’r ierste

kingermiddag in 2007 mit hat lotte slage; op noa d’r twiede.

En went me de ganse carnaval va 2007 de revu lut passere dan kanne

vier zage, ut woar werrum geslaagd, doa woare diverse hoegtepunte

en went me mit z’n alle gezellig zonger stried de carnaval kan viere

dan is ut vuur os Wespelle geslaagd.

En noen steet 2008 vuur de duur, vuur zint benujd wat os dis carnaval

bringt.

Hant vuur inne prins, prinses of ee prinsenpaar, wea wit.

Kanne vuur in ridder huldige?

Hat der 100-joarige voetbalkloep och inne prins dit jaor?

Dit joar is ut ee kot seizoen, dus hove vuur op de antwoarde nit lang te

waade.

En umdat de carnaval midde in d’r winkter vilt, kan ut vreeze of

dooje.

5

Con en Marga Weijers Telefoon 045-5321308 - Fax 045-5324599

e-mail: bak.weijers@planet.nl

Maar al bibbere vuur van de kouw, toch is ut ee werm fes en ee fes va

plezeer, ee fes um ins te ontdooje

Want ut weer is af en tow nit alling duk genog koud, och ut leave is

dat af en tow.

De carnaval nudigt os oet om te ontdooje en wie vrug de carnaval och

vilt, mit de carnaval begint toch och ee bietje de lente.

Onger dit motto wunscht ut bestuur, d’r prins en zieng roadslede uuch

ing sjun carnavalstied mit alles wat doa beij gehuud en ee gezonk

2008. Dat de lente vuur gidderinne mag beginne op der 5 januaar heij i

Brokkelze.

President Sjef Konings

6

Programma prinseproclamatie 2008

20.11 oer D’r Elveroad kunt op

20.13 oer Eupening durch d’r President

Donoa in willekuurige volgorde:

Poco Loco

Egaal

Jan Heffels – buut

Dansmarieke Kim

Kirchroädsjer Steierbuben

Paradice Dancers

D’r Letste Sjrai

De Poengele

Oad-Prinse va Brokkelze

Ronk 23.00 oer Proclamatie prins

Donoa: Prinsedans

Moeziek: DeeJee Tom

*****

Brokkelzer carnavalskalender 2008

5 jannuaar Prinseproclamatie mit zitsung in D’r Eck

12 jannuaar Prinsereceptie in D’r Eck

17 jannuaar Carnavalsmiddag senioren in café Simons

19 jannuaar Herrezietsung in D’r Eck

25 jannuaar Carnaval in de kantien van VV Rimburg

2 fibbruaar Sjluuteloverdracht Gemeente Landgraaf

2 fibbruaar Kingercarnaval in D’r Eck - Aavank 16.11 oer

3 fibbruaar Carnavalsoptocht; donoa Prinsebal

4 fibbruaar OetriekeVergulde Wespel in D’r Eck

6 fibbruaar Hirringebiete in D’r Eck

7

Prinsen

c.v. de Wespelle 1956 Joseph I (Dohmen)

