In relatief kótte tied hat 45èlf inne ganse eege leedjessjtiel ontwikkeld: sjtuk vuur sjtuk ludieke hymnes in tradisjenele vasteloavessfeer mit ing flinke porsie knoakdruuge humor in ing anekdotisje dubbelzinnigheed. De vaste- loavesakt oet Landgraaf is ópgerich in 2016 en treënt óngerwiel ‘t vasteloavessezoen ón-regelmieësig óp in de Parksjtad en umstrieëke mit zelfgesjrieëve sjlagers. Beëter sjeef d’r in 45èlf won ‘t ieësjte joar dierek ‘t Oape Land-graafs Carnavalsmoeziek Konkoer (OLCK) mit ‘t leedje ‘Beëter sjeef d’r in...’. In 2016 woeëd ’t leedje óch d’r Landgraafsjlager, sjtóng 45èlf óp de Groëete Gulpener Vastelaoves Finale en de aafgelope joare in versjillende finales van ‘t Parksjtad Leedjes Konkoer en CMC Alaif. Ee good begin mit bei aavang de vroag of d’r überhaupt ee vervolg zou kómme.

Ee metspuntje satire Dat vervolg woar egelik gaar nit de bedoeling. “Ich houw alling inne wietsige teks gesjrieëve en doa wool ich get mit. Eemoalig. Zinge en optreëne? Nog nit mesjien.”, vertelt d’r Edwin Peelen va 45èlf. “Dan geeste toch inins loestere noa anger vasteloavesreppertwaar en letste ónbewus óp wat mit ‘t sjpassezoen allenui weët gemak aa Limburgse meziek. Leuke verhöalkes mit ee good begin en ee eind? Inne originele kloe? Lüj d’r bekinde sjpeegel vuurhaote? Of humor dieste bei einzelgängers in optochte of buutteredners nog vings...? Dat huësjte in vasteloavesleedjes joamer genóg ummer wieëniger. Onnuëzele joeks die de ruë wirklikheed draagliker makt en leunt óp ing gezóng porsie zelfsjpot gemengd mit ee metspuntje satire: ‘t besjteet bekans nit mieë.” D’r Edwin geet wieër: “’t Hoof natuurlik nit ordinair te weëde, mar ing sjun geformuleerde

dubbelzinnigheed kin gee koad. Toch? Vöal lüj zeuke de vernuiing in d’r meziek. Ich in de absurde leedjestekste.” De arrangemente van 45èlf sind da óch tradisjeneel en doarum ummer herkinbaar. Bedórve woeësj Umdat ‘t vasteloavesblood kruupt woa ’t bekans nit goa kin, koame d’r al sjnel mieë leedjes. Begin 2017 numt 45èlf ‘t leedje ‘Ich zien dich waal zitte’ op: ee aod LVK-nómmer oet 2002, bewirkt noa ‘t ege dialek. In novem-ber 2017 deed 45èlf es titelverdediger wer mit aan ‘t OLCK mit d’r (óch wer ege gesjrieëve) nómmer ‘Bedórve Woeësj’. ‘t Leedje eindigt óp ing gedeelde twieëde plaatsj. In dat joar weëd och inne twieëde nómmer ópgenoame mit d’r titel ‘Sjuuf ins effe óp’. Mar va binne biste sjun! In 2018 weëd evvel driftig durchgesjrieëve aa nuie leedjes. Dat joar bringt 45èlf evvel get angesj dan deë cosmetisj gefrituurde, oppervlakkige vasteloaveskui en kunt mit d’r nuie sjlager ‘Mar va binne biste sjun’. Ee leedje mit mieë deepgank wat óp terapeutisje basis

