Kopschraberijen 3
-
Upload
eltje-doddema -
Category
Documents
-
view
219 -
download
2
description
Transcript of Kopschraberijen 3
© Eltje Doddema
Dit werk is gelicenseerd onder een Creative Commons Naamsvermelding-NietCommercieel-GeenAfgeleideWerken 3.0 Nederland licentie.
Gepubliceerd: november 2014
Kopsc
hra
beri
jen
1
2 Hondeleven 3 Dood gewoon 4 Woarhaidsvinden 5 Planelogie 6 Beraauw 7 Persoonlek kentaiken 8 Poesten en stìnnen 9 Facts of life 10 2055 – Facts of life - 1 11 2055 – Facts of life - 2 12 2055 – Facts of life - 3 13 2055 – Facts of life - 4 14 Libor 15 Uutdoagens 16 Zörgroverij 17 Gezelschapshandel 18 Aantiegers 19 Burbach 20 Kredo 21 Pokkelplakkerij
22 Kobani 23 Big Brother 24 Doodlopend 25 Schuldenlast 26 Ali Baba 27 Berlien 28 Veeg taiken 29 Tuutjefloiten 30 Blues 31 Stoat van ontbinden 32 (on)Zekerhaid 33 Twitterbalans 34 Beunhoazerij 35 Tiet 36 Duvelswaark 37 Geschiedvervaalzen 38 Achterop 39 F-16 40 Moskou 41 Veenkolonies
* Hondeleven
n wirwar van vaaier poten geft òf en tou zichtboar signoalen van n leven in harmonie de verwoestende gevolgen van onze jacht- en sloopkultuur goan volledeg aan n ritmisch gesnurk veurbie
Kopsc
hra
beri
jen
2
ze zuiken zulf konfrontoatsies en geweld is t devies om aandern te schokkeren is slands eer gain aigen wies mit aandermans löt in handen speulen ze god van aigen planeet
Kopsc
hra
beri
jen
3
* Dood gewoon
heur moreel kompas voart ìnkeld op n immoreel dekreet
elks privacy wordt schandoaleg makkelk schonden en big brothers hebben wait van t stilste gefluuster mor rond t neerstörten van de MH17 blift t onhaailspellend stil en angstaanjoagend duuster
Kopsc
hra
beri
jen
4
* Woarhaidsvinden
stellegheden spreken mekoar tegen en worden bewust kleurd woarheden worden filterd en leugens bepoalen wat ter gebeurt
in n laand woar de politiek doulbewust de trek noar de stad propageert as was t door ain groot paradies leven twij en n haalf miljoun mìnsen onder d'aarmoudegrìns woaronder veul kinder zunder kaansen in t onderwies
Kopsc
hra
beri
jen
5
* Planelogie
t konsentreren van aarmou en sosioale uutsloeten in steden het dezastreuze gevolgen zowel moatschappelk as finansieel t ontvolken van t plattelaand om de kosten te dekken veur dure integroale projekten is in dizzen hail funksioneel
t is voak achteròf dat je besevven dat n verloren kans d'ainege was om ain te trevven
Kopsc
hra
beri
jen
6
* Beraauw
KN-AR-87 ridt taargend langzoam achter HO-MO-00 doarveur ridt TAT-TOO-9 veurbie n slim SE-XY knul tegemuide komt PE-CH-13 mit veur n dikke deuk nummerploaten mouten ja CO-OL wezen en veuraal meroakel LE-UK
Kopsc
hra
beri
jen
7
* Persoonlek kentaiken
emootsies lopen hoog op as volmoakte stilte oorverdovend verscheurd wordt deur t lewaai van n bladbloasvertuut want as bloadern valen bloazen lu soms hoog van de toren en nemen gain blad veur de mond as n bladbloazer de bron is van geluud
Kopsc
hra
beri
jen
8
* Poesten en stìnnen
d'ain wil geern bloaderloos deur t leven en blast bloaderij op n bult d'aander vindt t waarkverschavven en het n bult last van t tumult
niks is wat t in eerste instantsie liekt t is doarom dat ter ook zoveul òfwiekt
Kopsc
hra
beri
jen
9
* Facts of life
t was eerst t laand van niks der boven mor dat ondergeschikt wer aan hogere belangen t was vrouger t stee van beven en beuren en van stried op leven en dood tiedens swoanezangen mor
Kopsc
hra
beri
jen
10
* 2055 – Facts of life - 1
doar verdwenen de leste ruïnes dij deur shovels votschoven werden in vergetelhaid doar schokten de leste stoeptrekkens van t morsdode peerd vol berusten en geloatenhaid
bodemvolle putten waren slim geschikt veur t ultieme verdainmodel bloudzoegers zogen d'oaders leeg en speulden n filaain en schimmeg spel
Kopsc
hra
beri
jen
11
* 2055 – Facts of life - 2
wantraauwen en wanhoop werden òfkocht mit hier en doar wat smaartegeld want schatkisten dijen t allerbeste wanneer welwezen as prioriteit nait telt
bodemloze putten in bewoonde kontraainen bedraaigden de solvabiliteit van de stoat fact of life wer dail van belaaid en de kosten gingen nait meer veur de boat
Kopsc
hra
beri
jen
12
* 2055 – Facts of life - 3