1957 Peter I (Janssen)

1958 Huub I (Hanssen)

1959 Sjeng I (Bastiaans)

1960 Sjef I (Huntjes)

1961 Joseph II (Kallen)

1962 Joseph III (Rutten)

1963 Chris I (Beckers)

1964 Jan I (Thoren)

1965 Huub II (Snijders)

1966 Nic I (Czerw)

1967 Joseph IV (Beismann)

1968 Juul I (Verreck)

1969 Geen prins, zaal afgekeurd

1970 Peter I (Peters)

1971 Prinses Margriet (Beckers)

1972 geen prins, herstel zaal

1973 Peter III (Beckers)

1974 Ton I (Peters)

1975 Peter IV (Bost)

1976 Harry I (Hanssen)

1977 Wim I (Eygelshoven)

1978 Peter V (Snijders)

1979 Hans I (Verreck)

1980 Sjef II (Janssen)

1981 Mario I (Dalu)

1982 Jan II (Dohmen)

1983 Huub III (Römkens)

1984 Toni I (Kaczmarek)

1985 Wijnand I (Gielkens)

1986 Karel I (Pöschkens)

1987 Jos I (Mennis)

1988 Richard I (Kremer)

2007

1989 Wim II (Van Diemen)

1990 Wim III (Kaczmarek)

1991 Rob I (Hanssen)

1992 Bert I (Hanssen)

1993 Mario II (Theissen)

1994 Pascal I (Beismann)

1995 Jeffrey I (Demas)

1996 Paul I (Rutten)

1997 Roger I (Schurer)

1998 Micha I (Lutgens)

1999 Gerhard I (Längin)

2000 Luciën I (Fröls)

2001 Marc I (Van Ewijk)

2002 Sander I (Lutgens)

2003 Rinus I (Verhagen)

2004 Wim IV (Peelen)

2005 Mischa I (Horvath)

2006 Patrick I (Verreck)

2007 Nico II (Ringens)

2008 ???

8

Carnavalszondig 3 fibbruaar

trukt d’r optocht durch

Brokkelze

Vertrek 14.11 oer (Gremelsbrugge)

gidderinne geet mit of sjteet te

kiekke…!!!

9

Op essjegoonsdig 2006 woed ozze verein durch os vrung

de Geete oet de Grunstroat tijdens ’t hirringebiete

verrast mit ing sjwoare replica van d’r watertoere. Heij

onger kent ier lese wie dat alleneuj in zie werk gong.

Sjleepe mit d’r watertoere

’t Woar op essjegoonsdig 2006 zoe ronk de klok van hoaf nuuge dat

vier durch de jonge van de Geete oet de Grunstroat in d’r Eck verrast

woede mit ing metershoege replica van d’r watertoere.

Durch regelmatig gesteggel tussje de Wespelle en de Geete uver de

egenaarsrechte van d’r toere woare zie tot de conclusie gekoame dat

d’r echte van heun woar en dat de Wespelle ’t mar ee joar mit inne

surrogaat toere moeste doeë. Vuur de carnaval van 2007 moes dea

evvel waal werrum truuk gegeave weade an de Geete. Ze howwe och

ee klee bietje ongerzeuk gedoa en loate os op ee ondudelik document

kiekke dat d’r toere beij de Grunstroat zow huure.

Op inne groete vrachtwaan howwe zie d’r toere opgelane en dea woed

os vuur de duur gezat.

Doa stonge vuur noen. Wat te doe. Woa moete vier hin mit dat dink.

Al gauw woed mevrouw Kallen gevroagd of vier dea kloemel op de

boerdereij koeste plaatsje. Dat mocht gelukkig en inne

heftruckchauffeur woar och al flot gevonge. Mit vereende krachte

woed d’r toere in de sjuur van de boerdereij gezat.

Mar wie noen wier. In de sjuur koette nit blieve stoa want dan woare

vier bang dat de Geete os zowwe kulle en um beij nacht en ontij

zowwe voethoale en vier ’t anger joar mit leeg heng en d’r monk vol

teng zowwe stoa.

Gelukkig how os lid d’r Mien waal ee idee woa vuur dat dink kwiet

koete en ee tiedje later hant vier d’r toere noa ing geheim plaatsj

gebraat. Frappant is dat die plaatsj nit in Brokkelze woar mar op ’t

terrein van d’r ‘vijand’ nemlich in ing loods in de Grunstroat. Wat

howwe vier doa toch ing sjpass van.

10

11

Noen moeste vier goa denke op welke maneer vier d’r toere an de

Grunstroater zowwe kenne truuk geave. Ee gesjikt moment leek os de

receptie van de Koetsche Gruuskes beij gelegenheed van heun 5x11-

joarig bestoa.

Natuurlik woar och van belang te wete of d’r richtige toere noen van

Brokkelze of van de Grunstroat is. Doavuur sind vier deep in de

archieve van de geminte, de provincie, ’t riek en ’t bisdom gedoake.

En inderdaad oet versjillende documente bleek dat d’r toere absoluut

en vast beij Brokkelze huurt.