kin weëde vuurgesjrieëve. Ing dudelike, bauw profetische boodsjap: dat wat va binne zit is oetintelik woa ’t wirklig um geet; ongeach wieste oetzies. “Doabei mót waal noadrukkelik gezag zieë: jieëkere geliekenis in d’r teks mit richtige persoeëne berust zónger twiefel louter óp touwval.”, bevestigt d’r Edwin knipógend. Inspirasie 45èlf sjrieft de mietste leedjes zelf en hult zing teksinspirasie oet ‘t sjunne van d’r Wiel Knipa, ‘t onduëgende van d’r Nico Ploum en ‘t verhoal-ende va de band Carboon. Op de vroag woar d’r naam 45èlf vandaan kunt, is d’r oetlek einfach: 45 is ‘t nètnummer van ‘t grutste deel va de Parksjtad, woeë Landgraaf deel van oetmak. Elf is zónger twiefel ‘t vasteloavesgetal. Doabeij is de kombinasie va de veer siefers ee knipoog noa ‘t bekinde 4711: Echt Kölnisch Wasser. Do-amit is geliek d’r link gelag mit ózze Rijnlandse vasteloavesoersjprong. I jieëker geval vöal loester- en vasteloavesple-zeer mit dit ieësjte album van 45èlf, Gruste Suksèsse ...bis noe tow.

Knoakdruuge humor in ing anekdotisje dubbelzinnigheed

Beëter sjeef d’r in... Oetgebrach november 2016 Teksdichter Edwin PeelenToeëndichter Edwin PeelenArrangement Michel NitaÓpnametechniek Marlstone Music

[koeplet ee] Nit mieë wie inne kroekesjtóp, nit ech ee sjportfiguur.Ee bee te kót, twieë linker veut, min twelf in ‘t móntuur.Al dartig joar rechsboete. Nog noeëts d’r bol gehad.’ne Sjeële klotskóp óp ‘t veld. De klub die woar höam zat.Mar noa ing uëvertreëning, had heë zieng kans gepak.Vanaaf de elf, zieng ieëjste gool gemak.

[refring]Beëter sjeef d’r in dan rech d’r neëve. Mit get prove geet ‘t good.Beëter sjeef d’r in dan rech d’r neëve. Kóm verlees noe nit d’r mood.Beëter sjeef d’r in dan rech d’r neëve. Han geduld en num de tied.Mit kleine sjtepkes kunste wier. ‘t Geet al vöal... beëter wie de ieëjste kier. [koeplet twieë]Heë wirkde bei de GeeGeeDee as medisch assistent.Nog nit zoeë vöal ervaring. Nog nit zoeë vöal gewend.Heë moch ing kier probere en sjtikt óp good geluk.Dus effe tendjes óp elkaar en flink noa vuur gebuk.De bóksj haof óp de kneie. Mit touwgeknieëpe bats.Hat heë mit pieng en muite, ing sjpuit d’r in geflats.

[refring] [koeplet drei]Deë daag deë zou goa kómme. Die nach zoeë lang verwach.Zie meëdje woeëd zie vruike en in de huweliksnach:Mit hange en mit wurge en zjweet óp zie gezich...lupt heë gesjpanne rónk ‘t bed en deet als maan zieng plich.Gemorks tussje de lakes en sjtónde geprobeerd.Bekans mit dat gehóddel, zieng vrouw versjangeleerd.

[refring]

[tusjesjtuk]Huur óp mit dat gekloemel. Sjei oet mit dat gevring.Noe blief dich kónsentrere; dan geet ‘t van alling.

[refring]‘t Is egaal wie lang me helt. ‘t Rezeltaat dat is alling wat telt.

[koeplet ee] Al joare lank wool heë d’r prins mit vasteloavend zieëen intlich woar e doa, d’r groeëte daag.En noa zieng proklemasie vool de sjpanning van ‘m aaf,doe kroog heë las van inne leëge maag.Heë sjnappet zich ing tuut vol nónnevótte;doabei nog inne telder eëpelsjlaat.En op de voes wool heë nog get besjtelleen makde ing bedórve woeësj soldaat.‘t Woeëd ‘m langzaam sjlech en heë sjtóng wankel óp de bee.Heë kneep zich touw de batste en heë vroog doe gans durchee:

[refring]“Woa is ‘t hüske? Woa is ‘t hüske? Ich geleuf ich mót get kwiet.Dus loat d’r sjluëtel mar geweëde. ‘ch Han vuur d’r uëverdrach ging tied.Jüs leep ich nóg gewiechtig in d’r buuttemarsj vuuróp;Noe sjteet mich gans ‘t binnewerk behuurlik óp d’r kóp.Woa is ‘t hüske? Woa is ‘t hüske?Ich hoap dat ginne mich zoeë ziet.” [koeplet twieë]D’r sjunste daag; ‘t sjlótsjtuk van ee druk regeersezoen:d’r groeëte optoch lupt zich langzaam werm.Mar boave óp d’r waan, die woeësj, die sjpieëlet ‘m wer óp,gebroes in de hoeëglustigheed zieng derm."Noe loat ‘t bónt gevolg ins effe sjtóppe;‘t drieënt zich duchtig rónk in miene maag.Woa kin ich hei ‘t sjnelste noa ‘t hüske?Ich g’leuf dat miene aafveur is van sjlaag."Noa drei sjtónd koam heë trük en vroog woa jieëkerinne woar.De lüj die zint noa heem. De vasteloavend is gedoa.