t bestoan in rizikokontraainen wer stelselmoateg devalueerd t kreëren van laandschoppen zunder hoop en glorie gebeurde gestruktureerd
mit t injekteren van stikstof hoalden de nam en de stoat t leste gas uut de grond mor t gevoar van stikstof was groot en bleek veur leefboarhaid slim ongezond
Kopsc
hra
beri
jen
13
* 2055 – Facts of life - 4
lamsloagen deur teleurstellens ontston der n klimoat van wanhopege geloatenhaid woardeur t wingewest veraanderde in n laandschop van vervaal en verloatenhaid
geld ligt onberiekboar te verdampen achter pinkodes en e.dentifiers kaptoalen worden digitoal òfschaarmd deur regels op folders en flyers
Kopsc
hra
beri
jen
14
* Libor
klanten binnen overleverd aan de grillen van cyberridders dij roven en inkasseren konzumenten draaien op veur bonussen en winst deur rentepersentoages te manipuleren
as t noodweer is en t aldernoarst gloependshaard waait zöcht d'aain n schoelstee terwiel d'aander veur windmeulens gaait
Kopsc
hra
beri
jen
15
* Uutdoagens
de regeren priest t nije zörgstelsel aan as n zegen veur de moatschappij mor in dij walhalla wordt pazende zörg kenmaarkt deur minimalizeerderij t is t eldorado van verzekeroars dij as rechter en beul marchanderen
Kopsc
hra
beri
jen
16
* Zörgroverij
t is t paradies veur beoordailoars dij indikoatsies aigenhandeg definiëren zörgbehuiftegen en mantelzörgers goan systemoatisch noar de haaien want t ultime doul van verzekeroars is om in spoarsaldo's te graaien
in blitse kantoren wordt drifteg rekend in euro's en urentabellen want ainzoamhaid en zörg worden vermaarkt tot winstgevende verdainmodellen
Kopsc
hra
beri
jen
17
* Gezelschapshandel
slachtovvers wonen in deurgangshuzen vol hulpverlainers in t vergezellen mor sosioale partisipoatsie is meer as rummikubben en aandere gezelschapsspellen
midden in de zandbak is mit geel zaand n piste mit veul zörg konstrueerd drij panters van swaart plastic stoan in t midden en worden zunder dwang dresseerd
Kopsc
hra
beri
jen
18
* Aantiegers
t is doar vanzulfsprekend dat je zunder veuroordailen de wereld eksploreren en nait t recht en t geliek claimen om kultureel aarfgoud te kriminalizeren
noast n graauwe en groeterge matras ligt veurover n man dij slachtovver is van sadistische macht en wellust t in woord en doad mishandeln en vernedern deur t verwonden van liggoam en gaist gebeurt bewust
Kopsc
hra
beri
jen
19
* Burbach
winstbejag gaait boven humaniteit en internatsionoale konvìnsies veur de rechten van de mìns worden schonden t is de swaarde schare van privatizeren woar uut t leed van slachtovvers al meer verdainmodellen ontstonden
zeker is dat hai dij leuft dat moorden en verkrachten veuròf goan aan t toutreden tot n paradies d'hemel op eerde nooit vindt zeker is dat hai tot in d'aiweghaid nait begriepen zal dat nait d'illuzie van de dood mor dat wat j'achterloaten mìnsen verbindt
Kopsc
hra
beri
jen
20
* Kredo
boegzoame en flinterdunne plaaisters meten onderhoeds nauwkeureg elke scheet dij dwaars zit onder t mom van n goie gezondhaid nemen lu kennis van biometrische gegevens en doun doar heur veurdail mit
Kopsc
hra
beri
jen
21
* Pokkelplakkerij
mor elke plakker het
twij kaanten en misbruuk is nait ondenkboar want noast goud is ook slecht n meroakels goie handelswoar
n stad vol helse vuren en gruwelke wandoaden dij onder t aalzaind oog van bevrijders ploatsvinden is t teneel van n smereg schoakspel woar hoave en goud en mìnselkhaid finoal ontbinden
Kopsc
hra
beri
jen
22
* Kobani
levens binnen
ondergeschikt aan lugubere belangen want machten en kaptoalen bewandeln duustere gangen
glurende lenzen scannen doaglieks rondom aal t goud en t fout onzichtboare ogen spioneren en zenden beelden noar de cloud anonieme servers leggen ongegeneerd t doun en loaten vast privacy is n leeg begrip en wordt legitiem aantast
Kopsc
hra
beri
jen
23
* Big Brother
de konsekwentsies van de nije seniorenstress worden volledeg onderschat d'inrichten van onze soamenleven ligt nait op de weg van t leste levenspad
Kopsc
hra
beri
jen
24
* Doodlopend
bie t jonkgoud beheurt mit geld omgoan nait tot de grondkennis t glidt heur deur d'handen as of t wotter in n wòrsthoorntje is
Kopsc
hra
beri
jen
25
* Schuldenlast