Op zoaterdig 26 jannuaar hant vier ’s mörgens vreug d’r toere oet ’t

verstek geholt en dem i ge veld beij ’t Warderkapelke geplaatsj. Doa

stong hea noen en kiekket oet op zienne groete broor. Jong wat

howwe vier ing sjpass. Mar vuur koette um doa natuurlik nit lotte

stoa. Huujtsendaags witste mar nit wea alleneuj in dat veld doa boave

ronk lupt en wat zich doa ’s naats afspilt. D’r toere woed vuur inne

dag werrum noa ee geheim adres gebraat. Iers hant vier evvel nog get

foto’s genoame um te bewiese datte doa wirkelik stong.

Vuur d’r aavank van de receptie van de Gruuskes hant vier de Geete

op de huugte gesteld van ’t feit dat vuur d’r toere ing plaatsj howwe

gegeave in ge veld en dat ze hem doa zelf koette ophoale. Die worre

totaal paf en goonge zelfs mit ee paar maan al meteen kiekke. Nieks te

zieë natuurlik!!! Jong wat howwe de Wespelle sjpass. Ozze president

d’r Sjef sproak mit de Geete aaf dat d’r officiële uverdracht op zondig

28 jannuaar um twelf oer zow plaatsjvinge. Dat gebuurde och ezoe.

Koud woar ’t dea morge. Mar inne gowwe jonge klore holp os um de

kou te durgstoa en is natuurlik och ummer good vuur de

verbroedering.

D’r Mien how d’r toere werrum op d’r waan gelane en dea woed

durch ozze president en prins Nico II werrum ter hank gesteld an de

Geete.

Mar nog ins motte vuur heibeij aageave dat d’r echte toere toch waal

beij Brokkelze huud.

Want wenste Brokkelze oet vieësj dan zieste dea toere alling mar

groeëter weade en wenste Brokkelze in kuns dan is dat genau zoeë.

Dat alling al is toch ’t bewies dat d’r watertoere beij Brokkelze huurt,

doa hant vuur ging officiële bewiese mie vuur nudig.

12

13

Ridders van de

Vergulde Wespel

2007 Jo Demas

2006 Albert Verreck

2005 Wiel Rutten

2004 Mariet Touissant-

v.d. Bercken

2003 Leo Hanssen

2002 Mr. Bert Janssen

2001 Joep Kaczmarek

2000 Arno Kaufholz

1999 Sjang Kremers

1998 Frans Jongen

1997 Trees Hanique-Janssen

1996 Aloys Mennis

1995 Joep Nievelstein

1994 Pastoor Jozef Frankort

1993 Pierre Peters

1992 Piet Nickel

1991 Sjef Huntjens

1990 Jet Kruyen-Hanssen

1989 Wiel Snijders

1988 Joep Hanssen

1987 Mr. Hans Coenders

1986 Resi Beckers-Peters

1985 Peter Thoren

1984 Arnold Verreck

1983 Theo Eijgelshoven

1982 Alfons Kallen

1981 Wiel Beckers

1980 Paul Collon

1979 Wiel Schormans

1978 Johan Thoren

1977 Piet Peters

1976 Joep Erkens

1975 Jules Haagh

14

Opgepas!!! Opgepas!!!

WAARSJUWING! ABSOLUUT LEËZE

Leef luuj, (vuural mansluuj) pas good op!

Ich wil gidderinne dea get kope geet beij d’r Hornbach waarsjowwe

vuur oplichterije die mich en wie ich gehoed han och nog angere

pas geleje is uverkoame.

Op de parkeerplaatsj woed ich - wie ich mieng boodsjappe an ’t

inlade woar - agesproke durch twiëe vrouwluuj van e joar of twintig

(ich denk dat ze oet Oost-Europa koame).

Ze howwe van die gans strakke T-shirts a woa de broste bow

oetvole.

Da moste sjterk in de sjoan stoa um doa nit noa te kiekke.

Mit e erg zielig, maar och waal geleufwaardig verhaal vroagete ze

um ing lift noa Woabich.