[refring]

[tusjesjtuk]Noe loester ins, weësj doe messjien d'r prins van ‘t nieëgste joar?Dan loat mich dich vertelle wie ‘t zit.Kiek oet mit waste its, mar pakste tòch zoeë ing zelfde woeësj:dan numste dich geweun ee zuver óngerbreuksjke mit.

[refring]“En van dat wuuuuuuësjke han ich sjpiet!”

Bedórve Woeësj (Woa is ‘t hüske?) Oetgebrach november 2017 Teksdichter Edwin PeelenToeëndichter Edwin PeelenArrangement Michel NitaÓpnametechniek Marlstone Music

[koeplet ee] Ing zitting oetgesjrieëve durch d’r nuie Elveroad.‘t Patrenaat lupt vol; de lüj die sjtónd bis óp g’n sjtroat.Noa sjpek-en-ei mit bruëdjes is d’r hónger get gezaken doamit inne gouwe boam gemak.Me sjteet op inne knoa; noa vuur of hinger geet nit mieëen achter in d’r zaal haste de tieëk gezieë.

[refring]Kóm sjuuf ins effe óp. Noe sjuuf ins effe óp.En loat mich toch ins durch. Ich dui mich richtig murg.Gesjravel in ing rei, aan al die lüj vuurbei.Kóm sjuuf ins effe óp.Kóm sjuuf ins effe óp. Noe sjuuf ins effe óp.Ich pruëgel mich kapót, langs dieke boek en vót.Dus sjtank nit zoeë te sjtoa en loat noe toch ins goa.Kóm sjuuf ins effe óp. [koeplet twieë]Mit muite makste meters, mar toch kunste sjtap vuur sjtap,intlich mit dieng wunsje bei d’r wieët achter de tap.D’r prins zjwaait van plezeer ins mit d’r skepter in ‘t rónken sjtuët dich de besjtelling op de grónk.D’r polonaise duid bekans ‘t tanzmariesje plat.De Garde-jónge hant zich op de tieëk gezat.

[refring] [koeplet drei]D’r adjudant deë huit dich mit d’r sjelleboom bauw neer.Doa sjuut dich ing kanon ‘n loag konfettie in ‘t beer.De sjpasskapel die hat zich in de gats geïnstalleerden d’r durchgank noa ‘t hüske geblokkeerd.Tant Berb rakt in paniek, kriet van die drukte ’t benauwden hat zich van d’r angs ‘t ganse kleed verzouwd.

[refring]

Kóm sjuuf ins effe óp. Noe sjuuf ins effe óp.Ich pruëgel mich kapót, langs dieke boek en vót.‘t Is alwer zoeë wied, die vasteloavestied...Gemuutlig wie me ziet.

Sjuuf ins effe óp Oetgebrach december 2017 Teksdichter Edwin PeelenToeëndichters Fred Jay en Jack WhiteArrangement Michel NitaÓpnametechniek Marlstone Music

[koeplet ee] Ich kin ee gans sjun meëdje, doe kins höar óch besjlis,mit van die blauwe oge. Ee blumke gans gewis.Ich durf höar nit te vroage. Deë mood kom ich te kót.Ich zou ‘t wille woage, mar weet nit wie dat mót.

[refring]Ich zien dich waal zitte, mar doe zuus mich nit sjtoa. Wie pak ich dat noe aa?Das doe mich zuus zitte, wents doe mich zuus sjtoa. Wie pak ich dat noe aa?Wie vroag ich dich te danse of mit mich te goa?Wie mót ich sjanse? Wat dan toch gedoa?Das doe mich zuus zitte, wents du mich zuus sjtoa. Wie pak ich dat noe aa? [koeplet twieë]Ich vroog ‘t aan bekinde: geëf mich ins gouwe road.Missjien get sjnelle wènke en ich bin van de sjtroat.Sjik höar ee sjtrüksjke blómme of inne leefdesbreef.Dan zal ‘t d’r van kómme en witste wat ich streef.