t is bekend dat geld zunder sesam-open-u deurlopend op bulten schit mor aans as in t sprookje van doezend en ain nacht gaait t nou via transmit
Kopsc
hra
beri
jen
26
* Ali Baba
n gevalen mure symbolizeert d’ommekeer noar n vrijhaid zunder slagbomen en noar ainhaid en soamengoan mor dit gedenken schetst ook d'omstandegheden hou je soms hail snel weer mit de rug tegen de mure stoan
Kopsc
hra
beri
jen
27
* Berlien
t is n kwestie van even scrollen om fraude en moord en doodslag te ontrollen jihad en vluchtelingen geweld en corrupsie
loaten t bloud in d'oaders stollen
Kopsc
hra
beri
jen
28
* Veeg taiken
celstraf en
relschoppers
coke en ruzie
slachtoffers en ook homogeweld
stadionverbod
n klopjacht en politie worden mit ain veeg over joen screen vermeld
walhalla en eldorado binnen veulal lege begrippen mor de vermogende elite kin doar meroakel vlinderknippen
Kopsc
hra
beri
jen
29
* Tuutjefloiten
as der n poar akkoorden klinken op de fender van n snokkel rezoneren de gevuilege snoaren van t gemoud van n mokkel
Kopsc
hra
beri
jen
30
* Blues
nait elk
het mit zien instrument zo'n groot sukses n doedel mit n zak verlangt n aander proses
op veul waarkvlouers binnen mìnselke moaten krompen tot n bedenkelk niveau predikoaten en sertifikoaten binnen wel zichtboar veuraal veur de show mor
Kopsc
hra
beri
jen
31
* Stoat van ontbinden
bestaait kwaliteit allìnd mor uut papieren protokollen en statistieken binnen systemen intern verröt en goan ze meetboar over lieken
onder klaai en zaand brekt ons de gaswinnen aal meer op mor dizze liedensweg noar de dood kent gain dodemansknop
Kopsc
hra
beri
jen
32
* (on)Zekerhaid
noa n aanslag en de zoveulste gewelddoad vellen digitoale beulen vlot n doodvonnis want as angst transformeert in blinde hoat wordt ter oordaild zunder faaitenkennis
Kopsc
hra
beri
jen
33
* Twitterbalans
vrijhaid balanseert op n riggel dij ainglieks hail slim smaal en seupel is vertraauwen verdampt en wantraauwen waast bie elke nije krisis
wat aal meer dudelk wordt is dat je dingen doun woar gain aine over smoest t swaarde circuit van seks drugs en gok & roll zörgt veur d’ekonomische boost
Kopsc
hra
beri
jen
34
* Beunhoazerij
hinderk wol veur t klokverzetten aan zien jaantje nog even wat kwiet bie heur was der dudelk gain verschil tussen heur zummer- en wintertiet
Kopsc
hra
beri
jen
35
* Tiet
in de krochten van wereldbanken liggen kaptoalen stil uut te dijen t is t geld van spoaren veur loater wegsluusd deur beduvelderijen
Kopsc
hra
beri
jen
36
* Duvelswaark
binnen de vrundschap van sjors en sjimmie en kunk wezen van taka-tukaland net as de fratsen van tom zien jerry nou rasistisch en intolerant of is t
Kopsc
hra
beri
jen
37
* Geschiedvervaalzen
t onvermogen om zoaken in historisch perpektief te zain in dizzen meer relevant
de mìnshaid strampelt deur zien zulf gekreëerde jachtege wereld vol nije technieken en radflitsende infermoatsiestromen mentoal funksioneert e in t begunstoadium van zien beschoaven mit degenerende genen en geschonden chromosomen
Kopsc
hra
beri
jen
38
* Achterop
opschaiten krigt n bepoalde demenzie as der vlaigende hoast is bie defenzie
Kopsc
hra
beri
jen
39
* F-16
t binnen gebloakerde legertrucks as bewies dat woarhaid n leugen is t binnen de troanen van noabestoanden dij op kerkhoven stromen om t gemis t is t gif van propaganda dij lu aanvret en tot zombies muteert
Kopsc
hra
beri
jen
40
* Moskou
t is de journalist en t oppozietsielid dij men systemoatisch molesteert mor nait elk is ontvankelk veur hysterisch patriottisme nait elk wil drogeerd wezen deur misvörmd realisme
t was t volk van törf-jenever dat stom en stoens achterdochteg was t was t volk van sproakeloze schoamte dat stoere woorden nooit sprak en las nou is t t volk dat mit n stìmpel dommeg is en ongeschoold
Kopsc
hra
beri
jen
40
* Veenkolonies
nou is t t volk dat leeggeletterd dik en rond deur de wereld doolt mor is t wel t volk van overmoaten van ongezond en seupelhaid of is t meer t volk mit n gezonde moate van nuchterhaid
Kopsc
hra
beri
jen
is ook te volgen op Wordpress. U kunt zich hierop abonneren door op de site uw e-mail adres in te vullen bij Blog volgen.
Kopschraberijen vindt u op http://eltjedoddema.wordpress.com Mail adres: [email protected]