Wie ze emoal achterin zote begonne ze zich ongeree get te vrieve,

wobei ze d’r good vuur zörgde dat ich ’t in d’r binnespegel koes

ziëe.

Effe later begon ee van die vrouwluuj zich oet te kleije en klom

uver d’r sjtool noa vuure. Wie ’t vuurin zoot begon ‘t mich uveral te

vrieve.

In Woabich han ich ze oet d’r waan gelotte en ze wunsjete mich nog

inne sjunne oavond.

Mar… wie ich heem koam merket ich pas dat ze mieng buusj

geklowt howwe.

Dat is mich afgeloape diensdig uverkoame; en goonsdig en

donnestig werrum,... gistere zelfs twieë kier.

En huuj koes ich jammer genog nit…

Juupke

15

JEUGDPRINSEPAAR 2007

Umdat vier in Brokkelze ging

volwaardige sjoeël mie hant,

leek ’t kingercarnaval in oz

dorp och verlore te goa. De

Wespelle hant dizze activiteit

opgepakt en vurrig joar vuur

’t iers zelf ee ege prinsepaar

geproklameerd. Mit succes

kenne vier achteraaf zaage.

Vier hope och dit seizoen

werrum ee jeugdpaar te

kenne oetrope. Op de foto ’t trotse jeugdpaar

van ’t seizoen 2007.

Laurie I en Yuri I

(Laurie Dadziak en Yuri Konings)

OETSPROAKE VA ROADSLEDE (van d’r carnaval, nit die angere)

“Mie verstank is mie kapitaal!”

“Och jong, ermood is ging sjand.”

“Wie vingste die foto va mich?”

“Zoe moeste d’r in wirkelikheed oetzieë.”

“Mieng vrouw geet nooit vuur twieë oer noa bed.”

“Wat deet ze dan zoelang?”

“Ze waat op mich!”

“Wienie has doe dieng vrouw liere kenne.”

“Wie vuur e hoaf joar getrowd woare.”

16

GET VA VREUGER

Proclamatiepunte van d’r prins van d’r Kirchroatsjer Vasteloavends-

Verain oet 1938

A MIE KIRCHROATSJER VOLK

Iech Prins MIEL I proklameer hijmit, dat iech vuur ’t joar 1938 – ’t

tswaide van der Kirchröatsjer Vasteloavends-Verain – de rejeerong

uvver Kirchroa-Kom, Blieërhei, Sjeveemet, Hoots, Haander, Nullet en

Hoeëpel han op Miech jenoame.

De Jrents va Mienne Sjtaat is in ’t Norde en Oste Duutsjland, in ’t

Zuude Eegelse en in ’t Weste de Milieoeëne Baan.

Vuur de tsiet va Mieng rejeerong, die iech mit Sylvester va Mienne

leeve vuurjenger Prins Joeëhad I han uvverjenoame zal de voljende

JRONKWET va elf ponkte jelde:

1e. Iech bin a jinne verantwoadong sjuldieg, doavuur han iech mienne

Road van Elf.

2e. Va i-kommens onger ’t millioeën jölle per joar, broech me jing

sjtuur tse betsaale.

3e. Krietiekaster, kniesoeëre, kwatsjköp en kwieëzele mosse

sjpieëtstens Vet-Donnesjtieg mienne sjtaat verlosse han, angesj weade

ze in ’t hertekamp van de V.V.V. objebloase.

4e. Monter en fiedeel jezichter zund onger mieng rejeerong troef; wea

des jeee hat, mos ziech zoeë jauw wie meuglich ee losse aa-measse.

5e. Va tswelf oeëre bis middaag is alling erns twouwjestange, de anger

tsiet van der daag mos jelaacht weade.

6e. Der aljemeene jros is: “Alaaf Kichroa!”

17

7e. Wea ziech bezonger verdeensliech i Mienne sjtaat maat, kriet ’t

nieëkste joar va Mienne opvolger inne bleache of pappedekkele orde,

umdat iech der joode sjtandard verlosse han.