[refring] [koeplet drei]Ich bleef mar prakkezere: wie geet dat vlemke aa?Wat kin ich nog probere of kunt d’r toch nieks van?Mar toen kreeg ich ee keëdje en witste wat doa sjtóng?Ich wil geer zieë die meëdje; doe allerleefste jóng.

[refring]Joa weë ‘t wit deë zeët ‘t mar.

Ich zien dich waal zitte! Oetgebrach jannewaar 2018 Teksdichter Wim HendrikxTeksbewirking Edwin PeelenToeëndichter Johan BertramsÓpnametechniek Marlstone Music

[koeplet ee] De flanke vöal te rónk en nit bepoald ee tópmodel.Al joare óntevreie mit d’r kóp en ’t gesjtel.‘Tis nit dat me va dich d’r boek vazelf vol vlind’re kriet.En zieëker went me dich doabei in ‘t kloare daagleeg ziet.Dieng oere vange wink. Doe hast ee moelwerk wie ing tang.Nóg noeëts ins noagefloate. Vuur d’r sjpeegel biste bang.Die vel is gans geknoeveld. Dieng fundering is verzakt.D’r Hergod had besjlis geweun die lief verkieëd verpakt.Dieng tendjes sjtónd get gek. Aa vouwe gee gebrek.

[refring]Mar... va... binne, binne, binne biste sjun.Biste te lank, te breed, te kót of vöalste dun.De lüj die moele mar. Dus loester noe nit mieë.Wieste va binne bis dat kin me ja nit zieë.Al deed de boetezie dich leed, dat is ‘t nit woar ut um geet...Dus dink: “Va binne, binne, binne bin ich sjun”. [koeplet twieë]En kiekste mit de oge noa ‘t puntje van dieng naas?Of biste op dieet en weësj de kilo’s nit d’r baas.Dieng bóksj begint te knelle en bukke geet nit mieë.en hast doa durch al joare nit die óngersjtel gezieë. Va kinks aaf aa al platveut. Dieng pruuk hat nit mieë kluur.Doe wilst waal ins get angesj wie die heutjes vuur dieng duur.Zoeë mager wie ing ledder. Ing pütsj, dat zieste zoeë...Doa kin d’r allerbetste sjpesialis nieks mieë aa doeë.D’r haos deë hingt get sjlap. Hast boavebing wie pap.

[refring]

[tusjesjtuk]Kom maak dich nit zoeë diek; doarom verlees noe nit d’r mood.Ich geëf dich inne road dus loester good:“Gekloemel an dich zelver dat is hütsedaags gans hip...’t Vet vanoet de batse dich te sjprietse in de lip.”

[refring twieë kieër]Dus dink: “Va binne, binne, binne bin ich sjun”.Noe roop: “Va bin-ne, bin-ne, bin-ne zint vier sjun”.

Mar va binne biste sjun Oetgebrach november 2018 Teksdichter Edwin PeelenToeëndichter Edwin PeelenArrangement Michel NitaÓpnametechniek Marlstone Music

Dizze ceedee is mede meugelik gemak durch:

En da nog efkes dit 45èlf Bedankt Joyce Meens, Caroline Bosch, Marielle Vaessen, Hubert Schunken, Michel Nita en d’r Reënboagkloeb-Haander vuur hun vokaale mitwirking in de refringe. Ee woad va dank aa d’r May Quaedflieg vuur de lierzame dialekroadgeëvinge en dank aa d’r Hans Raymaekers vuur de prachtige bunefoto’s. En nit te vergeëte ee dankjewel aa ‘t Abby van Dierendonck vuur d’r intro bei ’t leedje ‘Mar va binne biste sjun’.

Book einfach en sjnel Vuur get sjpass en plezeer kunt 45èlf geer. Mit zieng ege, orginele vasteloavesleedjes verzörgt 45èlf optredes van óngeveer dartig minute. 45èlf Zingt oet ege werk, mar óch oet werk van angere. Wilste 45èlf booke?

Meel noa besjtel@45elf.nl. Bel mit 06 52 57 38 08. Kiek óp 45elf.nl. Volg óp facebook.com/45elf of instagram.com/45elf.nl.