8e. Wea va sleate tsiet kalt of mar doa-aa dinkt, kriet landesverwies

bies ’t joar tswai-doezend.

9e. De könneke van de sjutserije stjunt Miech i val va krig mit hön

mansjafte bij en maache ing front – va wieër wie inne pielleboog ka

rikke – um mich erum.

10e. I mienne sjaat derf der jölle nit sjweave, mar mos rolle en vlije.

11e. Wea ziech nit an die ponkte en anger vuursjrifte, die Iech maache

zal, hilt, kriet der kop aaf en wead da loofe jelosse.

Alaaf Kirchroa!

Kirchroa, 1938 MIEL I

WIETZE WIETZE WIETZE

Zeet d’r baas tege d’r Joep: “Ich han dich gistere vreij gegeave um noa

de begrafenis van dieng sjoenmam te goa. Mar noen huur ich dat die

nog springleavend is!”

“Joa dat sjtimt” zeet d’r Joep, “mar ich han och alling mar gezáát dat

ich géér noa de begrafenis van mieng sjoenmam zow goa”.

D’r Sjarel is gans alling noa Paries gewea. Wie hea werrum heem is,

vruugt zieng vrouw um: “Haste in Paries och nog ins a mig gedaat?”

Joa zieker, wat minste”?, zeet d’r Sjarel. Giddeskier wen ich in ing

leuke wiedsjaft zoot moes ich an dienne leve monk denke. “Wie zoe?”

“Doa honge uveral bordjes mit ‘Daag en Naat”geopend.

18

Carnavalsmondig

Wea kriet de Vergulde Wespel???

Op canavalsmondig ’s mörgens zal vanaaf tien oer och dit joar d’r

zaal al werrum ziemlich vol lope. Vier gont dan werrum inne persoen

huldige dea sich verdeenstelik had gemakt vuur de Brokkelzer

gemeensjap.

Talloze vereine – wo onger och Sjtadsprinses Joyce I van de

Spinneköpkes met heur gevolg – hant al lotte wete dat ze dea mörge in

ozze narretempel aanwezig zalle zieë.

Zoe wie ier gewend zit zal och werrum inne buuttereedner optreëne.

Wea dat dit joar is wete vier op dit moment nog nit, mar dat ’t werrum

inne topper is, doa kant ier va op aa.

Ut wead werrum inne gezellige mörge dea tot in d’r late middag zal

doere. Zoe wie ummer ee hoegtepunt van d’r Brokkelzer carnaval.

Inmiddels oetgegrujd tot ing traditie die tot wied boete Brokkelze

bekend is.

J.J.H.M. (Jo) Smeets

Eurode Business Center (EBC) Eurode Park 1 – 24, 6461 KB Kerkrade

Telefoon +31 (0)45 5639501

19

WIT IER:

- Dat d’r werrum gidder sjtond ing bus vied durch Brokkelze…

- Dat die ummer op tied kunt...

- Dat die nooit gans vol zit.

- Dat de beloofde sjildpadde op de Wormbruk d’r nog ummer nit

sjtond…

- Dat deginnige die doa vuur motte zörge genau e zoe langzaam

sind wie die sjildpadde.

- Dat d’r kippesjtal in d’r Rinckberg endlich voet is…

- Dat doa doezend luuj sind gange kiekke (sec!).

- Dat ’t Laurie en d’r Yuri os ierste Jeugdprinsepaar is…

- Dat de Wespelle doa richtig stols op sind…

- Dat die twieë dat och sind.

- Dat dit joar werrum d’r optocht trukt...

- Dat ier doa alleneuj a mit mot doeë.

- Dat de Wespelle dit joar d’r eenenvieftigste prins proclamere.

- Dat d’r voetbalkloep dit joar honged joar besteed…

- Dat dat groet gevierd wead…

- Dat ier doa allemaol verwacht wead…

- Dat d’r nog ummer gee nuj daak op de sjoel zit.

- Dat dat al veul te lang zoe is…

- Dat vuur dat zat sind…

- Dat ze nit gedoa hant wat ze os beloafd hant.

- Dat ’t kunstwerk vuur d’r Eck d’r noen sjteet..

- Dat dat sjun is gewoede.

- Dat de Wespelle in 2009 ‘t 5x11-joarig bestoa viere.

Sam Dautzenberg T 045-5315666

Grensstraat 74 6374 CT Landgraaf bouwtech@home.nl Nieuwbouw ▪ Verbouw ▪ Renovatie ▪

Constructiewerk ▪ Ontwikkeling

LA

ND

GR

AA

F

20

Vuur alle kinger va Brokkelze en

omgeaving

Och de ouwesj en opa’s en oma’s maagge

kome.

Vier maake dur inne sjunne middig van!!!!

21

Café - Zaal

D’r Eck Rimburg

Voor een gezellige avond

en al uw feesten

Ben en Finy van der List

Brugstraat 16

6374 LV Landgraaf

tel./fax 045-5321135

email: d.reck@home.nl

info@cafe-dereck.nl

http://www.cafe-dereck.nl

Prinsebal Carnavalszondig noa d’r optocht zal och dit joar werrum ut Prinsebal

weade gehoade.

Dit joar zal de moeziek vuur ‘t iers koame van inne DeeJee. Noadat

vier joarelang alling mar leavende moeziek hant gehad is dat vuur

ozze verein inne groeëte stap. Vuur sind d’r evvel van uvertuugd dat

vuur inne gowwe DJ hant kenne contractere. D’r alombekende DJ

Richard oet os ege dörp zal vuur uuch de moeziek verzörge en zoe wie

vier os hant lotte vertelle zal heij doabeij nog de nudige ongersteuning

kriege van inne bekende klinge Brokkelzer (wea zow dat zieë ?). Dat

beloafd dus ee groeët fes te weade op carnavalszondig noa d’r optocht.

22

INTERVIEW

Sinds vurig joar vlak vuur de carnaval hant de Wespelle och werrum ee

dansmarieke. ’t is ’t Kim Dadziak dochter van Diana en André (ozze

vuurzitter). De redactie hat mit Kim gesproake en um gevroagd get te vertelle

uver ’t danse en zichzelf.

Wie koam ’t datste dansmarieke bis

gewoede?

Ich vong dat geweun leuk.

Moste veul oefene?

Joa, 2 kier per weak.

Wea liert dich die dansjes?

’t Henny (Wingelaar)

Haste al ins urgens opgetroane.

Joa.

Vertel mich ins wie dat woar.

Leuk.

Geet dat danse ummer good?

Joa.

Geet d’r och wel in get verkied?

Joa gans soms.

Wie lang danste al?

Vurig joar 4 weake vuur de carnaval bin ich begonne.

Woa haste dat sjun pekske gekriege datste a has?

In Brabant in Sint Oedenrode beij naaistudio Floor Vogels.

Haste och nog anger hobbies?

Joa, peadsrieje en sjwumme.

Wie lang wilste dansmarieke blieve?

Gans lang, op z’n minst 1x11 joar.

Wie oad biste noen?

7 joar.

Wie kunste an de moeziek?

Van ’t Henny.

Zeukste och zelf waal ins moeziek oet?

Dat han ich nog nit gedoa, mar dat geet waal gebure.

23

Woa haste al uveral opgetrone?

In d’r Eck, café Simons en Trimbourgogne.

Danste och nog urgens angjes beij?

Joa, beij de Paradice Dancers in d’r groep.

Motte dieng ouwesj dich ummer asjpore um te oefene?

Nee, ich bin d’r ganse daag al an ’t springe.

Welke danspasse kanste al?

Superveul. Hakke tiene hakke sluit, spagaat, split, uverslaag, radslaag,

gooi gooi en sluit, achter achter loop loop sluit, kozak, overzetten,

paardepas, bee vaspakke en rundje driene, hakkestuuts en nog ee paar.

Haste och vrung?

Joa, ’t Sanne mit twieë n’s , Sylvana, Shannon, Dusty, Dannie, Iris,

Ashley, Aimy, Laura en de rest van d’r dansgroep. En natuurlik mieng

dansmam ‘t Henny.

Woa deeste oefene?

In de Sjtee Uul in Lauradorp en heem natuurlik.

Wat deeste doa allemoal?

Oefene, pause en doano lotte vier d’r dans an de mamma’s zieë. Soms

och waal ins d’r solo.

Wilste wier nog get kwiet.

Nee, ich weet nieks mieë.

Kim hartstikke bedankt en ing sjun carnaval mit gow optrenes!

CHINEES INDISCH Specialiteiten Restaurant

Tim Po

Tel. 045-5321649

Hovenstraat 128A

6374 HG Landgraaf

Wij verzorgen voor al uw feestjes, communies of jubilea etc. een doorlopend

buffet bij u thuis. (minimaal 10 personen) Reserveer tijdig.

24

Joko

Producties vof

Organisatiebureau

De juiste partner voor al uw evenementen

BEDRIJFSFEESTEN, BRADERIEËN, KUNSTFESTIVALS, ARTIESTEN

Sjef Konings Rinckberg 30, 6374 LR Landgraaf

tel: 045-5327577 - fax: 045-5311761 - gsm: 06-1136 5515 e-mail: j.c.konings@home.nl

Vuur gowwe kaffe,

sigarette en sigare

Ton Eygelshoven d’r dörpswinkeleer va Brokkelze

Rinckberg 13-15, 6374 LP Landgraaf, 045-5322466

25

Programma Brokkelzer Herrezitsung

Zoaterdig 19 jannuaar - aavank: 17.00 oer - zaal oape: 16.00 oer

D’r sind ging kaate mie te kriege,

De zietsung is och diz joar werrum oetverkoad

Mit:

Heidi – Wielke Vinken – Marleen

Bunte Pieter – Sjpasskapel – Angelina

Frans Kroonenberg - Big Benny

Presentatie: Marc Linssen

Organisatie: Finy en Ben, gemeenschapshoes D’r Eck

Sjef Lubin S.L. Good en Zilversjmid

Vuur ut ontwerpe,

make of reparere

van al uuch seerroade.

Ôch vuur rouwseerroade.

Palenbergerweg 3 Tel.: 045-5690768

6374 LS Landgraaf Fax: 045-5690775

26

Herman en Toos Dassen - Wierts

Herman en Toos Dassen - Wierts

OZZE GAAD

1995/1996: Tekst: Jean Paulssen, moeziek: Rudie Cremer

Oetveurende: Alles Kappes

Refrein: Vier hont kappes in der gaad, winktermoere, frisje sjlaat.

Breedloaf, unne, selderie, dat is caramba vuur de prie

Rammenasse vuur te plasse, proeme vuur de roetsjmetoetsj. En van selderie doa geeste, dan is alle ieëlend foetsj.

Winktermoere vuur te loere, vioële vuur de blommevaas. Sjniepelbonne vuur de nerve, en van unne giefste gaas.

Noen hod mar gauw der monk. Ozze Gaad hult os gezonk........

REFREIN

Zoer augurke bei 't lurke, eërpelsjlaat sjmakt Uëveral.

Etse, breedlooëf en get eëerpelvuur de tsoep mit carnaval. Zoere unne, dikke, dunne sjmierede keeël, dat is okee.

Want hont vier ee bietje kater, hult der gaad os op de bee.

Noen hod mar gauw der monk. Ozze gaad hult os gezonk........

REFREIN

27

E.A. Kozole B.V.

Uw adres voor Alfa Romeo en Fiat Maak nu kennis met het nieuwste model van

Alfa Romeo, de nieuwe 159 T een sportwagen met flair

De nieuwe Fiat 500 nu in onze showroom,

de auto van het jaar

Edisonstraat 23 6374 AK landgraaf Tel nr 045-5321088 Fax nr 045-5321128 Website: www.kozole.nl

28

Kunt ing vrouw inne bookwinkel binne en zeat: “Ich zeuk get vuur

inne kranke”. “Get religieus?”, vruugt d’r verkeuper. “Nee, dat hoof

nit, ’t geet um al werrum get beater.”

“Wie has doe dieng vrouw egelik liere kenne.”Och, vier zoote op ing

bank beij ’t kapelke. Het zaat nieks, ich zaat nieks, en van ’t e woad

koam ’t anger.”

D’r kastelein: “Doe has mich gistere ee beer te winnig betaald”. ”Da

kanste mar werrum ins zie wie heij in gen dörp alles gauw de runde

deet.

Gisteroavend zaat inne plies al tege mich dat ich ee gleske te veul

gedronke how.”

Twieë vrundinne sjtond sich an de tiek get te vertelle. “Ich mot op ’t

moment erg good oppasse dat ich nit sjwanger wead.

“Woarum dat dan, dienne maan hat zich toch lotte sterilisere”.

“Doarum graat!”

29

Twiee slange kome an inne telder spaghetti vuurbeij. Zeet de ing tege

de anger; “Moste ins kiekke, zoe kling en al groeppesex.”

D’r Jan makt ing proofrit in inne klinge mini. “Zaag mich ins” vruugt

hea an d’r verkeuper, “Wat is dat toch vuur ing lang moer, woa vuur

langs vare.” ”Dat is ging moer,” zeet d’r verkeuper, “dat is d’r

trottoirbank.”

Dreij ouw menkes zitte op ing bank an de Worm en geave sich

ongeree road wie me zoe oad wie mar geet kan weade.

Zeat d’r ierste: Ich bin 86 joar. Ich woar nit e zoe oad gewoede, wen

ich gedronke how en ummer laat noa bed woar gegange.

D’r twieëde zeat: Ich dank mienne hoeëge leeftijd an mie dieet oet

bottermilk en greunte.

Zeat durginnige dea ’t owste oetzied: Beij mich is dat alles get angesj

verlope. Mienne pap hat mich al vreug geroane mie leave in volle

teuge te genete. Roke, drinke, de naate um de oere howwe en gea

plezeerke uversloa.Ungeleuflik sjtaune die twieë angere, ongeleuflik...

Wie oad biste egelik. Eenendrissig!!!

Ee klee jungske en meadje ligge op de kraamafdeling van ’t

ziekehoes. “Wits doe wieste kans zieë dat ich ee jungske bin?”

“Nee, woa a zieste dat?”

Gans langzaam deat dea klinge zieng dekke aaf.

“Enne, zieste ’t noen.”

“Nee,” zeat ’t meadje, “vertel ’t mich noen mar.”

“Dat ziet me toch zoe, ich han blauw sökke aa.”

30

‘t Henske woar al vreug e sjlauw kealke. Dea wos al gauw woa

Abraham d’r mayonais holt.

Wie zienne pap dem ins uver Sinterkloas vertellet zaat dea: “Pap huur

mar op mit dienne Sinterkloas. Ich han alles gevonge op d’r zölder: de

kleijer, d’r baad en och d’r sjtaf. Ich geleuf allang nit mie in

Sinterkloas. En dat zal ich dich zage pap, noe wie ich dát weet, kanste

mit dieng verhale uver d’r ooievaar och ophure.”

Doe zaat zienne vadder an ‘m: “Jong witste dan och al wie dat geet.”

“Jaaa…” zaatte doe, “gans genau weet ich ’t nog nit, mar kinger

weade gebore, en ich zal e zoelang zeuke tot ich die boor gevonge

han.

Oet d’r optocht van 1956

31

KFZ Meisterbetrieb

H. GILLICH

Meeneemservice nog steeds vanaf privé-adres!

Industriestraβe 12 52457 Aldenhoven Tel. : 02464-5820 Fax : 02464-58218 E-mail: hgkfzmeister@gmx.de

Öffnungszeiten: Mo. bis Fr.: von 8.00 bis 17.00 Uhr Pause: von 12.30 bis 13.30 Uhr Sa.: von 9.00 bis 12.00 Uhr

32